سعد المسند رحمه الله تعالي والظاهر ان هذه القصيده من كلماته رحمه الله تعالي لكن بعض الكلمات لم تكن واضحه
فنقلتها على نفس الكتابه تقريبا.
**
ياللي طلبت الشور من غير أهاليه
انا اشهد نه شور ماجاء بمحله
شارو عليك الشور ماأبعد موار يه
عن الهدف إن كنت تعرف مدن له
صحيح من قال النساء مالهن فيه
شرهن وخالفهن بالامر كله
طعت الذي ماأكمل العقل باريه
بالعاطفه يحكم و نفسه تتله
وراي يوم جيت لمه واراضيه
واستعطفه عن كل عجفاء وزله
تغدرن من غير حجه تخليه
يصد عني يتبع اللي يظله
الز ين ماينقال والشين تبديه
لا والله اللي هنت عند الاخله
مادر يت ان الصبر له حد تاليه
وحبل الوصل يقطع إلى شد كله
من باعنا بعناه ومن سام نشر يه
واللي يود لقربنا ننظعله
واللي يود ابعادنا مانجي ليه
لوجاء عقب مافات حنا نمله
نفسي تشوم وكل ماقلت ناو يه
مادام افش سر عشنا بظله
هانت عليه العشر اللي تسليه
عشرة سنين كله له وخله
من دون مايدخل بنا من يخليه
ينسى الذي مافات واللي مظله
أيام مانساها ولو كنت ناسيه
أعيش بذكراها على كل حله
مثلي بوقت الضيق تذكر مماشيه
وإلا الرخاء كلن غدى دون خله
مايبري الا الصبر من جرح كاو يه
والصبر يشفي الجروح المعله
ياما بوسط القلب زادت غناو يه
و ياما بنيت قصور له مستقله
وياما سهرت الليل لاجله وناديه
وياما طويت البيد الشو قفله
واليوم كنت وكان ماصار خافيه
لاواحسايف جيتي عنوتله
خله يجرب غير اللي يور يه
نجم الظهر و يذكر عقب مله
والله ماأكرر زواج ولاأبغيه
مابي هواء ياناس مابي المذله
ابي باقي العمر اعيش تاليه
نبر الشيبان هم الخير جله
وانافي يكفي القدر فوق غاطيه
رغب الحواصل بين غيري يدله
قم شمر الساعد وقول قول تنفيه
لاصار خلك يشتكي فيك مله
ترى كر يم الاصل مثلك تبار يه
قول الشهامه لاترادى حمله
اما اعتدل وذا توده وترجيه
وإن مال مل وقطع الحبل كله
اعوذ بالشيطان بالرب وارجيه
قول ….. في كل امري يظله
وصلوا على المختار ربي مصافيه
نبينا المعصوم عن كل زله
"تمت"
يسلموووووووووووووووووووووو
ولو انكم شلختونا شوي بالقصيده بس ماعليه
تحياااااتي
صحيح من قال النساء مالهن فيه
شرهن وخالفهن بالامر كله
الله يرحم الشاعر .. كلام في محله .. بالصميم هههههه
تحياتي لك