قصيده الشامله للشاعر عبدالعزيز ال حمد العريني السبيعي ..
يامحملين العفش بالله على وين=ماتاخذون الي طوى الهم حاله
انتم بني عمي كرام ميامين=ماهي علاقة مال ولازماله
نبغى نسج الساق صوب البلادين=صوب الحصان وماشمخ من جباله
شمالك العارض وهاك الضلاعين=في وادي طلحة يضلل اضلالة
حبي لها من يوم حنا بزارين=في عيني احسن من جنيف وصلاله
ذي دار جدي قبل سن القوانين=ذي دارنا غصب على كل عالة
ان كان حال الظرف عنها الى حين=يابوسعود انقل لربعي رساله
وصل سلامي مرجحين الموازين=ربعي رجال الطيب واهل الشكاله
واعزتي للي بليا عضيدين=غريب دار وقطعت به احباله
واسباب شي يشغل النفس من حين=خفايفة عند المريح اثقاله
بدعت انا من زبدة القاف سبعين=سبعين قاف عارف وش مجاله
وان زدتها ياهل المواقيف بيتين=قلت اسمحولي يارجال الشكاله
ويالله تقديني على الخير والزين=لاصار فيه امرا يريد الاطاله
سبحان من بمره جميع الثقلين=الي خلق خلقة وغير حواله
واليوم عمري صار فوق الثلاثين=ولاعاد ندري كم بقا من لياله
ياخبل رجل وصل فالسن سبعين=ماجاز عن ميله وخلا ضلالة
خل هل السنة وجمع المصلين=ماطاع ربه والرجيم استماله
الشهر راح ويلحق الشهر شهرين=وشهر بدا لابد نرقب اهلالة
ايامنا راحت ولا نا ابدارين=كلنا على الدنيا لزوم زواله
من غرته دنياه هذاك مسكين=يصحى ولكن ساعة الموت شاله
ويالله بفضلك يوم نشر الموازين=كتابي ابيمناي ماهي شماله
وياعين كفي ماتهلين ياعين=دمعك نضب من جمة الراس ماله
ولا ودي ابدي خافي القلب تكفين=شي سببه الوقت ولاخباله
وانتي تعرفين السبايب وتدرين =من وقتي الي طقني اليوم جاله
من دورة الايام ذقت الامرين=والوقت بين خايبة من رجاله
بعض العرب لاتحسبنه على الدين=لا جت مواقف القسى شان فاله
وانا عرفت ان المواقف براهين=وجربت من يطري الوفا بالعماله
شفت الرجال اصناف ماهيب صنفين=كل على ساسه تبين افعاله
والطيب قسم بين حضر وبداوين=العنقري قد قالها في مثاله
وهايب من مالك الملك والدين=الواحد المعبود جلا جلاله
ولاهيب سلعة تنجلب فالدكاكين=يجيبها التاجر بمدت ارياله
والعد له يوم المواريد وردين=احد شرب لاحيق واحد زلالة
ويا ناشد عن حالتي والمضامين=تبغى الجواب وتحسب القلب داله
عزاه ياقلب همومه ملايين=يخفي همومه داخلة عزتاله
اسهر وكل الخلق بالنوم ممسين=يوم ان راعي الكيف نثر ادلاله
كله سبايب وقتنا الي غدا شين=وقت تخالط عايجه بنعداله
مانيب مقهور ولانيب مسكين=ياوقتنا الي صار ترغي اجماله
الوقت لايصفي ولانا بصافين=ولاحد عن المكروه ماخذ وكاله
ماهمني عي تعين مطاعين=يفرح عليه لاهرج في مقاله
انامن اهل الكار والطيب والدين=امعرب مابين عمه وخاله
واحنا هل المدات فالعسر واللين=الرجل فينا مايشح ابحلاله
ذا طبعنا ماهوب جيل وجيلين=من وقت عامر ورثة في عياله
شي تثبته الكتب والدواوين=في صفحة التاريخ لاجا مجالة
وكان السبب يومي هويت اريش العين=عين الهنوف الي ذبحني دلاله
زينه زما زود على الزين بالزين=حتى بها الوصاف يضرب امثاله
ليتي عرفته يوم حنا بزارين=الي كسب فالزين تاجة وشاله
ومن عقبها معاد ندري على وين=هو في جنوب الدار ولا شماله
كانه زعل نصبر عسى قلبك يلين=وان كان ظرف الله يعجل زواله
وياخوف قلبي لايطيع العذولين=اخاف غض العود شح بوصاله
اقولها يامنية الروح والعين=لانامو العربان يجلس لحاله
ماهوب انا الي يقضي الدين بالدين=ولانيب اطالب واحد في حلاله
مير البلا من يحسب الحر له قين=المال غره وانخدع في جماله
والله من هم لحا الحال عامين=حمل شلعة القلب ثم ارتكا له
ياقلب يالي صار كنه فلسطين=مدري متى بالله يزول احتلاله
واخبر ضعيف النفس شذب المقفين=ولد العجوز الي ربا فالحثاله
كانه بعير الي خلق له سنامين=قله ترا عند العريني اعقالة
عندي بحور الشعر من فوق تسعين=وحطيت من بحر ملكته اسباله
شاعر مثبت حجتي بالبراهين=وفي وجه من يجحد كرمتو اتفاله
قريت وردي دون كل الشياطين=ولاتزحزحني وجيه النذاله
اثبت نفسي في جميع الميادين=ولا الردى واجب علي اعتزاله
طمحت للعليا ولا ابي المطامين=اشوق للعليا واعدي اجباله
ولانيب احب الزود مثل المسمين=من دون ناموس وسيع خياله
يقولها الي مرجح للموازين=ماهوب ينقص شط دجلة ابياله
بعض العرب لوحط له بس بيتين=تقول كنة صار صاحب جلاله
وسط المجلة سجلوله عناوين = في صورته شفته مميل اعقالة
حطوه مابين البشاير وياسمين= وفي الصفحة الاخرى مليحة وهاله
منتا بشاعر لو تسوق الملاين=الخبل خبل ولا يفيده اخباله
وش فايدة شعر بليا مضامين= مايعلن الشاعربقافة نظاله
جزل المعاني حفظت اسنين واسنين= مثل الجبل طول الزمن ما ازاله
وبعض المعاني لمعوها الضعيفين= بنيت على جرف سريع هياله
وختام هذي عد حمل البساتين= وعداد حبات الحصى في رماله
صلو على الهادي امام النبيين= على محمد سيد الخلق واله
اللهم صل على نبينا محمد ..
مما راق لي ..
صح السان الشاعر
وتسلم يمين الناقل
مشكووره فجووره
مودتي
طاب فالك وسلم قلبك
نقل رائع لاعدمناك
أورنس