ابطيت اخيل البرق يابارق الياس=واليا تعدت قلت مالله ومرها
من كثر ماعديت في راس نبراس=اتبع بروقك وتخبر مطرها
ماكني الا في صحاريك عساس=عسى سحاب الصيف يسقي دهرها
اضمت مطايا الشعر ياقاسي الباس=ومع دربها الوبال يتبع اثرها
هيجنت للهوجاس .وابليس … والناس=ماتدري ان الله روحي صخرها
على غلاك اللي بلا حد وقياس=بين الرجا والياس روحي حصرها
لاتصنعين الشوق …! بعيون جساس=من دون ذنب دووك عيني دمرها
غادي ودور في صحاريك نسناس=النفس طابت يامسبب كدرها
في حزة فيها المعاليق يباس=هاضت قريحة شاعر ماعسرها
عن الخيال وحام فالفكر قرناس=عينه على افكار توخت حذرها
اسبوقه المسباح والارض قرطاس=حول بها والقاع ضاق بنظرها
وترجمتها بالشعر من قلب واحساس=وهي كلمتين بس وبختصرها
العبره اللي تعترض بين الانفاس=ياليتها مثلك عطتني ظهرها
لشاعر
ناصر الحريص
مما راق لي
ان شاء الله تنال الرضا
طاب فالك وصح لسان ابن حريص
الشمري
أعجبتك وأعجبتنا طير القوافي
يعطيك الف عافيه جميله جدا
شاكر وجودكم الجميل
خالص ودي
طير القوافي
يعطيك العافية ع النقل ياطير
سلمت يدك
تقبل مروري
$معجبه بي القمر$
وجودكم يسعدني كثير