ياما ليالي عشنا فيها الحب الأصيل … كنت فيها ويا حبيب ماله مثيل
هل الخصام وصار الكلام بينا قليل … بعد الخصام خلاني الزمان بحبه عليل
يامن بحبه ذقت العذاب واصبح غريب … عيا الزمن يداوي الجراح جراح الحبيب
ياللي غيابه طول علي الوقت الصعيب … أشكي لمين جرح الحبيب عيا يطيب
من آلامي من أحزاني … أبكي وخبي حبك أداري
هجرك سقاني مر العذاب … يوم بعدك غير كياني
فاضت دموعي يوم الوداعي … لانك حبيبي وبعدك عذابي
يكفي جروحي يكفي آلامي … يكفيني منك اللي جرالي
أتذكر يوم خصامك … صرت محروم من حنانك
ليه تجرح ذكرى حبك … وآنا مالي إلا قربك
كم قاسيت من غيابك … كم عانيت من وداعك
بس لو تترك عنادك … وتعود لأيام ودادك
عد لأيام الصفى … عد لأيام الرخى
أنت دائي والدوى … أنت جرحي والعنى
غواني حبيبي وانزوى … والفؤاد مني انكوى
رماني بسهمه واختفى … نار حبه ماطفى
راح من طبعه الوفى … سلب فؤادي وجفى
قتلتي فيني الإحساس … فرجتي علي الأجناس
قتلتي فيني الإنسان … صرت دونك ضيعان
قضت علي السنين … خلت بدربي الأنين
خلتني هايم حزين … وانا أقاسي الحنين
وانت مع الإصرار … خليت حياتي دمار
بقيت جريح الأقدار … وضاقت علي الأقطار
مااقدر على الفرقة حبيبي … لانك روحي ونصيبي
قاسيت من ظلم الليالي … وطيفك ساكن في خيالي
إنت سبب باللي جرالي … ضاع الهنى وخابت آمالي
ولليوم أثبتلك خضوعي … وانت ما ترحم دموعي
وأخاف ماتنوي الرجوعي … وتزيد في حبك جروحي
أداوي جروحي بروحي … وانتظر لحظة تعودي
والحين من كثر المآسي … أشكي جرحي لك ياقاسي
كلمات
مختار المريسي
ويعطيك العافيه
تقديري لك