انا محتاجه لكم تفيدوني
لاني تعبت من جد مشكلتي هي انا الان جالسه استعد لاتاثيث بيتي
لاني صارت لي مشاكل مع زوجي واخلى الشقه الاوله حقتي والان جالسه اجهز من جديد
والمشكله هي ان كل ماجاء راتب زوجي خذت امه منه مبلغ وخصوصا اني انا انتضر مولودي الاول
والله تعبت ولااقدر اسوي شي كل مااقوله متى بنخلص شقتنا لاني الان جالسه مع اهله
والسبب الين اخلي الشقه حقتنا ولا بقى الا كم شهر والله اني تعبت ولا قدرت اشتري شي لا لبيبي
ولا للبيت والمشكله كل مااقوله يهاوشني ويقول بسوي ولا اشوف شي بس كلام وخايفه تتعصب الامور بيني وبينه
لاني لو رحت لاهلي ماعاد اقدر ارجع له لان ابوي حالف علي ان جيت زعلانه ماارح ارجع له والمصيبه انا امه تفره على كيفها لانه هو الاكبر وبعدين ابوه متوفي والله اني ابكي من القهر نفسيتي تعبانه مره والله حتى ماخلوني افرح بلبيبي
واستعد زي باقي الناس وش تفيدوني اسوي تكفون افيدوني تعبت ……………
الحياه الاستقرار صدقيني كل شي تبينه بجي انشا الله بس اهم شي زوجك بعدين مهما سوا
هذي امه ربته وتعبت عليه لين كبر ماتستحق انه يعطيه مبلغ مهما كان كبير او صغير مايوفيها حقها
انتي حاولي تتقربين منه اكثر عشان تقدرين تاخذين الي تبين منه
وصدقيني كل شي بالهداوه تقدرين تحصلين عليه
ولا تفكرين تروحين بيت اهلك زعلانه
الدنيا يبيلها صبر مو كل مشكله تطيرين عند اهلك صدقيني بعدين ماراح يصير لك قيمه عنده وبيكون وجودك مثل عدمه
انتي بس فليها او بمعنى ثاني [ افرديها ] ههههههه
اتمنى قدرت اخفف عندك وانصحك وانتي مالك الا الدعاء والصبر
الفلوس تروح وتجي والبيبي راح يجي رزقه معه لاتحاتين ( :
ولاتهدمين بيتك بإيدك إذا تبغين زوجك يحبك ويقدرك حبي أهله وقدريهم هذي أمه حبيبتي ومن حقها لو تاخذ فلوسه كلها و بدعوه وحده منها راح تتغير حياتكم للأفضل أو للأسوأ
أكيد إن نفسيتك مع الحمل ضايقه شوي الله يفرجها عليك وتجيبي البيبي وراح تجربي الأمومه اللي تشوفيها في أم زوجك وماتحبيها ^_*
وعلى قولت القمر إلي فوق أفرديها ياشيخه بكره بيجيك الي بينسيك هموم الدنيا ^_^
البيبي لا تخافين بس يجى راحيجي رزقة معاة
واتنمى لك حياة سعيدة
دام أبوه متوفي فلازم يصرف على أمه
أمه اللي ربته و تعبت عليه
و صدقني دام هو بار بأمه ربي راح يرزقك و يفرج عليه
كما قال تعالى: (ووصينا الإنسان بوالديه إحسانا حملته أمه كرها ووضعته كرها وحمله وفصاله ثلاثون شهرا)
و بعدين المولد راح يجي برزقه
و بالنسبة للولاة إذا كنت بقرب أم زوجك أو والدتك يكون أفضل لك يساعدوك و ينفسوك
و الشقه راح تستوي بس لا تكدر على زوجك بعجلتك
و ربي يسهل عليك
و تولدي بإذن بالسلامه
يعني بالله امه اذا خذت مبلغ كم بتاخذ كل الراتب مستحيل ياستي خليها تاخذ عليها بالعافيه المهم ان اهوا مو مقصر معاي
والشقه اذا كامل فرشها وباقي شي بسيط انقلي دام هالشي يريحك واهم شي ماتزعجي زوجك بسالفه الشقه ترا بيمل من كثر الحنه كل شي بالهداوه والتفاهم حلوووووو والله يتمم عليك فرحتك بالبيبي ولا تستعجلين بتجهيزه اذا جاء على قوله العجايز رزقه معه
اتمنى فدتك ولو بشي بسيط
ودي :.,
ومآ قصرو البنآت . وآنآ بصرآحه آضم صوتي لهم .
وانتي اصبري بعدين الله يفرجها عليكي
هذا اختبار ولازم تجتازين هذا الاختبار ربي مسوي عشان يختبرك اذا كنتي صبوره ولا لا
وبعدين مافي مشكله مالها حل كل المشاكل لها حل انتي اصبري وانشاءالله تنفرج عليكي
انتي اصبري والصبر مفتاح الفرج