الناس صيام وتعبانيين وظهر،،،عندكم خالد وعبيد ربع( اصدقاء) قاعدين جدام باب البيت تقول طلابين
يسولفوون>>>>> ماشي شغل والدراسه طاف
عبيد: خلووود قوم شو رايك نروح نحوط شوي احس اني متضايق
خالد: حتى انا والله متى بيخلص رمضان >>>>ويكفخ عمره هب متعود على اليوع
في السياره اول ماشغلووها يشتغل السيدي عيضه لاتحاول تعيد بدمعتك مامضى،،،ماتداوي دموعك جرح طول البعاد….الخ ( هب حافضتنها)
خالد: حووووووووووووووووووووووووو بند هب زين رمضان الحين
عبيد: هههههههههههههههههههه من متى صاير مطووع جيه انت صايم عن الاكل هب عن الاغاني
انزين يوم ماتبا تسمع حط اصبووعك في اذنك عاشوووووووووووووووو
خالد: ياخي هالاغنيه تلووع بجبدي حط شي زين >>>> الاخ فكر في كلام اربيعه وصدقه
عبيد : انزين شوو تباني احطلك,,عندي بن رووغه ووو فرق حربيه ووو ميحد حمد
خالد : هيه هوو العووق حط ميحد وجان عندك بعد اغنيه
كفا التجريح تعذبني وانا صابر،،،،،،،،كفا التجريح عجزت انطر شمس باكر روووووووووووووووووووووووح
ويطلع العصا ويووول وهوو قاعد في السياره،،ياويلي علييك عذاب
طووول الطريج وهم على هالحال من اغنيه على اغنيه اليين العصر قرب المغرب
عبيد: خلووووود جنها صلاه العصر بتفووتنا ونحن الحين بعيد دخلنا خط دبي وماشي مسيد عدالنا
هب مشكله بنجمعها عند المغرب لانه يعتبر سفر >>>>لو حد من اهله مطرشنه مابيروح بيقول تعبان
خالد: لا هناك احيد شي مسيد خلنا نروح نصلي>>>>محافظ على الصلاه شوي
الحين في المسيد:::::::
خالد اتوضا وخلص وراح صووب عبيد،،،،
خالد: عبيدووووووووووووووه ( يالاحوووول)>>>>>غياض عبيد،،،شوو ماخلصت
عبيد: ها خلصت ،،اممم خلووود ياخي يوم كنت اتمضمض حسيت اني شربت شوي ماي
شوو يعني فطرت،،،ولا لا
خالد: اذا متعمد هيه فطرت،،،واذا هب متعمد يعني لا كمل عادي
خلصوووو صلاه وركبووووووووو السياره وفي الطريج اذن لاذان وفطروو والحمد الله مر على خير
===================== ======================
اليووم الثاني:::::::: عبيد وخالد طالعين من المدرسه،،وخالد فيه صداع
طبعا في السياره وهم رادين
عبيد: خلووود شو فيه ويهك غادي تقول طماطه،،ههههههههه شو حد مكفخنك
خالد: اتخسي بعده ما انخلق اللي يمد ايده علييه،،،بس فيني صداع ( عبيدوو) اشم ريحه اكل
عبيد: بلللللللل عنبوو شميت ريحه القوطي ههههههههه هذا كرتون تونه حق العشا
خالد: خخخخخخخ لا ما شميت بس لمحت الكرتون قلت اسال شو هذا،،،آآآآآآآخ راسي يعورني
عبيد: في ايه قرانيه تقول اذا كنت على سفر ولا مريض عادي تفطر ،،، شو رايك
خالد: هيه الصراحه هب رايم اتحمل بفطر بس لاتخبر حد وقف السياره شوي
ويفتح كرتون التوونه وياخذله واحد وشوي خبز وهممممم سيده اكل>>>حتى ماقال بسم الله
عبيد: الله آآآآآآآه ريحه التوونه فنانه،،،كل بسرعه غربلك الله يووعتني
خالد: اصلا اذا انت شميت الريحه ووصلت حلجك يعني فطرت خلاص
عبيد: لالالالا حرام والله صدق>>>> فخاطره يبا حد يشجعه عشان يفطر عند اربيعه
يعني خلاص ماشي فايده صيامي راح،،عيل بكل عطني توونه..وهممم الاثنين طايحين اكل
وعقب الاكل ،قصدي الغدى كل واحد يقول حق الثاني عاد لاتخبر حد مافينا على الحشره
والى البيت
النهايه هع هع
والسموحه
علوي بس
يحسون بلي
يشتغلون في رمضان
بس لو ساعه وحده
يعطيك الف عاااافية