:
:
توني جايه من باريس المملكه الا وهي القصيم ياحبيله >>>> 
رحنااا للمزرعه الله على المزرعه وماا ادراك ما المزرعه وقومة الصبح فيهااا يالله من فضلك
أقووم الصبح على زقزقة العصاافير مو صوت ام الجيران تلعن بولدهااا عشان يروح للمدرسه
وفيهااا احلى صووت كو كو كو كوووووه >>> حتى ديكهم نفس لهجتهم 
ديك غير ديك قصيمي نشيط تجيب دجاجته باليوم ثلاث بيضاات 
يالله قوموو صبحهم بالخير لا احد يفطر فطوركم اليوم عندي >>>> مسويه سنعه 
وش الفطور يابطه؟؟؟؟
اليوم ابفطركم قرص جمر >>>> وراحت للمطبخ مشمره يديهاا وتسمع وراها اخواتها يقوولون
الله يستر يالله صبااح خير 
واجيب الطحين واحط الخميره ورشة الملح واصب المويه واعجن ذيك العجينه وتبقيس به
وتبقيس ودحج >>> اذا تبين سيدتي اي عجينه تضبط بقسيه زين 
واروح للمشب واحط الحطب واشبه لين ثعور ونفخ لين جمر وهم يستنون الفطور وعيونهم
فيها كلام بس مايهمني ياجبل ما يهزك ريح 
واجيب القصدير واحطه على الجمر وافرد العجينه فوقه واحط الجميرات فوق بعد مااستوت العجينه
الله على الريحه وافتفت القرص بااصيبعاتي وهو حااار >>> فدائيه هالبنت 
واحط معه الزبده والعسل واقدمه مع الحليب بزنجبيل ….
يالله سموو تفضلوو بدوو ياكلوون وانا اناظر بفرحه مسويه انجاز على بالهاا خخخخ
اشوف ملعقتين وقامو اللي سواله سندويش واللي قالت ابرجع انام الا ابوي يابعد عمري هو
ياكل ويغصغص يجاملني ويقوول يامال العافيه عمري ما ذقت زيه طبعا انا كبر راسي وصدقت
يوم جا العصر ويجتمعن عندنا القصيمياات وسوالف وفله وتعليق ومزح طبعاا سواليف العجز حش
بحريم العيال وحريم العيال حش بحمايلهن والبنااات مسوين يااااي سواليف عن الماركااات واخر 
الصرعااات بس ماهو لايق يدربوون هالكراث وزرط وماركااات >>> ابد ماهو لايق 
انااا طفشت من جلستهن اتصلت على اخوي مواعدني يعلمني السواقه ونركب الجمس ويعلمني
قلت وبس سهله انزل واشغل السياره ومتعلقه بالدركسون واتذكر الحزام واربطه >>> تحب نفسه
المهم قلت الحين يقولي حطي رجلس على البانزين واذا نقلتي نفس الرجل على الفرامل توقف
السياره >>>> صدق اخوي غبي طيب ربي معطيناا رجلين ثنتين ليش مااحط وحده على البنزين
والثانيه على الفرامل وادعسسسسسسسسسسسسسسسسسسسسسس 
:
وانا ضاغطه الرجلين كل وحده على دعااااااااااااااااااااااسه 
ياويلي قامت تفحط السياره يمه >>>> تصاااااارخ بااعلى صوتهااااااا
وانا طايره بالسياره وتقابلني عمتي تتمشى بااحواض الطماط ويييييييييييييييييييييييين ارووح
والف يمين على العقم واضرب به وتوقف السياره وارتطم راسي بالدركسوون ودخت
مادريت الا شايلني واحد اطخم وانا افتح عيوني وارجع اغمض احسب اني احلم وشوي اقوم
اتلفت ادور الحصان الابيض >>> على بالها فارس الاحلام خخخخخخخخ>>> كل هاذا من تأثير روايات عبير
المهم وداني للمجلس والحريم يصرخن وجااا يعطني تنفس صنااعي بس اخوي هالملقووف
قال خلونا ننقلهاا للمستشفى >>>> وشووووو مستشفى يعني ابر 
وانااا اقمز ماافيني شي ويذبوون علي جلال الصلاة >>> يغطونها واخزيااه قدام هالاطخم
وبكذا انتهت رحلتي الى باريس >>> طبعا سألت بنت عمي منه هالاطخم قالت ولد عمتي حصه
>>>> ولد عمتي حصه من متى هالزين الله يرحم ايام اول >>> ماتترك الشر خخخخخخخخخ
وبكذااا أنتهت رحلتي الى باريس الحمد لله عدت على خير 
معاني الكلمااات :
عقم >> طعس صغيررون
جلال >> شرشف الصلاة
أطخم >> رجل وسيم ازرق العينين عريض المنكبين
والسلاااااااااااام ختاااااااااااااااااااااام
والله انك مسكينه مأخذه مقالب في نفسك
تقبلي مروووووووووووري
بس لين الحين مو مقتنعه ليش نستخدم رجل وحده بالسواقه ؟؟؟؟
تحيتي لك
الحين باريس هي القصيم ؟؟؟
واقرا في الموضوع ادور وين باريس تقولي طعس وشرشف صلاة وكراث ومدري أيش؟؟؟
لالالالالا باريس حقتك 
خطييييييييييييييييييييييرة الله يخليها لك
أرج مرجوجه
والمره الجايه بنمرك تروحين معنااا للمزرعه
عشاان تتأكدين انها أحلى من باغيس ههههههههههههههه
تعالي تقولين أدعولي بالاختبارات حشى ولاده مو أختبارات خخخخخخخخخخخخ
الله يوفقتس وينجحتس يامرجيجه >>> وش رايتس بالعجوز ههههههههه
مشكوره على القصه
على مرورك ومشاركتك
تقبل تحيتي
الحين هذي بارررررررريس
حلمي حبيبتي
ومشكوووووووووره على القصه
ألى هالدرجه ضيع بك ذا الأطخم خخخخخخخخخ
والله لو انه هيرتك كروشن طبعا اكيد تعرفونه غني عن التعريف
روووووووووووووعة