اسكتوا …. مش البت عنبة انتحرت … قصدي امتحنت … وخلاااااص كل حي راااح لحاااله
صحيح كنت رايحة امتحان التدريس المصغر وركبي بتخبط ع الجيران وعمالة أسح أسح
ودخلت اللجنة ولقيت الامتحااااااااااان سهل مية … وبرده عمالة اعيط ونازلة سح … (( تخلف أنا عارفة ))
وماعرفتش أفتكر حااجة …. ولا حد عبرني بكباية ميه حتى … كان مراقب ابن تييييييييت .. يللا .. منه لله
اما بالنوسبة لأمتحاان الادب الاندلسى … فكنت رايحة مذاكرة المنهج كلة وصممممم
بس كان القصائد مالحقتش أراجع عليها كلها … وماشية مرعوووووووووووووبة
وادعيلي يا ماما … ويانهار اسوح بقة
روحت …. لقيت الامتحاااااااااااان صعب نااااااااااااااااار ناااااااااااااااااار ناااااااااااااااار
قولت يابت يا عنبة سيبك … المهم تركزي كده واستهدي بالله
طبعا نازله دح (( كتابة )) من أول الامتحااان وكنت همووووووووووووت وأشرب … بس كنت خايفة
آه خايفة أضيع تلت ثواني ولا حاجة على ما أشرب … آه والله
ماكنش في وقت أتنفس حتى والامتحاااااااااااااان طوييييييييييييييييييل جداااااااااا وصعب موووووووووت … يعني محتاج تركيز جااااااااااااااااااااامد … وركزنا والحمد لله
ده طبعا غير الاجراءات العسكرية اللي بيتخذوها عشان يسمحولك تشرب … منهم لله
أولا اقعدي على الطرف …
ثانيا ابعدي الورقة عنك ..
ثالثا .. سمي الله …
رابعا .. ماتخليش في نيتك حاجة وحشة وانتي بتشربي عشان ما تشرقيش وتودينا في ستين داهية
شوفو بقة كنت هضيع وقت قد ايييه …
قولت لأ وعلى ايييه ؟؟!! … اموت عطشانة أحسن وانا سلاحي (( قلمي )) في ايدي … أديني هبقى شهيييدة
ده غير فساااد بعض المراقبين … والله بجد
عارفين انتو حكاية ان المراقب يبقى معاه صورة ليك عشان يتأكد ان اللي قاعدة تمتحن تبقى عنبة مش بلحة
وكانت بتبقى مواااقف رخمة موووووووووووت
تلاقي المراقب من دووول يبص في الصورة ويبصلي …
ويبتسم ابتسامة بلهااااااااااء تنم عن غبااااااااء ويدلدل لسانة ويقول :
مش برده عنبة عنابي أبو العنابيب
أنا بصبر نافذ : أيون هي دي (( انجز يا خفيييف ورانا مسؤليااات ))
الرخم (( المراقب يعني )) : لأ … في فرق بين الصورتين .. وفرق واضح جدا
بصي معايا كده يا آنسة … شوفي .. كنتي بتضحكي هنا في الصورة ازاي … والنبي تضحكي عشان اتأكد بس
أنا :((انت هتستهبل ع الصبح ولا ايه ده احنا داخلين على لجنه ولو سوابق ياريت تنزل من الديسك ))
لأ حضرتك ماهو ساعتها ماكنتش بمتحن
هو : آه فعلا .. طيب يللا … الله يوفقك
أنا : (( الله يحرقك )) شكرا حضرتك
يااااااه على الرخااااامة
لأ وساعات بقى … ووالله بجد حصلت أكتر من مرة …
تلاقيه يقوم يبص في الصورة .. ويقف قدامي ويقول اسم واحدة تانية خالص
المراقب : بلحة زغلوول تمر هندي …. ((يرد على نفسه )) آه
لأ فعلا هي .. هه .. اللي بعده
أنا :(( يااااه على الغباء انت شكلك كده ضارب فوووووووول ع الصبح )) لو سمحت يا أستاذ … لأ أنا ماسميش بلحة .. أنا عنبة حضرتك …
والله حصلت أكتر من مرة ودي حاجة كانت بتنرفزني … ايه الاستهبال ده بجد … والله اهماااال فظيع
لأ ولا يوم امتحان العروض … رايحة وأنا مش عارفة أنا همتحن اييه … والله بجد
سلمولنا ورقة الاجابة واكتبي بياناتك في الأول … كتبت بس باقي المادة
يانهار اسوح … مش وقتك يا هيزو (( زهايمر )) والنبي مافيقالك
أنا : لو سمحتي … حضرتك هي الماده اللي احنا هنمتحنها بعون الله دي اسمها ايه
وكاااان موقف محرج من اللي بيحصلوا جوة اللجنة
لأ ولا الموقف الأكثر احراجا …
كانت في حكاية الصور دي …
المراقبة بصت في الصورة وقالتلي : اسمك ايه ؟!!
أنا : (( اصطبحنا )) عنبة عنابي ابو العنابيب
هي : ايه ؟؟!! عنبة ايه
أنا : بغباااء معهود مني روحت بصيت في الورقة اللي قدامي ع الديسك (( بتأكد من الاسم ))
أنا : عنبة عنابي أبو العنابيب … اه والله
ولقيت اللجنة كلها ضحكت عليا … وياااااااه على الاحراااج بقة وانت في عز الخوف من الامتحان .. بتبقى ضاربة معاك ع الآخر
يللا … الواحد بيبقى موصيييييبة في الامتحانات دي والله
بس حصلت للواحد شويه حاجااات …
والنتيجة طلعت بقة وكااااااان يوم كله فرحة وزغاريد (( ضرب وشلاليت .. بس أنا بموت في التورية ))
والبيت نازل ضرب وتلطيش وشتيمة وتهزييئ .. من الآخر صيتوني يعني وظبطوني وماخلوش في نفسي حاجة
ياما قولنالك ذاكري … لكن ازاي ..
أنا (( هو أنا مش كنت متنيلة وناوية اني أروح عند تيتا عشان التقطيم ده ))
قال يعني البت لما تشتغل هتيجي تقولي خد ى يااما ياللي تعبتى معايا
أنا (( اسمها ماما وبعدين عرفت منين اننا هطلع ندلة ))
سامعة الزغاريد … جتك وكسة …
أنا : (( ياستي ان كان ع الزغاريد نعوضها ان شاء الله يوم ماتخلصوا مني كده وتحدفوني على قبري ))
لأ واللي يغيظ ان اخويا لحد النهاردة بيفتح موقع الوزارة ويشتغل على أرقام الجلوس ويجيب نتايج مصر كلها حتى ولو ناس مايعرفهمش شكلهم مكنوش مصدقين انى هنجح واعدى الترم ده…اه والله
كل يوم أسمعه الساعة تمانية كده ولا حاااجة
اخويا: عنبة … بت ياعنبة
أنا: (( ايه بس ع الصبح كده )) نعم خالووووووده يا حبيبي … صباح الخير
خالوووووده : هتيلي رقم جلوسك يللا عشان أجيب بيه نتايج البشر
أنا :(( يووووووووه مواااال كل يوم )) من عنية ياحشرى … واعمل نفسي روحت في النوم
وفجأة ألاقي أي حاجة اتحدفت عليا … جزمة .. شوراب .. كلب ميت … سحلفة منحرفة .. اي حاجة
أنا : (( لأ لأ … مش كده بقى … شكلي هقوم أتخانق وأطلع القديم والجديد … يابني انت مش قدي )) والنبي عثل يا خالووووده ياخويا وكل اللي ييجي منك عثل … وأقولهوله طبعا مجبرة
ويتفاعل مع كل واحدة وواحد ولا أكنهم اخواته …
وكل شوية بقة … شايفة البت دي شاطرة ازاي … مش انتي … جاتنا نيلة في حظنا الهباب
أنا : (( الله يحرقها يكش أشوفها والع … )) ربنا يوفقها يااخى واحنا مالنا
وعلطوووول بقة كده
للتتنبيه يا جماه عنبه دي تبقي سيادتي
اصل ده دلعي
تسلمي ياقمر
تسلم إيدك ياعنبااية
تسلمي ياقمر
تسلم إيدك ياعنباية
على مرورك الجميل
تسلمى على المرور
ع العموم يسلمو
يعطيك العافيه,,,
يسلمو