لقيت دفتر لمادة الأحياء قدييم لشخص مو غريب علي 
شلته وطاح منه منديل مكتوب فيه
( فقدتك يا أعز الناس فقدت الحب والطيبه + حرفين )
طبعا وش تتوقعون مني قدآم شي خاص وماهو لي وكأن فيه سر كبير ومحرج !!
طبعا فتحت الدفتر بحماس واللا بيجيني أرق في الليل
تصفحته لين أوصل لشي خاص بهالمنديل ولقيت رسالة من صفحتين وجه وقفى
وأنا أقرآها عرفت مين اللي كاتبه هالرساله ومين المرسل ورحت للحبيبه اللي كاتبتها
طبعا أمون عليها بشكل ما تتخيلونه وجبت لها الدفتر قلت ودك تحرقينه ودك تشوينه بس دوريتوز جبنه حق الدفتر
قالت لا خليني اشوف الرساله قبل . واحنا نقراء ونستذكر العشق الممنوع اقصد عشقها في الطفوله
ونضحك والدموع شلالات … خلونا نشوف كيف كانت الرساله
هي بدفتر الأحياء حق روميو والقهر ما يداوم اللا اسبوع في الترم ,,
اسبوع الامتحانات والبراشيم يشتريها
يعني مافي أمل يمر ع الدفتر
العنوان " من القلب للقلب " < يمكن …..
< هي كاتبه يمكن مو أنا
واستفتحت الرساله بـ /
التفت بالهون واسمع يا ملاك ,,
< لحظة تأمل ممزوج بعلآمة تعجب ,, أسترجع ذيك الأيام كيف كان نظرها هل كانت تعاني من فطور صبحي مدري عشاء ليلي !!
ولا لقيت سبب مقنع تلقبه بالملآك
التفت بالهون واسمع يا ملاك ,,
ودي أسولف على كيفي وأقول ,,
إيه أحبك وأتنفس هوآك ,,
والعمر وياك ياليته يطول ,,
ما سكن قلبي من العالم سوآك ,,
وحدك الغالي وبقلبي تجول ,,
والله ذويقه من يومك .
وكملت رسالتها وقالت كلآم من الخاطر تعدت ماجد المهندس شويتين
ثم كملت :
( ودي لو تبادلني بجزء بسيط وأنا عارفه وحاسه ومتأكده إنك تكلم بنات ويمكن تحب بس خذ راحتك صبري على بعدك كبيــر ,,,,
< ألييمه ,, أخر سطر لحد يصرقه وييقول يصلح مطلع قصيده ,,ولآ يبرق لكم بآرق هاه ,,
أكيد الشباب حقدو على الحبيب بعد هالسطرين المؤثره والله جد مؤثر .
بقية النص :
شد حيلك وتخرج من الثنوي ونشوفك دكتور أد الدونيا ودي أكتب زياده بس بشوف أكمل في دفتر المكتبه ,, < دفتر المكتبه كمان
نويتي ع الجدول كله يا بنت الحلآل لو كتبتي له على البرشام بيشوفه اما الدفاتر ما ضنتي وأنا أختك .
أعرفك ذكيه لين طحتي ع الدفاتر ولا عرف بالرساله وهذ من فضل ربي , كان بيصدق إنه ملآك هههههه
العبره من القصه عشان نكون مفيدين شويه < وخرو نزل العقل
التصرف هذا محرج للبنت لمن تكبر بيجي اليوم اللي تعقل فيه وتقول وآ فشيلتآه
التهور مو زين , توصلين مشاعرك ؟ هذي جرأه , ولاهي حلوه بحقك
والله الثقل صنعه لا تقولين الثقل بعدين < عاشت أحلام ^^
هذا المنديل
والرساله ما حبيت أصورها صح عطتني وجه وسمحت لي بس ما أخذها حلا 
*روحي بحر
كل شي ولا أرق الليل غلاتي 🙂
العشق الممنوع >> عبارة جميلة وصف صحيح
نعم غاليتي وأكثر من محرج لأنه محرم والعقل زينة البنت .. والمراهقة مليئة بالطرائف والأخطاء
العقل نزل >>
روحي الغلا
موضوع طريف هادف وأسلوبك رائع
حباك الله خفة الروح والظل .. حفظك المولى
أسعد الله قلبك
تحيتي
يسلمو ع المرور والتفاعل =)
والله منوره بقووه
صدقتي المراهقه فيها مواقف مو محسوبه ومحرجه دايم
والطرافه أحلى شي فيها =)
رآيك له مكانه خاصه عندي الله لآ يحرمني هالطله
.
هههههه
حطمتيها بالتعليقات ههههههههههههههه
ههههه
جرئيه بنظري كيف قدرت تغامر وتكتب وتحطها في الدفتر
ههههه ومع ذلك راح تعبها ههههه
كان كتبته ببرشام هههههههههههههههههه
الله يسعدك ياروحي بحر
طرح جدا فكاهيه وطريف
تقبلي تحيتي
طير القوافي
عادي اكيد كل وحده وواحد منا له تجربه حب000بس نكبر ونعقل000هههههههههههههههههههه
يسلمو
الحب احلى حاجه بالكون0000هع هع هع هع هع هع
لا ماأحطمها هي مبسوطه انه ما شاف الدفتر
فما نبغى أحد يعيدها,
الله يعطيك العافيه اسعدني تواجدك .
أكيد الحب أحلى شي بالكون بس يكون حب بحسن تصرف
اش رايك توصله الرساله ويقول معليش مو إنتي اللي في بالي !
مش حلوه أبدن
منوره ..