اليوم حابه اكتب كل المواقف اللي حصلت لي شخصيا او أي احد اعرفه اوك ابداء بمواقفي
1- مره كان عندنا زواج ورايحه السوق علشان اشتري اكسسورات وكان فيه محل صغير مره للاكسسوارات وكنت انا بزاوية المحل وكان في جنبي بنتين وانا رافعه شوي الطرحه من على عيوني اطلع الاكسسوارات مادريت الا اللي وراي يقول هاااه ماخلصتووو الاخ يحسبني وحده من خواته انا نزلت الغطا على عيوني وخميت الاكسسوارات لزقت خشتي بلاكسسوارات اللي قدامي من الخرعه وعلشان يمر من وراي لان المكان مره ضيق الاخ انتبه ان خواته اللي جنبي يقولوووون ماجد حنا هنا هههههههههه
2- مره كنا عند خوالي وكانا مسوين حفلة نجاح وكنت لابسه بلوزه وحده بكم وحده بدووون كم ههههههه والمشكله دخلت مع بنت خالي تنوم اختها الضغيره في المجلس وكانت معي ثنتين من بنات خوالي اصغر مني وحده بسنه والثانيه بسنتين المهم جاء ولد خالي وقامت اخته قدمت لباب ومطلعه راسها مع الباب تقووول عندي بنات ههههههه الاخ الكريم مو مصدقها لانها بعض المرات بنت خالي اللي هي اخته يكذبووون على اخوهم اذا مابغووه يقعد معهم ع النت وهو مو مصدقها يدف الباب واخته تحلف له والله العظيم عندي بنات هههههههه عاد حنا تعالوووو شوفو اشكالنا ههههههه حنا بالعاده اذا كنا ببيت خوالي الطرحه ماتنزل من راسنا احتياط للحالات الطارئه مثل كذا ههههههه المهم انا مادري وش استر استر وجهي ولا يدي اللي بدوون كم هههههه وحشروووني بنات خووالي الثنتين اللي معي بالزاويه لانهم هم بعد يتغطوون عنه المهم انا النحيفه بينحم صرت بالزاويه وراصيني بنات خوالي الثنتين بالزاويه حسيت طلعت روحي ههههههه الاخ الكريم دف الباب ولا اهتم لاخته علباله انها تكذب يوم شاف اشكالنا متراصين بالزاويه وام الحاله ولا كانه سوى شيء شل شلايله وطلع وكنه ماسوى شيء ههههههههه وكان ابوه توه راقي مع الدرج بيروح ينام تمنيت انه شايفه ومسطره وبارد حرتي فيه هههههههه
3- مره كنا بزواج بنت خالي وخلص الزواج وطالعنا من القصر وكنت حاطه الطرحه طبقتين علشان مايبين وجهي مع انوار القصر واكباسه وكان اخوي يكلم امي عند باب القصر قال اخوي السياره قدام الباب روحي اركبي وانا امشي منزله عيوني بالارض علشان مااخبط خبطه تفضحني بالشارع وكنت لابسه كعب طول جدي هع وكل همي اني ماخبط في الشارع ويطيح وجهي وكان فيه سياره مثل سياره اخوي بس اللهم الخطوط تختلف ويوم وصلت السياره رفعت راسي علشان افتح الباب الخلفي للي من جهت الراكب اللي جنب السايق افتح الباب مو راضي ينفتح الباب مقفل قلت في نفسي هذا يستهبل اخوي مقفل السياره وشوفت واحد في مرتبت السايق قلت غريبه السياره فاضيه وكانوو خواتي سابقيني للسياره غريبه خواتي وين السياره فاضيه وفيه واحد بالسياره واخوي يكلم امي هذا مين طيب ههههههههه المشكله مصره ان الباب يفتح شوي اكسر حق اللي يفتح الباب ماصحاني من حبل التسالات للي بمخي الى على تعليقت بوري سياره وراي اثاريها اختي معلقه البوري وتأشر لي انا دوروني ماتلاقوني طاح وجهي بالقاع تفشلت قمت اركض بالشارع ركض واركب بسيارة اخوي واقعد ياويلي ويلاه وياويلي ويلاه وعلى هالطاري لين جاء اخوي واقعد اقول وشلون تقولي انت وجهك السياره قدام الباب وانتم ملبق ورى هااااه قال احمدي ربك انك متغطيه يعني ماشاف وجهك وماصار شيء يابرد اعصابه هالاخوووو وخواتي يقولون الحمد لله انه مقفل بيبان السياره شكله يقول وش هالبلشه وش تبي هاذي مصره افتح الباب لها ههههههههههه بس والله طاح وجهي طيحه مالها مثيل
4- مره كنا ببيت خوالي وكانت بدوره المياه الله يكرمكم وفتحت الباب بطلع الا بخشتي ولد خالي ههه واصفق باب الحمام (سكرته) قعدت امكن 3 دقايق ماسمعت صوت احد يمشي قلت اكيد راح فتحت الباب الا على رجعته لغرفة الكوي بياخذ باقي ملابسه لانه بيسافر لدوامه وماامداني احط رجلي برى عتبه الحمام الا هو راجع ههههه وارجع اصفق باب الحمام مره ثانيه هههههه(طبعا كانت غرفة الكوي جنب الحمام) امكن هالمره قعدة 10 دقايق بالحام لين تأكدت انه طس ههههه ثمين فتحت الباب اطل هو راح ولا لسى اثاريه راح وسيده للمجلس حق الحريم هههههه
5- مره يوم كنت صغيره امكن قبل لاادخل الابتدائي كنت ريحه مره مع اخوي للسوق ونزل هو وتركني بالسياره مر صديق اخوي وشاف سياره اخوي وحب يسوي فيه مقلب الاخ جاى وركب في محل السايق وكان اخوي مخلي السياره شغاله وفيها المفتاح لانه مخليني فيها ويوم ركب صديق اخوي انا خفت قلت هذا بينحاش فيني وشوي جتني الصيحه بس مدري وش اللي مسكني لااصيح هو قال لي هذي سيارة نايف اللي هو اخوي قلت ايه وانا خايفه الاخ دق ريوس وحركها من الموقف وانا شوي اصيح وشكله عارف انه فيني الصيحه قال اخوك بأي محل وقعدت اششر له بالمحل اللي دخلت لان دخل بأحد المحلات اللي ع الشارع الاخ أخذ فره بالسياره حول السوق وانا معه وشوي اصيح من الخوف وطلع اخوي يدوور السياره وين طارت الا ويشوف خويه توه موقفها وينزل خويه ومدري وش تكلمووو فيه الاخ صديق اخوي راحمني راح اشترى اخيس بطاطس وكنت قاعده بالمرتبه الخلفيه وفتح الباب ومد علي البطاطس قلت ماأبي شكرا قالي خذي قلت مابي هو حذف البطاطس علي هههههههه وسكر الباب ههههه شكله ناوي ياخذ السياره ويروح فيه بس يوم شافني فيها اخذ فره بس فيها ورجعها ههههههه
6- مره يوم كنت صغيره بعد قبل لاادخل الابتدائيه كنا عند خوالي وكنت على نياتي ذيك الايام ولازلت الان على نياتي اللي يقولي امشي منا امشي واللي يقول سوي كذا اسوي هع بس احيانا يوهقك اللي يستغلك المهم ان بنت خالي قالت لي تعالي نطل ع الخدامات من تحت الباب نشوف وش يسووون انا مع الخيل ياشقراء قلت يالله وانا وياها كنا نطلع من تحت الباب المهم امها نادتها وراحت قالت انتي خليك تابعي وش يسوون هههههه المهم اخوها جاء وشافني اطلع من تحت الباب تقول وحده ساجده هع فسخ نعاله هو وقال وش تسووين هاااه كان اخوها عصبي ومايحب هالحركات اانا ام البرائه قمت متصنمه مادري وش اقول بس مدري والله ضربني ولا لا بس الا الان اخاف منه ولا اواطنه ههههههه ولا بعد الحين صار زوج اختي هههههه واحيانا اذا ماسمعت كلام اختي تقول ترى بعلم عليك زوجي هههههه العالم كلهم ماسكينها علي حتى خوالي دايم اذا جيتهم يعلقوون علي هههههه
يتبع 
صارلي ساعه اكتب 15 موقف 
وطارووو حسبي الله على ابليسمابقىالاال6 اللينزلتهم 
أأأأأأه يالقهر
ماتناسب قسم القصص
تناسب الفرفشه و الضحك لهذا نقلت له
يسلموووووووووو با الغلاه
تقبلي مروري
عتيبيه تراك فلته بمواقفك ههههههههههه كملي بانتظارك
يسلمووو
اول شيء مشكورين للجميع ع الردود
وعلشان هالردود الزينه تحمست وكتبت 3 مواقف زياده 
<<< عساتس ماكلفتي على عمرتس بس
يتبع
2- مره كنا كاشتين للبر وكانت معناا اختي (حامل بالشهر الثامن ) وامي واخواني انا واختي سلمكم الله جالسين نعفت هع من الشيبس والجلكسيات ومنبسطين على الاخر قام اخوي بثالث متوسط قال لاخوي بلبق السياره زيين قاله اخوي اوك مامانع الاخ الكريم لبق السياره بس انها غرزت ووجه السياره لمنا قام وماكان بينا وبين السياره الا 4متر اخوي الكبير يوم حس ان السياره قربت تطلع دعس على البنزين الله وكليلكم انه يوم شفت انا واختي وجه السياره جاي لمنا اختي من الروعه ماقدرت تقوووم من كرشهاااا وتمسكت بيدي تبيني اساعدها تقووووم انا اللهم نفسي نفسي هذا فيها دهس وتشويه هع هع سحبت يدي بقوووه من اختي واهي تبيني اساعدها تقووم تركتها على الرمل تواجه مصيرها وفريت بجلدي ههههههه المهم اخوي يوم حس انها قربت مره منا سحب بريك وهو اصلا كا بس يبي يخرعنا ويستهبل علينا ههههههه عاااد تعالووو شوفو شكل اختي بغت تسطرني وتقول لي حسبي الله عليتس بدال ماتقتلين نفس وحده بتقتلين نفسيين ههههههه تقصد البي بي قالت ولله ماخبرتك نذله للهدرجه منين جبتيها والله شكل صديقاتك المطيريات علمووك النذاله ع اصولهااااا (مع احترامي للمطران وعلى رأسي ) وانا فاقعه ضحك على شكلها وجهاا اصفر من الروعه هههههههه
3- مررره دق خالي على بيتنا يبي امي رن التيلفون وقمت ارد قلت : الووووو قال: السلام عليكم قلت : وعليكم السلام والرحمه قال: انتي مين ؟( وهو كان قصده يعرف انا أي وحده من بنات اخته هع ) قلت : نعم انت اللي مين ؟( وانا اقول في نفسي هذا شكله واحد يغازل وفاضي ماوراه شغل ولو بقعد اهزاء فيه واهاوش بيستانس وكل شوي بيدق ويلزق وينشب نشبه عاد شباب الترقيم هالايام هداهم الله يستانسووون لو احد هاوشهم وهزاء فيهم يحسووون انه مدح موه واش وسب ههههههه) ولا انتظرت لو ثانيه حتى يجاوب طررراخ اصك السماعه رن التيلفووون مره ثانيه قلت اكيد هو ماغيره قلت لاختي الكبيره قومي ردي هذا واحد يستهبل وفاضي قامت اختي ترد طبعا بعد السلام تعرفت ع صوته اختي قالت هلا ابو سعوود انا عقدة حواجبي استغراب من ابووو سعووود توها توصل انه خالي انا تفشلت يووووه خالي وسكيت بوجه السماعه هههههههه سأل اختي ليش الخط تسكر قامت اختي تصرف الموضوع وتستر على ماواجهت من مصيبه سويتها هههههههه قالت ابد ياخالي بس الخط فصل مادري وش فيه قال من اللي كلمتي قبل شوي قالت (……)اللي هو اسمي هع هع .قالت اهااا وتمت المكالمه ولا حس بشيء هههههه.