السلام عليكم ورحمة الله وبركاته
اليوم جبت لكم خلطه لحب الشباب بس غير وانا عن نفسي استخدمها لان الحبوب عقدتني رحت عند دكتور وتعبت وانا اخذ علاجات بس مافي فايده كانت تروح شوي وترجع صحيح انها ماكانت كثيره بس كانت مزعجه
عندي ابلتي هنديه نصحتني اني استخدمها وعطتني هالخلطه وربي يابنات شي عجيب في اقل من اسبوعين صار وجهي صافي وانطفت كل الحبوب وكل من شافني قال ماشاء الله وش حاطه لوجهك وبعد هذا كله تلقفت وعملت فتله وعينكم ماتشوف الا النور بس الحمد لله لساتني مستمره على الخلطه وفي تحسن الحبوب خفت مره. وانا لاني عارفه مشكلة حب الشباب مزعجه ومطفشه حبيت انكم تستفيدوا مثلي والحين اقولكم وش هي الخلطه
تجيبين قشر اليوسفي وتنشفينه لين مايصير قاسي + طين ابيض تحصلينه عند العطار لونه ابيض على بيج شوي + ماي ورد + كركم جسم+ حليب جاف شويه
الطريقه
بعد ماتنشفي قشر اليوسفي اطحنيه ناعم وحطي عليه شوي من الكركم واحفظيه في علبه
خذي من المقادير على قد اللي يكفي وجهك يعني شوي من القشر وحطي قسمه صغيره من الطين على فكره ترى الطين مره قاسي لازم تحطينه على شوي من ماي الورد قبل الخلطه
والحليب الجاف والكركم لاتكثري الكركم بس شوي واخلطيه بماي الورد راح يصير مثل الماسك , كل المكونات حطي منها شوي الا القشر لانه هو الاساسي لين ماينشف وبعدها غسلي وجهك عادي ترى حتى الشباب يقدرون يستخدمونها
واي وحده عندها استفسار انا حاضره من عيوني استعملوه كل يوم واراح تشوفوا اذا عجبتكم ادعولي
عند العطار لونه
ابيض على بيج شوي= هذا دقيق الترمس
مشكورة وجزاك الله كل خير
يعطيك ربي الصحة والعافية
دمت بخير