التصنيف: الشعر ،

وما ابشع الانسان الخائن

الخيانة …….؟
وش الخيانة
كلمة جبانة …. تهز في الشامخ كيانة

الخيانه

تبكي لأجلها …… العيون
تصيب العاقل بجنون
وتزيد القلب طعون
بعدها يخيم على العالم السكون

تحياتي لك

,’

.
.

أدورني | ولا ألقى .. أثر يكشف مكاني وين ..!
……….. أدورني | وأثاريني .. وطن مجفي من أحبابه

مآ غير الهم يرسمني [ حكايآ ] ترفض التلوين
……….. سوى بلون السواد اللي جروحه سبة أتعابه ..

ثلاث سنين والفرحة تعاندني ثلاث سنين ،
……….. وأنا من يوم مافارق " عيوني " أبكي غيابه

ثلاث سنين أصوت له ويخنقني شهر تشرين ،
……….. يزيد الجرح في صدري ويرميني على بابه .. !

ثلاث سنين أنزف له على سكة جروح البين .. ،
……….. ولايحضني إلا [ الهم ] وشارع فاقد أصحابه ..

أجمع دمعتي / حزني / طعون ماأعرف منين .. !
……….. بقايا فرحتي / ضحكي .. وأطير للسماء أسرابه ..

تعبت أتنفسه ضيقة / و يكبر داخلي تخمين ..
……….. يبي يرجع يلملمني ! بعد ماضعت ب أسبابه !

وأنا في غيهبة حزني خذتني صورة ل طفلين ..
……….. ملامحهم تشابهنا ، وحتى الضحك متشابه ..

زوايا بيتنا.. جدراننا / همساتنا الأثنين .. !
……….. بقايا نظرته ، تسريحته / شماعة ثيابه

أنا أذكرها محبتنا .. شقاوتنا / بيوت الطين ..
……….. وصوت لاسكن فكري .. سرحت أشكيه لألعابه .. !

يجيني ليش زعلانة..! ويحضن وجهي بكفين
……….. وأتمتم حيل ما " أحبك " ويضحك حيل كذابه .. !

رسمته [ حلم ] فرحني سكني واستحل العين ..
……….. تعمق داخل عروقي عشق طاهر محد صابه ..

زرعني في تفاصيله وغاب بضحكة الواشين ،
……….. تعلم منهم يقسي .. حصدني شوق يغتابه

رحل و استاحشت روحي وقلبي إنشطر نصفين ..
……….. تخبى نصف في كمه .. وذاك برف دولابه ..

كبيرة إني أخونه بسيطة نكون له وافين ..
……….. أنا / و إحساسي / وكلمة ، تخبت داخل كتابه ..

[ أحس بداخلي شعب تعب من كثرة التوطين ..
……….. تجرد مني ومني خذا من صدري ترابه ]

تعبت أستنزفه فيني آنين إشتعل بي لين ،
……….. طفى وهجه من أعماقي وذابت ل / أجلي أهدابه

أغني له أنا بعدك صحاري ملها التكوين
……….. حزينة / تعزف ضلوعي لحون بنغمة عتابه ..

فقدته / وإنكسر عشق تبلور ف الخفايا زين ..
……….. وضاعت معه احلامي و ضعت بزحمة أطيابه ..

.
.

,’

.
.

تلطف بروح تشتكي ضيم الاحزان
وتفرج هموم اللي دموعه نثرها

أحلام عمره وردها اليوم ذبلان
يوم الليالي غاب عنها قمرها

دنيا التعاسه كلها هم وأشجان
ونفسه من الحرمان عاشت قهرها

الحلم جثه تحتضر شوف الاعيان
والعين تهدي للمواجع عبرها

كم من شجاع ذله الوقت وانهان
طاع الضنون اللي خفوقه بذرها

الوقت هذا وقت كاذب وخوان
والضحكه الصفرا تناقض صورها

يعني الحقيقه غايبه كل الاحيان
واهل النوايا الصادقه من عذرها

ياكثر مانطرب على صوت الالحان
وقلوبنا نزف المواجع دمرها

كان المعاني ماتجي حسب الاوزان
والهم في دنياك يسرج خطرها

( اضرب على الكايد ليا صرت بحلان )
لو الهقاوي تحتجب من حذرها

ماهو ضروري تتبع فلان وفلان
وترضي نفوس حقدها ماسترها

من مد كفه للولي يجزا الاحسان
ومن مد كفه للبشر ماجبرها

قل للذي مايسمع العلم خسران
يحداه من ضيم الليالي قدرها

النار تشعل داخله الف شيطان
حتى تطاير من عيونه شررها

وان دارت الدنيا على مر الازمان
تبقى المشاعر صادقه في نحرها

دام الوفا بندق والاحساس نيشان
وقمة شموخي نظرتي من نظرها