السلام عليكم , حبيت أقدم هالتحليه المميزه واللذيذه ,, 
إذا تعرفون كيك سويسرول لمخابز هرفي .. هذا الكيك يشبه له كثير
لذيييذ بشكل ماتتصورونه كأنه جاهز ويواجه بالتقديم نبدأ على بركة الله
،’
في الخلاط أو المضرب الكهربائي:
استخدمت المضرب –
5 بيضات في زبديه + م ص فانيليا + م ص خل واخفقي دقيقتين
ثم أضيفي كوب سكر ناعم واخفقي 2 دقيقه
بنفس الكوب أضيفي دقيق + م ك باكينج بودر
( نقصي م ك من الدقيق وعوضيها نشا )
1دقيقه ملاحظه : إذا حابتها بنكهة الشوكولا ( استبدلي 3 م ك دقيق بشوكولا بودر)
صبيها في صينيه مستطيله مدهونه بشوي زيت (ماكان عندي حديد حطيتها بقزاز)
الفرن خليه شاعل قبل بربع ساعه تقريبا ودخليها ع درجة حراره 200 لمدة ربع ساعه
طلعيها واكشطي وجهها من فوق بالسكين (ممكن تشوفين القوام من فوق سايل شيليه ايضا)
وخليها دقيقتين ثم طلعيها من الصينيه
(طلعيها برفق بواسطة السكين من كل الجوانب حتى من أسفل) وقلبتها ع قصدير
ملاحظه : ممكن تحطينها ع منشفه رطبه شوي عشان ماتتفكك معك
ولفيها وهي فاضيه سواء بالمنشفه أو القصدير ودخليها الفريزر 5 دقائق
طلعيها واحشيها اللي حابه : مربى , كريمه بيضا .. أي شي
بالنسبه لي حشيتها كريمة خفق السائله ( اضربيها حتى تتكثف) + شوي سكر
حتى تكون ألذ .. افرديها واحشيها وحاولي تلفينها برفق
التغطيه : أي صوص كريمي حابه بالنسبه لي : دريم ويب بطريقته العاديه+
كاكاو بودر وادهنيها كلها فيه .. حابه تغطينها بمكسرات ببسكويت مجروش إلخ
غطيتها بسكر مطحون + كاكاو بودر
التزيين : اللي حابه ,, بباقي كريمة الخفق زينتها بأداة التزيين
+ الفراوله + مكسرات مجروشه
دخليها الثلاجه إلى وقت التقديم وجربيها وراح تدعين لي ..
" دعواتكم "