السلام عليكم ورحمة الله
مشكوره حلمي وجودك عالفكره الجميله والشكر ايضا لودعتك الله على الدعوه الرقيقه.
لقائي الخاص مع شاعر متفرد ,, صاغ كلماته ورسمها بحرفنه عاليه ,, ابدع في تمريراته وشكل من ابياته صور شعريه باقيه مابقي الزمان, هو الشاعر الذي انطق الصمت ورقص الحزن, الشاعر الانسان , تربع على القمه وحيدا وتركها بمحض ارادته عندما عجز الاخرون عن اللحاق به.
هو الشاعر : سعد بن عبدالرحمن الحريص المطيري وعذرا لاتتوفر صوره له الان
– عفوا سعد قبل نبدأ اللقاء ماهو ترتيبك في الساحه الشعبيه ؟
الشاعر الجيد كالصقر والصقور لا تطير اسرابا.
1- سعد ماهو سبب دخولك الساحه؟
انا ما جيت اعدل منعوج جيت اعوج المعدول ؟؟
………….. واشب النار بطراف القصايد .. واشهر سيوفي
2- تتوقع بيتركونك بحالك ؟
ان رحت يا كثرهم وان جيت يا كثري
…………….ضاقت بي اعيونهم لو كنت وحداني ؟؟؟
3- اهاااا .. طيب و الحل معاهم .. طموحك وين وداك الحين ؟
من جزم نفسي يوم صار الردى طيب
……………..حلمي قبل لا يكسرونه كسرته !!
4- نلاحظ ابتعادك عن الساحه كليا ؟ جمهورك يسأل عن اخبارك ؟
طال السكوت وما لصمتي مطاليب
…………….غير الكلام اللي وقف وانتظرته
الصمت ماهو حل ؟
واصمتي اللي صار ف عيونهم عيب
……………واجرحي اللي لو فضحني …سترته
برضوه ماني فاهم ؟
ودي على الكلمه وودي على البوح
……………..مير العيون اللي تصافحني اشحاح
5- الحزن كان ملازم لك في اكثر اشعارك ؟ ماهو سر هذه العلاقه ؟
غنيت للدمع يومن البكى كبري
………….. واليوم انا اكبر من دموعي وحرماني
6- من هو خويك القريب جدا ؟
قلبي خويي مالقلبي معازيب
………………واللي حقرني من رداه احتقرته
رغم الجروح اللي بقلبي معاطيب
………… حبيت كفين الزمان وشكرته
7- سعد انت مبدع بالتفعيله كما انت بالنبطي .. ممكن نسمع شي ؟
حاضر لعيونكم:
تعالى نهيم
فى دنيا المطر والغيم
ولكنك000
تخافين00وتخافين00وتخافين
وعندك شي تخفينه00
وأنا أحب المطر .. وأنتى تخافينه
ولا أدرى سبب خوفك؟
ولا ظنك بعد000تدرين!!
تخافين المطر00
لا يبلل ثيابك
تخافين الرعد00
لا يرعب أحبابك
تخافين أن لمع البرق000
ف عيونك يبان ما تخفين.
ابركض فالمطر00وابتل
وأذا أرعبك المطر ليله000
أنا أرعبنى الجفاف سنين00!!
الله عليك ياسعد ابداع بكل حالاتك
8- ماذا تقول لمحبوبتك ؟
ضاقت الارض واشتد الزمان
………….. راح وقت الهموم الشاعرية
من فقدتك واناماني بأمان
………….. والقصايد ماعادت منبرية
كنت اجيلك وكان الشعر كان
………….. ورد روحي وقلبي مزهرية
اكثري حب واكثرك الحنان
………….. وش كثر كانت الدنيا طرية
من حنانك يضيق بنا المكان
………….. وين ما اروح القاك اكثرية
9- صحيح انك مالقيت وصف لها ؟
نظرتك حب وبسمتك كلها لطف
………….. يلوق لك ثوب البها والطهاره
10- ليش خايف ؟
صوت أبعيد في قلبي ياليت أقربه
………………… وبين قلبي ومابيني طريق طويل
ليت حزني مثل حزن البشر وأكتبه
………………… وليت دمعي مثل دمع العيون ويسيل
11- يقولون جاريت اغنية حليم .. رميت الورد ؟
ايه صحيح :
مضى عامين
مامر بكلامي دمع
ولا مريتي بعيوني
يا انتي
اي حزن اللي تركتي لي
واي احساس
ياكل الارض
في قلبي .. وكل الناس
وش اللي فيك ماينحب
وش اللي ينكره وركه
تغيب الشمس وتشرق شمس
وبكره لو يجي بكره يصبح امس
مثل ماكان في يوم من ايامنا بكره
وترا اللي حب مايكره
اقول اسمك وينبت للمعاني قلب
وتحضرني اغاني حب
وقول الدنيا لسى بخير
اساميهم تجي وتروح
واسمك مايفارقني
يجي مثل البحر
ويروح مثل الروح
انا ماخترتك احاسيسي
والا خترتي تحبيني
يقلون المشاعر
في سماها طيور
وانا اقول القلوب اشجار
ومن متي كان الشجر يختار
رميت الورد طفيت الشمع
مضي عامين مامر بكلامي دمع
12- صح الله لسانك .. متى بنشوف جديدك ياسعد ؟
العذر مكتوب لاصار الخطاء مقري
………….. آسف على ضحكتي وآسف على احزاني
خطاي معذور والا غلطتي عذري
………….. و مرارة العذر في قلبي وفي لساني
13- يعني ماراح نشوف لك قصايد ؟
والشعر مطرود من قلبي ومن فكري
………….. سنتين ماني ب انا ماني باحد ثاني
غنيت للناس والدنياء على خبري
………….. والشعر في دفتري مغرور وانساني
غنيت للحب يوم عيونها تغري
………….. يوم الوفاء والكلام الطيب الحاني
14- هذا اخر كلام ؟
مليت انا الشعر مل الشعر من شعري
………….. مليت انا الحب مل الحب وجداني
15- بيت من اختيارك ؟
اقول في نفسي ورجلي على جرف
………….. إما عمار القلب والا دماره
لا طاب لك جرح ولا منقطع نزف
………….. والوقت مر وحان رفع الستاره
أتمنى تحوز على رضاكم .. شكرا للجميع