الثاني
انوار صرختتت اشواقق انتبهي
اشواق صدمت واحد و طاحت فوقه الشاب غمض عينه اما اشواق كانت تتأمله و تقول في نفسها ( اويه ها شكله غني اوففف ليش ياي فريجنا )
فتح عينه و قال : بلاج بسم الله ؟؟ تراج وايد متينه قووميي ودزهاا
اشواق : لا انا اصلا خليت الرشاقه حقك
كان يبا يتكلم بس اشواق سحبت ايد انوار و راحت البيت ..
اما هو قال حق ربيعه : مادري ليش شايفه نفسها بنت الفقر
الشاب 2 : قلتلك مانبا نروح هالفريج بس لا حياة لمن تنادي >>>>> مسوي فيها العاقل
الشاب 1 : انزين يلا خلنا نروح اصلا الفرييج يلوع بالجبد
بعد شهرر
في بيت صغير الصبغ نصه مجلوع و البيت مغبرر و فيه غرفتين و حمام و مطبخ يدوي صغير ..
قامت انوار و الفضول ذابحها : اوووفف شو هي المفجأه شو بيسويلنا اببوي … من زمان عن المفجأة .
عقب راحت تقوم اشواق و قالت : شوقي شوقو شقشق
اشواق قامت عيون مفتوحه و العيون مسكره : ها شو فييج ؟؟
انوار : من زمان عن المفجأة احس بيستوي شي
اشواق مسكت راس اختها و لصقته ف المخده وقالت : نامي نامي و الصباح رباح
انوار بنص عين : انزين الحين الساعة تسع
اشواق قامت : اونه ابوي قال انزلو الساعه ثمان وضربت راسها بخفه
ونشت تركض ودشت الحمام (اكرمكم الله ) تغسل ويها و نزلت ركض
ولقت ابوها و انوار و قالت صباح الخير
ابو سيف و انوار : صباح الفل
ويلست و بدو يتريقون
ابو سيف : ي بناتي ابا افاتحكم بموضوع
اشواق و انوار : آمرر
ابو سيف : ما يآمرر عليكم عدو ، نحن خلاص بنسافر
اشواق عقدت حواجبها : هااا ليش ؟؟
ابو سيف : انا بقولكم بصراحه انا عندي عيال في اسبانيا و وزوجتي الي في اسبانيا تباكم تيون عندها و منه بتغيرون جو
انوار عقدت حواجبها : امي الله يرحمها كانت تعرف ؟؟
ابو سيف : هيه و هي قالتلي ما اخبركم الا بعد و فاتها بفتره
اشواق : يعني هي بتكون راضيه لو رحنا عند مرتك الثانيه
ابو سيف : هيه حبيبتي هي قالت اني اوديكم عندها و تتعرفون على اخوانكم
انوار تحاول تغير الجو : هي هي بيكون عندنا تخوان شقر
اشواق : خلاص تم بنروح اسبانيا وبنشوف الاسبنيوليين
ابو سيف يضحك على خبال بناته ما كان يتوقع انه جيه بتكون ردت فعلهم وقال : يلا بسرعه جهزوا ملابسكم ويبت لكم ملابس يديده و شنط كبار اتحركوا
اشواق و انوار باسوا راس ابوهم وراحو ركض و من الوناسه انوار انجلبت على ويها
اشواق و ابو سيف كاتمين ضحكتهم بس ماقدرو :ههههههههههههههههه
انوار تطالعهم ورفعت خشمها بغرور و قالت اصلاا مايضحك
اشواق انسدحت من الضحك انوار انقهرت عقب جربت من اشواق و داستها في بطنها شوي شوي
اشواق قامت تتلوى من الالم و تطلع دموع التماسيح و تكح ابو سيف فز من مكانه و قال : انوار شو سويتي ..
انوار تجرب و الدموع في عينها : مدري ونزلت لين مستوى اشواق وقالت العبي غيرها انا دستج هني شو صل الالم هنيه
اشواق قامت وقالت : كنت امثل ههههههه
ابو سيف بنص عين : الله يرجكم تحركوا قبل لا تروح علينا الطياره اشواق و انوار راحوا و جهزو عمارهم
بعد خمس دقايق نزلوا
اشواق قالت : الى المطار سر
ركبو السيارة و انطلقوا
وصلو المطار الساعه 10:30
ابو سيف يلس و قال: باقي نص ساعه
اشواق : ابوي طلبتك قول تم
ابو سيف : تم
اشواق : بنتمشى
ابو سيف: روحو بس لا تطولون
انوار : اذا قالوا حان وقت الاقلاع اعرف انه نحن في الطيارة
ابوسيف : تمام
وراحو يتمشون اشواق و انوار و وقفو صوب محل ملابس انوار تحن : شواقي بلييز نبا اندش
اشواق : انزين مايبنا فلوس
انوار : عادي بشوف وبنطلع
قبل لا يدشون شافو فستان حلو جدام الباب جربت اشواق تبا تشوف السعر : اوووف وايد غالي و على شو مادري
وفجأه سمعت صوت شاب يقول : هذا شوي انتي لو ادشيني يمكن يغمى عليج ههههه
اشواق لفت وقالت : انتتت؟؟
………
اسعدوني برايكم T.T