ورطتني في هالحياة المريرة
واللي غرس خيره ف كل البساتين
يجني الكآبة ليه من غرس خيره ؟
ألوو ؟ انا مشتاق للبحر هالحين
ومشتاق أكثر للعيون المثيرة
قومي عشاني .. واستثيري الشياطين
اختاري تنورة خفيفه قصيرة
ورشي عطر (Gucci) القديم بمكانين
في الجيد الأبيض والكفوف الصغيرة
وتعالي ذاك الشاطيء اللي تخبرين
وإن كان زحمه .. فالشواطيء كثيرة
تعالي وهاتي جنون البراكين
ما أجمل البركان ما أحلا زفيره
***
صار اللي صار .. وما احكمتنا القوانين
ثم افترقنا والضماير كسيرة
إذا المواعد صار عادة و روتين
يتألم الشاعر و يبكي مصيره
رديت حاقن دمعتي داخل العين
يا العشق مالك غير الأحزان سيرة
يالعشق ماخذني ورايح على وين ؟
أمسك أميرة واتلاشى أميرة
أنا مثل واحد يدخن له سنين
وكلما يدخن قال (هذي الأخيرة) !!
صح السانك اذا لك
ويعطيك العافيه اذا منقووله
