قال الفراق
قال الفراق ؟…وقلت ….وش عاد ….يعني
مناك يالله لو سمحت اقطع الصوت
واشوى…..!..بحزة قلتها ..ماسمعني
وش ..عاد يعني……!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد…؟..وقلتله مامنعني
مكثر من اعناد(ن) على لعب بيلوت
وقال الغرور…؟..وقلتله ….مارفعني
ماظنتي بأن الكبر يعمر بيوت
قال التواضع….؟…قلت بالله …..طعني
خلك عليه بذمتي تقطف التوت
قال التسرع….؟…قلتله ماتبعني
ماينفعك لاصيحوا فاتك الفوت
وقال الصحيح..؟؟…وقلت طبع(ن) .طبعني
ماهو لباسن تلبسه لبسة الكوت
وقال الشعر…..؟….قلت الشعر ماوسعني
يكفيك بندر والفراوي وبخوت
بالله كف…..عن السؤال ودعني
يعني خلاص الصمت لولو وياقوت
قال الفراق……؟..وقلت وش عاد…يعني
بكل برود ومادريت انه الموت
ياهلا يامرحبابك
ياهلا يامرحبابك يالله حي الغالي
بس قلي ودي افهم وين هي هالغيبه
يمكن احسن لو تقول السالفه طوالي
الحكي ياما شبعت امن البشر تلعيبه
الغلط لوقلت مني؟ذبحتك حلالي
ماذخرت بشوف عيني والغلا تدريبه
لاغديت ولارحلت ولاانقطع جوالي
شنهو عذرك والله انه خيبتك ياخيبه
يوم تنشد كيف حالي ؟ماعرفت احوالي
صحتي احمد ربي والعقل ياطيبه
منبسط والحمد لله معرسين اعيالي
واصغر اعيالي نجح مدري شنو ترتيبه
واجد اعلومن بعد تدري بها حسبالي
اووو ياعيب الشـــــــــوم والله مننا ياعيبه
ياااااااا أخي لك عين والله جاي تمر اقبالي؟
العذر لو ني مكانك استحي لااجيبه
لو اداري ماي وجهي واحفظه اشوالي
كان قالوا ننتظر لين العذر ياتيبه
جيت من صوبي مطفي ماظربت العالي
ياهلا يامرحبا تستاهل الترحيبه
تدري ويش الي ذبحني ؟الوفاشسوالي
اي مدام الي يخون مالقا تعذيبه
يرحم الله ليلتن ماروحت من بالي
يوم يدك في يديني والشعر توميبه
مشيتك مشيت دلع يوم الدلع موالي
وانصدم فيك المياعه فوق هذي هيبه
يوم اناديك الغلا وانتا رصيد اموالي
من يكون انته رصيده مايفلس جيبه
ذاك مبطي في عيوني ما اشوفه تالي
تبت من طعن الهوى شفت الهوى ماليبه
روح في فالك وانا برضو بروح بفالي
سمح الله دربك الي ناوي (ن) تمشيبه
مرحبا مع السلامه ياهلا بالغالي
مرحبا يامرحبا تستاهل الترحيبه
البنـت مـن رجالهـا والخيـل مـن خيالهـا
والضبعة العرجـا تحـوم تبـي عشـا لعيالهـا
هذا مـن الشعـر القديـم ماقالهـا عبدالكريـم
امثال من قول البدو مـدري مـن اللـي قالهـا
الفطن يفهم مقصـدي ومالـي ومالـك يالـردي
لاضاقت الدنيـا علـى سلمـى تهـز اجبالهـا
ماضيق لو غيري يضيق وماهو موقف لي طريق
وعيال شمـر لابتـي صكـت علـى رجالهـا
عبده مع الصايح جميـع والشمريـه ماتضيـع
شمر لاضـاق الزمـن كلـن يقـول انـا لهـا
وانا غريري يابعدي حفيـد ابـن حاتـم عـدي
عيال عديـه العـدوات كلـن يعـرف افعالهـا
يابنت قومـي والعبـي ابـي اتفاخـر بانسبـي
من غبنهـا بعـض النفـوس يصيبهـا سلالهـا
تفاخـري بـي يامـره الـذل مافيـه اثـمـره
كما سربـة مـن ذلهـا كلـن شـرب فنجالهـا
صرنا طنايا من طنا ماهـو طـرب ولا غنـى
اشـد لحظـات الزعـل فـال الله ولا فالـهـا
مافيه نجدي وجـزري الشمـري هـو شمـري
باي ديـره فيهـا نـزل زم الحمـول وشالهـا
فيني حميه واسلمي واهـل اللحيسـه محزمـي
لاعـدت بيـوت العـرب متشيـدآ منزالـهـا
ولاصرت عبدي ضيغمي سنعوس دمي ولحمـي
عبده سناعيـس الفخـر تعجـز تعـد ابطالهـا
وان قلت سنجاري فخر اهل المراجل والسطـر
شيـوخ شمـر منهـم الـي يضـل اضلالهـا
عرب وليدك عربـه وكـاس المراجـل شربـه
وخـل العلـوم مفرقـه مـن دقهـا واجلالهـا
مايزعل الناس المديح خصن اذا مدحك صحيـح
والعفن تلقى المرجلـه تقصـر عليـه احبالهـا
واعرف لو طال الزمن الطيب يبقـى لـه ثمـن
واعرف ترى نفسك تبي تجزى بنـوع اعمالهـا
وانا ولاني مستضيق ولا موقـف لـي طريـق
وعيال شمـر لابتـي صكـت علـى رجالهـا
رضيت بدبرة المولى
رضيت بدبرة المولى وانا في عيشتي راضي
يقولون العرب صمتك ذهب لو الحكي فضه
اعيش بصفحه الحاضر واجدد صفحه الماضي
وانا مثل الشجاع الي يجول ولاصدق حضه
احاول قد ما اقدر واعرف ان العمر قاضي
واعالجلي ذراعن لوتعداه الكسر رضه
فهيم ولاكنن منهو يفهم حضرت القاضي
ابعد لو ذكرت الي يقولون العمر مضه
حكيت وما حكيت الا بأدب واحسن الفاضي
ولاكن الذهب صمتي ولوكان الحكي فضه
اما على ضو القمر
اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسر واهو فبدايته
ياهيه قولوا للقضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
رحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف انهايته
ياهيه قولوا للقضي عن شي (ن) فبالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزل آيته
عزيز نفس وعزتي ماهي على حب الخشوم
الذنب مو ذنبي انا كلن على تربايته
لا قلت خلني تكفى تخليني
لا قلت لك خلني تكفا تخليني 000 النفس ظاقت وتعرف من مضــــيقهــا
ماني بحاجة علوومك لو تسليني 000 بعد عن العين واحســن لو تفارقهـــا
لا ظقت انا حتى روحي ماتدانيني 000 ولا يهدا البال غربها وشرقهـــــــــا
لو كان غيرك حرام انه يحاكينــي 000 لو كان كل الدروب البيض يــطرقها
تدري وش الي ذبحني والبلا فيني 000 بعرف عروق الغلا وشلون تــسرقها
يمكن تكون الخيانه من شراينـــي 000 ولاحظوظك يجوز الله مـــوفقهــــــا
ما قلت لاحدن سوا امي يابعد عيني 000 وشلون خليتني لعيونك انطقــــهــاا
ياروح روحي ياقلبي يابساتيني 000 يابسمه العين ليه العين ترهــــقـــهــا
والله من زود حبك صنت رجليني 000 ما شفتني يوم اسوق الرجل وافهقها
انا بصفك واضيع وانشدك ويني 000وشلون لا رحت جدراني اصفقهـــا
ماتدري اني شريتك يوم تشريني 000 عشان حبك ابيع الخلق واحرقــهـــا
ناظــــــــر مقامك
يوم اتــــــــكلم يالخـــــــــــبل قلي اشجبت؟
غمـــــــض عيونك ياعيون الحرامــــــــــــي
دمحت لك الفــــــــــــــين مره ولاتبـــــــت
مدري نســــــيت او مايهمــــك كلامـــــــــــي
شفت البشر واخــــذت منها وجــربــــــــت
ناظــــــــر مقامك قبل اناظــــر مقامــــــــــي
عالجــــت ضعفك يــــوم اعرفك ولاطبـــت
ترجـــــــــــــ ع خلافي يوم ادزك امامــــــــي
هــــــــذاك اول يـــــــــــم مثلك تغصــــــبت
واليــــــــــوم تحرم ضحكتي مع سلامــــــي
راجعت نفســــــي مع ضميري وانبـــــــــت
وشلون الومـــــك بستحي من ملامـــــي
دامي رفعتك رفعتـــــــن للسمـــا خبـــــت
ودامــــــــي ودامـــــــي ويش تنفع ودامــــي
ياشيب حظك دامك اعلـــى الردى شــــبت
فارق وانا بالطيــــــــب بـــــروي عظامـــي
وجهك يذكـــــــرني غثا ليـــــله السبـــت
لاشفـــــــــت وجهــــــــك باتذكـــــــــــر دوامــي
ياخليف مابه باليدين استطاعه .. القلب يشفق والمعاليق ياخليف
يشفق على حائل وشوف الجماعه .. شفقت بنئ شمر على الطيب والضيف
في راكب الي عزمها له طماعه .. تصنيفها من جيدات التصانيف
من وارد الساير جديد اختراعه .. صناعه ندرك فعوله ولا شيف
طول المسافه كنها ربعه ساعه .. ماكننا في ماقد الحر والصيف
تمشي ووجهتها ديار الشجاعه .. اهل السخى ربعي على الرمح والسيف
وتاصل لخو وضحه بسمع(ن) وطاعه .. ابو هلا ماهي تصنع ولا زيف
طلقن احجاجه والكرم من طباعه .. للضيف والله ماحسب للتكاليف
وله مجلس(ن) باهل النشاما بضاعه .. تداوروبه من خيار السواليف
لاغاب واحد مانوا بالقطاعه .. لاروحو عنه يجونك مناكيف
اهل الفخر واهل السطر والبتاعه .. شرابة الطيبه وشرابة الكيف
عسى السحاب الي كثير نفاعه .. يسقى حيا دار لاهلها مواقيف
ينبت بها عشب(ن) بشوفه متاعه .. مثل الخزامى والنفل والجفاجيف
واختامها معاد فيها طماعه .. توصل لاخو وضحه من الكيف للكيف
البارحة يا حمود مانمت انا الليل … من حـر مـا بالقلـب زود سهرهـا
زود سهر عيني وتعبت بالحيـل … عجـزت اميـز زينهـا مـن قشرهـا
يا حمود قلبي طاح بالعدل والميل … ولامن صديق ينقـذن مـن خطرهـا
الليلـة اللـي مـرت تبيـد الحيـل … عـزات للمثلـي تخـزه بنظرهـا
صبت دموعي صب بيب المناهيـل … اوصـب سيـل دارج مـن مطرهـا
على زمان قلل الذيب والخيـل … واهـل الكـرم والجـاه راحـو بثرهـا
الوقت هو الوقت مار البلا الجيل … سبحـان رب الكـون غيـر بشرهـا
غير عقول الناس صارت مشاكيل … والكـل منهـم حاسبيـن لشهرهـا
يمشون وسط السوق مشي المخابيل … ولا فكرو بعاداتنـا اللـي نخبرهـا
دجـو وعجـو بالغنـا والتماثيـل … وتمسكـو بعـادات غايـب قمرهـا
وديارهم يا حمود مابـه محاصيـل … جنـب ركابـك عنهـا واحتقرهـا
ما يكرمون الضيف بالسمن والهيل … حـذرا تجـي لبيوتهـم وتخطرهـا
يا حمود شف ذباحه الكبش والحيل … من يرفعون الراس لا جـا خطرهـا
ياشوق من قرنه على المتن به ميل … يالليث يالضرغام حـذرا تخسرهـا
حذرا من المنقود عند الرجاجيل … خلـك كمـا غـواص لولـو بحرهـا
خلك هديب الشام يصبر على الشيل … وحشو الزلق يا حمود حمله يعسرها
دوك الرساله خل عنك التعليـل … لعبـد الكريـم الزيـد وصـل خبرهـا
عبد الكريم الاسلمي عـدل الميـل … بالعقـل والحكمـة يطلـع ثمرهـا
الليث ولد الليث عـوق الرجاجيـل … كـم حايـل بيمنـاه دمـه نثرهـا
راعي الفعول الي عليها التماثيل … رجلـه علـى درب المراجـل نذرهـا
حزام القريب مقـرب البعـد بالنيـل … حيثـه ينـال الطيبـه ويقتدرهـا
للمدح يستاهل ولا هي اقاويل … شـوف المعانـي فيـه تصـدق دررهـا
منباع طيب ان بدل الناس تبديل … مـا غرتـه دنيـاه وضـاع بسفرهـا
ثم انشده عن بنت ما شفت له جيل … ولا دوجت بالسوق ولاحـد نظرهـا
اسمه يباع ويشترى وبه محاصيـل … وزعـاج البـدوان لاجـا خبرهـا
خفوق زوله ذلل النبت تذليـل … بسـم الولـي المعبـود ربـي صخرهـا
محرم عليها جيزته بالرجاجيل … وبكتاب والـي العـرش ربـي ذكرهـا
يالله يامنشـي علينـا الهماليـل … الـي ذنـوب التايبيـن تغفـرهـا
انت الوحيد الي منزه عن الميل … ياعالمـن سـر الامـور وقدرهـا
رحمال في يومن نشوف التهاويل … في حزتن كل النفـوس تحشرهـا
في حزتن ماينفع الحط والشيل … ولاينفـع التاجـر كنـوزن تجرهـا
يالله يامـن عـدل الخلـق تعديـل … نفوسنـا يالله نبيـك تعـذرهـا
ومن بعد ذكرك زان بدع التماثيل … اقطف جميل الورد و انقا زهرهـا
قم يانديبي فصل الخط تفصيل … يمـك لخـو وضحـه تزايـد فخرهـا
حر تمركز فـوق روس الشخاليـل … كريـم سبـلا لاتزايـد دهرهـا
حرن ولد حرن وربعه مداهيل … اعيال عديـن منخلـق مـن حقرهـا
اهل الفعول السابقه والمقابيل … من دور حاتـم ليـن تفنـي بشرهـا
ملفاك بيتن مدهلـن لرجاجيـل … داره بعطـران الشـوارب عمرهـا
تلقى دلالن عند صف المعاميل … وكرامتـن حـق الطراقـي نحرهـا
من صلب عودن ما حسب للمحاصيل … رجله على درب المراجل امرها
هرجن وكاد ولايبيله دو اليل … عـن ديرتـه ياكـم قومـن قهرهـا
ياخال يوم انك تشكى من الجيل … صادق وكل اكبـود ربعـك قهرهـا
مرات اقول ان الليالي تساهيل … ومرات اقـول الجيـل هـذا دمرهـا
مريض قلب وواضحن بالتحاليل … ازوال ناسن تخدعك فـي صورهـا
جيلن يدور كثرت القال والقيل … فاشـل وقمـات الشهامـه حدرهـا
وقتن يجمل خايب الفعل والذيل … والا الحرار تمـوت محـدن ذكرهـا
ياخال وش نفعل ومابيدنا حيـل … والكـل منـا حاجتـه مـا ذخرهـا
وقتن علينا قفل الحل تقفيـل … ربعـك مـن الدنيـا بتاخـذ حذرهـا
مابين نقاص العقـل و المهابيـل … احـدن تقبلهـا والاخـر نكرهـا
قد قالها قبلي من الناس حلحيل … فبيات شعرن تطربـك فـي عبرهـا
لو كنت تسكن في مصر والبرازيل … اخير من ناسن تشيـل بصدرهـا
والي خلق هالبحر الاحمر مع النيل … لاخير في من لاحياتـه صبرهـا
جينا على الدنيا وحنا مراسيـل … فـي طاعـه نبشـر بشـي بثرهـا
نشدتني عن بنت في تالي الليل … قد خالطت بدوانهـا مـع حضرهـا
تضوى علينا مثل ضوي القناديل … مجموعتن رب الكواكـب صخرهـا
شبيهة الجوزا ومعكوسه اسهيل … والكل منـا فـي عيونـه نظرهـا
