في البداية ابي اشرح لكم معاناتي كطالب في جامعة الملك سعود سنة التخرج ليش الطلاب المساكين اللي ماعندهم فيتامين و .دايم مظلومين من اعضاء هيئة التدريس انا من الطلاب اللي انظلموا كثييييير حملت مادة 4 مرات وذلك بسبب دكتور فاااااااااااااااااااااااااشل يقول انا ما انجح الا ال سعود ليش طيب واحنا ايش ذنبنا ياناس هذا الدكتور رسب في الدكتوراة للمرة الرابعه وفي الاخير اخذها على العموم انا ما ودي اطول عليكم بس اتمنى اسمع واشوف تعليقكم. مشكورررررررررررررررررررررين
واذا نجحتهم يامقبوول او حاملين الماده المشكله رقووها وصارت وكيله قسم .. يعني ايش تقوول وايش تترك
اعضاء التدريس ماعندهم رقابه وبعضهم مايصححون الاوراق والله في الجامعه ذقت طعم الظلم بغض النظر عندك
واسطه او لا..بعض الدكاتره والاستاذات ماينفع معهم لاواسطه ولا شئ
مالك الا الصبر والله يوفقك وجميع الطلاب***
الله يكون فى عونكم جميعا ..و الله على الظالم
لاكن احب اقولكم تجربتي مع الاساتذه وهذي والله واقعيه
كانت استاذة الكمي مصريه والا تعرف تشرح ومع هذا كانت ترسب البنات
المهم انا قلت راسبه راسبه ماراح اذكر …
لكن الوالده الله يحفظها كلمت رئيس القسم وشرحت له الموضوع وتسلط الاستاذه على الطالبات
وقال رئيس القسم الكمي ليه الطالبات ماتقدم شكوى على الاستاذه لكي ينظر فى امرها
ونحن متعاونون مع الطلاب والطالبات..وفعلا اعيد لي الا ختبار وحسبت الدرجه الاخيره
ونجحت والله الحمد ..
لاكن حنا نقول مافيه تعاون من قبل الا داره ..هل جربنا ؟؟؟
نصيحتي لك باسم الرياض ان تروح لرئيس القسم وتشرح مشكلتك وتشوف بعينك كيف التعاون ..
وان شاء الله تبشرنا بنجاحك اللهم آمين
تحياتي
اولا .. اذهب الى عميد الكليه او وكيل الكليه
ثانيا ..ارسل رساله الى مدير الجامعه وسوف تجد كل ترحيب بس انت جرب.
وتأكد انها سوف تصل بيده ان شاء الله .
ولا تيأس لان هذا مستقيلك.وانا متاكده بأذن الله انك سوف تجد اذن صاغيه
والله فى عون كل طالب وطالبه
تحياتي
يعني حتى لما تطلع النتائج ونطلب مراجعه للاوراق ,,,
يطلبون فلوس عشان يفتحون الورقه طبعا مايعيدون التصحيح ماعندهم وقت بس يعيدون الجمع ,,,
طبعا الدرجات موجوده بيعيدون الجمع بيلاقوها صحيحه
والفلوس تكون لهم ,,,
لان الشرط اذا الدرجه نفسها يأخذون الفلوس واذا تغيرت يرجعون الفلوس
كلامي هذا عن كليه التربيه العلميه بالرياض مو جامعه الملك سعود ماادري اذا عندهم نفس النظام ,,,
بس الدكاتره تقدرون تقولون عشان يكون لهم هيبه يرسبون الطلاب ,,,
واعرف دكتور سابق في جامعه الملك سعود ماينجح غير 7 طلاب من القاعه …
يختار اسمائهم عشوائيا والسبب ,,, يكون له هيبه في الجامعه ,,,,
الله يكون بعونك اخوي ويصبرك على هالدكاتره وظلمهم