ساعات بتبقي قاعدة في البيت ونفسك تاكلي حاجة ساقعة يكون طعمها حلو وطبيعي ميه في الميه وخالية من أي مواد صناعية..
ويا سلام كمان لو كانت الحاجة دي من صنع إيديكي، وحياة عينيكي أكيد هتبقى أحلى وأحلى…
صح الكلام؟؟
وعلشان كلامنا صح قررنا النهارده إننا نشرح لك بالتفصيل الطرق المختلفة لعمل الآيس كريم في البيت بفواكه الصيف الطبيعية ميه في الميه
تعالي نشوف ازاي..
آيس كريم المانجو
المقادير:
• 4 ثمرات مانجو.
• 10 ملاعق سكر ناعم.
• عصير ليمونة.
• نصف كيلو لبن حليب بارد.
• ملعقتين جوز هند.
• علبة كريم شانيته.
• كوب كبير لبن حليب بارد "للاستخدام في عمل الكريم شانتيه".
• كوب صغير مياه باردة.
للتزيين:
• 2 حبة مانجو مقطعة قطع صغيرة جدا.
• كريز.
الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيدا مع باودر الكريم شانتيه مع كوب اللبن البارد بالمضرب الكهربائي كويس جدا لمدة 10 دقائق حتى يتضاعف حجمه ويصبح كريمي، بعد كده حطيه في التلاجة.
قشري المانجو ثم قطعيها إلى أجزاء متوسطة، وبعد كده اضربيها في الخلاط مع باقي المقادير، وبعد كده خرجي الكريم شانتيه من التلاجة وحطيه في كاسات الآيس كريم وصبي فوقه المانجو، ودخليه في الفريزر لمدة ست ساعات.. بعد مرور الست ساعات خرجيه من الفريرز، وللتزيين قطعي عليه قطع صغيرة من المانجو وحطي كريز، وبالهنا والشفا..
آيس كريم الموز
المقادير:
• نص كيلو لبن حليب بارد.
• علبة كريم شانيته.
• 3 أكواب صغيرة سكر.
• 3 ثمرات موز مهروس.
• عصير ليمونة.
الطريقة:
اضربي المقادير دي كلها مع بعضها بالمضرب الكهربائي وبعد كده حطيها في كاسات الآيس كريم ودخليها الفريرز وبعد كده طلعيها.. وبالهنا والشفا…
آيس كريم الفراولة
المقادير:
• 3 أكواب فراولة.
• كوب كبير سكر.
• 1 كوب لبن حليب بارد.
• علبة كريم شانتيه.
• كوب صغير ميه باردة.
الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيدا مع باودر الكريم شانتيه مع كوب اللبن البارد بالمضرب الكهربائي كويس جدا لمدة 10 دقائق حتى يتضاعف حجمه ويصبح كريمي، وبعد كده تدخليه الثلاجة حتى الاستعمال.
بعد كده اهرسي الفراولة مع كوب السكر بإيديك كويس وبعد كده صفيها، وهاتي كاسات الآيس كريم وحطي فيها الكريم شانيته وعصير الفراولة وقطعي عليها قطع صغيرة فراولة، وبالهنا والشفا..
آيس كريم الخوخ
المقادير:
• نص كيلو خوخ.
• 10 ملاعق سكر ناعم.
• عصير ليمونة.
• علبة كريم شانتيه.
• 1/2 كوب ماء بارد.
• كوب كبير لبن بارد.
• ملعقة فانيليا صغيرة.
الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيدا مع باودر الكريم شانتيه مع كوب اللبن البارد بالمضرب الكهربائي كويس جدا لمدة 10 دقائق حتى يتضاعف حجمه ويصبح كريمي، وبعد كده تدخليه الثلاجة حتى الاستعمال.
حطي قطع الخوخ وعصير الليمون والماء في إناء كبير واستني عليهم لغاية ما يغلوا وبعد كده غطي الإناء ووطي البوتجاز وسيبيهم لمدة ربع ساعة كمان علشان الخوخ يستوي بعد كده ضيفي السكر مع التقليب المستمر، سيبيه على النار لمدة ربع ساعة بعد كده اطفي البوتجاز، وسيبيه لغاية ما يبرد، وبعد كده صفيه وحطيه في التلاجة لمدة 3 ساعات.
هاتي كاسات الآيس كريم وحطي فيها الخوخ والكريم شانتيه وممكن إنك تزينيها ببعض من قطع الخوخ.. وبالهنا والشفا…
آيس كريم الشوكولاتة
المقادير:
• 2 كوب كريمة ثقيلة أو كريم شانتيه.
• 1/2 كوب سكر.
• 1 كوب وبينج كريم.
• كوب لبن حليب بارد.
• 3 ملاعق طعام كاكاو بودرة.
الطريقة:
اخلطي جميع المقادير دي مع بعضها بالمضرب الكهربائي، بعد كده حطيها في كاسات الآيس كريم ودخليها الفريزر لمدة ست ساعات، بعد كده طلعيها وحطيها في كاسات الآيس كريم وبالهنا والشفا…
آيس كريم القهوة
المقادير:
• كوب كبير لبن محلى.
• كوب كبير قهوة محضرة باردة.
• رشة ملح.
• معلقة صغيرة فانيليا.
• 2 كوب كريمة ثقيلة مخفوقة أو كريم شانتيه.
الطريقة:
اخلطي كل المقادير دي مع بعضها كويس بالمضرب الكهربائي، وبعد كده حطيها في كاسات الآيس كريم ودخليها الفريزر لمدة ست ساعات وبالهنا والشفا…
آيس كريم الفانيليا
• 4 أكواب وبينج كريم.
• كوب ونصف سكر.
• 1 معلقة كبيرة فانيليا.
• 2 كوب لبن حليب كامل الدسم.
• رشة ملح.
الطريقة:
هات طبق كبير واخفقي فيه كل المكونات دي مع بعضها كويس، وبعد كده حطيها في كاسات الآيس كريم ودخليها الفريرز لمدة ست ساعات، وبعد مرور 6 ساعات خرجيها وبالهنا والشفا…
منقول
على الايس كريم اللذيذ
على الايس كريم اللذيذ
تسلمى ياحبيبتى على مرورك الرائع
ويارب يكون عجبك
دى طريقته سهله جدا
مشكووووووووووووره اختيعروس النيل
تحياااااااتي
يسلمووووو عروس النيل
ننتظر منك المزيد والجديد
ع الايس كريم
بليز لا تحرمينا من جديدك
الله يعطيك العافيه
تحياااااااااااااتي
4 بيض مفصول
¼ كوب سكر بني
4/3 كوب عسل أبيض
2 كوب دقيق بقسماط
1 كوب بندق مجروش
3 ملعقة كبيرة زبدة سايحة
الطريقة
– يخفق صفار البيض جيدا و يضاف السكر البني .
– يخفق بياض البيض جيدا في وعاء آخر حتى يصبح هشا كالمارنج ، و يضاف جزء من البياض إلى خليط السكر مع الخفق الجيد ثم يضاف إليه عسل النحل و دقيق البقسماط و البندق المجروش مع التقليب الجيد .
– يضاف الخليط السابق إلى باقي المارنج مع الخفق الجيد حتى تتداخل كل المكونات.
– تدهن قوالب صغيرة بالزبدة و يرش عليها إما دقيق البقسماط أو بندق مجروش على أن ترش على الجوانب أيضا .
– يصب من خليط الكيك بحيث يملأ ثلثي القوالب ، و تخبز في فرن حرارته 180 درجة لمدة 35-40 دقيقة .
– تزين بالسكر البودرة و الفاكهة الطازجة و يصب عليها قليل من العسل .
بالعافية…
م.ن.ق.و.ل
تحياتي أختكم عاشقة الجمال
وعلى كلماتكم
وتحيتى اليكم
وربى مايحرمنى منكم