انا لما قعدت أشوفكم تكتبون خلطاتكم ونصائحكم لبعض حبيت أفيدكم بخلطه أستخدمها مثل ما أستفدت من اللي تكتبونه
الخلطه الغاليات عباره عن
كثيره ( تنباع عند العطارين وهي لونها أبيض مصفر ميزتها تذوب بالماء وتخليه غليظ ) المهم حطي 4 – 6 قطع كثيره مع الماء في حدود نصف لتر يعني غرشة ماء صغيره وتركيه لمدة ليله
في اليوم الثاني بتلاحظين أن الماء صار ثقيل ( على فكره العطارين يبيعونه جاهز والأحسن أنت تسوينه أوفر لك )
مقادير الخلطه
خلطة الكثيره + خلطة زيوت منوعه بتلاقينها بعد عند العطارين + حمام زيت
خلطي المقادير مع بعض وحطيها على شعرك ولبسي الكاب البلاستيك وتركيه لمدة ساعه ثم غسلي شعرك
الكثيره مفيده للشعر ومن أسمها تكثر الشعر وإذا كنت تحبين اللون القرمزي ممكن تضيفين مع الكثيره شوية دم الغزال وقطعه صغيره قرمز بعد عند العطار موجودين بس إذا كان شعرك مصبوغ بيغير لونه لللون القرمزي
أنا استعملته وكنت مصبغه شعري وتحول للقرمزي بس لونه صار حلو
وبعد للي تحب الأعشاب ترى العطارين يسون خلطه للأعشاب مطحونه مثل بابونج + ورد + حلبه + مسمار + ……..
ممكن تضيفين ملعقتين للخلطه
اتمنى تجربونها وتدعون لي أنا أسويها في الأسبوع مرتين
م : خلطة الزيوت إذا ما لقيتي جاهزه اشتري أنواع مختلفه من الزيوت وخلطيها مع بعض مثل خروع + لوز + الحيه + جوزالهند + زيتون +……..
قبل الخلط
بعد الخلط
مره مره حلو
ودي لك ^^