يله نبدأ:
أول شي خل نبدأ بالبنات:
¤)ياكرهي لبعض البنات الي مسويات قويات ومسترجله
وإذا دخلت محل تسوي فاندام وتلقا صوتها يلعلع تقول شريطي يحرج على كامري
لا ومن زود النشاط تحط حرتها في الهنيدي المسيكين إذا رفع سعر البضاعه عليها شوي وتدفنه محله مسيكين
¤)لا والمصيبه والي يفقع قلب الواحد لاشفت وحده لابسه عبايه إسلاميه ودسوس في يديها ومخربتها ولابسه برقع ومكحله عيونها وحاطه ضل بعد
أبي أفهم وشلون تجي ذي
¤)والطامه لاجاتك بنت وبكامل زينتها بالعبايه التطريز وذاك البرقع وتخلي شوي من جبهتها جالس وتطلع قذلتها وإذا مشت في الشارع صار كلن يناظرها
وإذا جاء واحد من هالمغازلجيه يبي يغازلها قالت ماتستحي أنت عيب عليك
هذي والله الي بتشق جيبي
¤)لا ولا عاد هالبنات التالين
تلقى غرفتها كلها أرقام مطاعم وماتدل مطبخ بيتهم وينه فيه
حتى بيض ماتعرف تسويه
لا وإذا راحت بيت زوجها قالت جب لك خدامه
ويقولون ليش العنوسه زادت
بلاه من هالرفلات
خلصنا من البنات نجي عاد للعيال
العيال بصوره عامه ينقسمون إلا أربع أقسام :
القسم الأول:الخكاريا
شباب الكديش وطيحني ياكرهي لهم
مره شفت واحد منهم جالس يصيح
قلت له سلامات عسى ماشر<من باب اللقافه
قال والعبره خانقته:حبيبتي اليوم ماردت علي
قلت له:يو يو يو لوه أنا لأبسي(أبكي)
يوم قلته له يوم أنفجر صياح
رح الله ينعن شكلك بالله هذي خشة رجال
القسم الثاني:المهايطيه
وياكثرهم هالأيام
ويموتون في شي اسمه هايلكس
وأنواع الهياط
تلقاه جالس في تكية شباب وجالس يشلخ شلخ عليهم
والله أنا مصفق واحد كبر الباب مرتين(الضعيف سواقهم)
وقبل أمس ذابح لي بعير(دجاجه قصده)
واليوم كاسر بلكه فوق راسي وماضرني شي
المشكله أنه يتكلم ومقتنع أنه فاندام وأن شلخه بيمشي عليك
القسم الثالث:النفسيات
عاد ياشين هالنوع الي يضيق من أتفه الأسباب
لو تطالعه أفتنك بحقد
تلقاه أربع وعشرين ساعه جالس بلحاله
ولو تكلمه بكلمه حط حرته فيك
القسم الرابع:زاحف بالغصب
عاد أنواع السماجه عند هالنوع
بالعناد بيصير زاحف
وما يقهرني فيهم إلا إذا قلت مثلا بتروحون البر قال بر ولا بحر
وأدي أصكه مع ثمه بكف
وإذا بغيت تفتك منه تقوله
خلاص يابابا دريت أنك زاحف
يقول:لاموب زاحف أنا برمائي
يقهرني
يالله عاد الله الله بالبردود الي تبيض الوجه
يسلموا على الموضيع
شكرا لك
حلوة
والله انك صادق
طيب اسير انت من اي نوع
فيهم؟؟