واگولن هذا حدي وياك حزني
وأتأمل فرح لمن اغط بالنوم
اشوف الفرح بأول حلم خانگني
وأرد أنة على حزني ومنة اخيط هدوم
البسنة واگل للروح عاجبني
موبيدي أچذب ردت اصبر الروح
بس روحي ذكية تگول جاملني
وعلى الموال هذا انترس عمري غيوم
ولانور الشمس فد يوم گابلني
اصبر والصبر خيط أعلى شمعة ضيم
لا هية طفت لاصبري يسعفني
واستسلم واگول لعاذلي لوم
عمت عين الوكت وياك يحرجني
انة الجبت عمري مباطح وية الاه
ما افاخر ابد كل يوم تهزمني
واحس مسجون انة والفرح سجان
قفل باب السجن خلة وشرد مني
ومن عني أبتعد گتلة شجرالك عود
نزلتة دمعتة وجاوبني اعذرني
گلالي الحزن تارس دربنا الغام
اذا اجيلك نموت وياهو يدفني
گتلة بدفنتك حاير ولك بس عود
الف خير الاگي وياك يحشرني
فشلني ويگلي منين الك خيرين
عذالك غنم ياذيب فهمني
ومشة وخلاني دايخ والقهر بركان
دخت مو چي تركني الگالة دوخني
صحيح الگالة بس الخوف كل الخوف
اذا شامت يمرني أبيش يعيرني
لذلك راح اضل بسجني حد الموت
واگض ثوب الحزن لايوم يتركني
واذا منقولة ياريت تكتب منقول مره ثانيه
قصيدة جميلة
يسلموووو على الطرح
الله يعطيك الف عافيه
تحيتي لكم
كلماات رووعه
ربي يعطيك الف عاافيه
دمت بود………….