ما بقى شي عندي .. في الحياه اخسره
***** بعد ما نا خسرتك .. وش بقى ما يهون
كل غالي أحبه .. كنت فيك انظره
***** من محياك يشرق .. فرحه بكل لون
واصبح الكون بعدك .. ليل وآنا اسهره
***** موحشه في ظلوعي .. ضجته والسكون
ألتحف شال برده .. وافترش مجمره
***** وارتوي من سرابه .. يابسات الطعون
ان علي ناض طيفك احتضن منظره
***** واتعطر بشمه .. دهن عود ودخون
وبشغف أتقوى .. عنك اتخبره
***** كنه احيا بقلبي .. ذابلات الغصون
قلبي اللي تركته .. مثل جذع شجره
***** مات .. لكن على الله .. لو تجيه المزون
عادة المزن يحيي .. موت ارض اقفره
***** وعادة الوصل يحي .. ميتين الضعون
وعادتك من عرفتك .. للعفو مقدره
***** ماعرفتك اناني .. ولا عرفتك .. منون
حتى هرج العواذل .. فيك مدح اكثره
***** من عذوبة وصوفك .. والحلا ينهلون
كن شهد المناحل .. بك سكب سكره
***** كل ما زاد ذكرك .. فيه يتلذذون
كيف انا .. وانت عشقي .. أوله وآخره
***** واجمل احساس عشته .. والحكي ذو شجون
ما قصدت اني اجرح .. خاطرك واكسره
***** لكن الغيره العميا .. غضبها جنون
واصبح الدم .. دمعي .. للقلم .. محبره
***** يكتب اسمك .. وعذري .. بين رمش وجفون
ليت عندك .. لذنبي .. والخطا مغفره
***** وليت يرجع .. بقلبك .. منزلي يا حنون
بس قلب(ن) تكسر .. صعب أحد يجبره
***** ما تجبر قلوب(ن) .. كسرتها الظنون
عاذرنك .. وشايف .. غيمك الممطره
***** ما بقي من أثرها .. غير نزف العيون
لكن اللي مفارق .. تحت ظرف اجبره
***** من سراب الاماني .. يستخيل الهتون
وانت مهما افترقنا .. حلم .. يا مكبره
***** دامني حي .. ما يئس .. لين ياتي المنون
وكل انسان .. موته .. لين ما يحضره
***** في مراده معلق .. والمقدر يكون
عبدالله صالح العمري
أخي عبدالله
يعطيك العافية على بوحك المميز
تحياتي لك
تحياتي
تحياتي
***** دامني حي .. ما يئس .. لين ياتي المنون
وكل انسان .. موته .. لين ما يحضره
***** في مراده معلق .. والمقدر يكون
قصيده في غاية الجمال والروعه
وراقت لي جميع ابياتها ودووم مبدع
ودام قلمك ونبض وصفاء قلبك
تسلم ألآياااادي ويعطيك العافيه
ابدعت في كل كلمة
كتبتها استمر في
هذا الإبداع الجميل
عجبتني كلها وخصوصا :
لكن اللي مفارق .. تحت ظرف اجبره
***** من سراب الاماني .. يستخيل الهتون
صح لسانك
ومعاني رائعه .. مبدع كالعاده وأكثر
دمت مبدعآ ..
خالص الود
دمت بحفظ الرحمن
***************************
تفداكم عيوني وتفداكم الروح
***** ياللي على منشوري اتحطوا اعجاب
تعليقكم والراي .. من غير ما بوح
***** يظفي على حرفي من الفخر جلباب
وآنا لكم عمرت في قلبي صروح
***** حب وغلا من وسطه الشوق ينساب
ورضا خواطركم .. لي آمال وطموح
***** واذا رضيتوا .. للفرح تفتح ابواب
=****** مروركم شرف وتعليقكم اضافة لكم محبتي وتقديري وشهادتكم وسام على صدري