قصيدة الشاعر بندر المحيا العتيبي في شاعر المليون
واللي تأهل عن طريقها للمرحله الثانيه
=================================
اليوم والمنبر مراكب شعر ف بحور الخليل
والريح هبت والبيارق جالها صوت احتفال
ما جا على بالي كلام و شي من هذا القبيل
الا تذكرت ان بعض الشعر ضرب من الخيال
جتني كذا ماخترت ابكتبها على بحر(ن) طويل
احيانا(ن) الشاعر قبل يختار يدخل ف إحتمال
بين الحنايا احس رمي وهج نوق ودبك خيل
كنك تشوف اقواسها مسرح وساحه للنزال
مثل الشجاع اليا اوقضه من غفوته صوت الدخيل
انا اعتبر شعري شجاع ورجل من روس الرجال
وان مات في سمع الغواهي موتبي موت النخيل
واليا حيا كنه علم من نار في روس الجبال
اليوم واقع ساحه الشعار ف الواقع جميل
يامن تحبون الجمال وتستشفون الجمال
قصيدتي عذرا تهز الصمت بالخصر النحيل
امن الوله كحلتها حبري ومرت من خلال
صدري .. وانا مانيب لا جتني بعد غيبه بخيل
افتح لها قلبي من اوسع باب لدروب الوصال
يا حضره الجمهور ليه لفكارنا عابر سبيل
والصدق في كل المواقف تاج راس وراس مال
وانا علي اذكر محبه موطني مع كل جيل
في كل موقف موطني غالي علي ولا يزال
لي ديرة(ن) فيها يقام الحق حق(ن) مايميل
المستقيمه يمها كل ماستقام القلب مال
عندي كأن ترابها من زعفران وزنجبيل
لو انها في نظرة الناظر صحاري من رمال
داري مرابط خيل وسيوف(ن) رهيفات وصهيل
داري سعوديه .. خليجيه .. ولله الكمال
صبو لها دمي وكفي دون غاليها صقيل
صدري لها درع(ن) حصين(ن) ما يهد ولا يزال
راس(ن) مايعشق موطنه لو ارتفع يبقى ذليل
وقلوب ما تنبض بحب أوطانها فيها اعتلال
انا يانجم الجدي ماني في نظر عينك سهيل
اخترت اكون لك السما لا غابت نجوم الليال
من يوقض الحكمه بسمع الناس قل صبر(ن) جميل
على سبيل امثال تظهر حكمه ويضرب مثال
لا صرت تجني من حديثك لا تحدثت القليل
الصمت في حضره جمال الحرف هو معنى الجمال
الشاعر / بندر بن محيا العتيبي
منقول
صح الساانك والساان الشااعر
وتسلم يمينك على النقل الرائع
دمت بخير
بدنك
والله
يعطيك
العافيه
واشكر
على
المرور
الجميل
تحياتي
الروقي
يالرووووقي
وصح الساان الشااعر
وسلمت وسلم فكرك على الذوق ياذووق
يعافيكم
واشكركم
تحياتي
الروقي