ايه لاتزعلوا بس اعتقد انوا هيا الحقيقه
:
هل كل بنات حوا مثلها
:
:
:
ياعااااااااالم قسم راحت حياتي اوراق صغيره . جيوبي مليانه .. 
كل ظهريه وبعد صلاة العشا طيب يامرتي العزيزه فيه شي اسمه دمج ..
رئاسة تعليم البنات بكبرها دمجوها .. ماتمدجين انتي ورقة مقاضي الظهر مع ورقة مقاضي الليل
ونفتك من هالقلق اليومي .. 
المشكله وشي .
المشكله اني اقرا طلبات مالها داعي بس مجبور اجيبها .
دراق / طماط/ بقسماط
/ برغل / واخرتها مانلقاعلى السفره الا كبسه
وان سوينا نفوسنا كنديين حطينا فجل طيب هالبقسماط والصولجان
وبقية الاسامي الصعبه لمين??
طبعا لخواتك اذا جوا يوم الربوع وانا ياغافل لك الله
طقني الجوع مع ابوشايع وابوعبدالله
:
وان سوينا فيها فجور وكااااااش ارسلنا حنيف يجيب بروستد وتهاوشنا على الثوم 
والمدام مع خواتها يتنعمون من خيري ومن تعبي ومطامري في البقاله مع ورقة المقاضي
مره سويت فيها ذكي ناوي لك على نية:"
وبعد ماقضيت لمرتي يوم الربوع قلت بروح للشباب ..
واطب على المدام بدري واحصل خواتها عندها وتوهم حاطين العشا …
يلعن ام الكااااارثه .. اخيرا شفت ورقة المقاضي صدق
..
لقيتهم حاطين سفره بدايتها في المقلط ونهايتها عند طريق ابو حدريه
الى درجة انهن حاطين سيكل جنب السفره
علشان اذا وحده بغت صحن من طرف السفره يمديها تجيبه ..
والقا لوحه مكتوب عليها ( السلطه 60 كلم )
قسسسسم بالله مافيه شي ماهوب على السفره.
الى درجة اني رحمت الامير سلطان يوم شفت سفرتنا 
المشكله ان مرتي تعاملني على اني ابلة تدبير وعندي خبره
وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه
قسم تروعت وش ذا الكنافه الكذابه , انا اعرف الصادقه يوم اعرف الكذابه ??
واروح البقاله مالقيتها اتصلت بصديق قال رح لمحل حلويات ..
واروح وانسى اسمها واقول لراعي المحل عطني كنافه نصابه
ناظرني بأحتقار وعطاني اشكل بدل مايعطيني كنافه ..
في الاخير رحت عنده وقلت ياااخي معليش
انانسيت اسمها بس انها كنافه ماهيب مضبوطه يعني كنافه كافره وبتروح النار
ضحك قال قصدك كنافه كذابه قلت ايييييييييه هذي بنت الكلب
ابي منها كيلو 
.. زحمه وكنافه كذابه
واخرتها قطعة خبز لاعبين علينا وحاطين عليها شيره 
وكله كوم ويوم أخذت اختي في المدرسه طريقة عمل المكرونه بالبشاميل كوم 
سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا
الله يحفظ الوالده .
ورقة المقاضي حقتها ماتتغير علشان كذا مانرميها
انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/
واذا بغت تسوي نفسها كيوت
استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط
والله اني عشت عمري كله وانا نفسي اكل شي جديد
وخاصة ذا اللي يقولوه اومليت
الى درجة اني سكنت في فندق مره علشان لقيت في القائمة اومليت مادريت انه بيض
!!!
المشكله ماعندهم رحمه ..
درجة الحراره في عز الصيف الف وانت تطامر من محل الى محل وبمعية سموك ورقة المقاضي
لو تجيب بنده كلها وتنسى شي بسيط قامت القيامه
ولازم ترجع وانت اصلا شرير ولاعمرنا شفنا منك شي يابخييييييييييييل ..
وياعيني على استخدام التقنيه
ورقة المقاضي صارت من العصر الحجري الحين تجيك المقاضي مسج على الجوال
والله اني ابغا اصيح اذا قريت رسايل جوالي ورسايل جوال اخوياي العزوبيه ..
كل رسايلهم
( عندما تشرق شمس يوم جديد اذكرك .. )
( كفاني ان جنح الليل يغشاني ويغشاك . )
( الله على الجمس لولا وراد الستين ) << رسالة داخله بالغلط هههههههههههه
وانا تعال شف رسايلي
( حليب سريلاك .. )
( ارجع بدري نبي مويه )
( وانت جاي جب اعواد اسنا ن )
اعواد اسنان في نص الليل الله من الاعذار بس
وماقطع قلبي ونكد علي حياتي الا اذا طلبوا تسالي
..
تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون ..
تجيب رقاق الورده قالوا نبي رقاق غوار .. تجيب صلصه قالوا نبي ماجي ..
بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس
مناسبة هالموضوع
اني رحت اليوم الاربعاء بعد صلاة العصر ومعي كالعاده رفيقة دربي ورقة المقاضي
طولها حوالي 7.12 متر ويوم دخلت بنده والقا زحمه
وانا اللي تصعب علي نفسي واتمرد واشق ورقة المقاضي
وارسل للمدام رساله اقولها اني تمردت وقطعت الورقه …
جزاها الله خير تفهمت الموضوع بشكل حضاري وهذا انا اكتب لكم الموضوع من مقهى.
واتشرف انه ارد عليك اول وحده
مشكور ع الموضوع
تقبل مروري
قمر جدة
لك الله ياشيخ
اسلوب نصيحه ممتع
إلى كل زوجه اقرئي وتمعني فربما اجاد بذكر الحقيقه
دعيهم خلفك ولتفتي لزوجك فهو اولا بك
بوركت ودامت ايامك
أحسن لك من وجع الرأس …اللي مستحيل ينتهي..وأنت على هالمنوااال…
خليك (أسد هزبر)…ومن نظره واحده تحسب لك ألف حساب…>>>أبوشهاب
مو مخليتك تتعشى بروستد..
اخوي والله قصتك عويصه
وكانها كاثرة ها الايام
الله يعينك تنرحم
ولاتخاف ماراح احد يزعل منك
يعطيك العافية
ارق التحايااا 🙂
بس لازم تعرف ان اصابعك مو سوا
ونصيحه خوذ بنصيحة سيف الملوك لانه الاختيار الانسب ويرضي الطرفين
اتمنى الاخذ العظه والعبره لكل امراءه مهمله بزوجها ومفتاح قلب الرجل بطنه
تحياتي لك وحياه موفقه
مربى فريز
وانا من رايي انك تروح تتكلم مع زوجتك وتفهمها انك انسان مو آله ونصيحتي افتح قلبك لزوجتك وخلي الحوار مفتوح بينكم
يعني الشي الي يضايقك تروح وتقلها عليه وهيا نفس الحكاية (بس بدون ماتجرحوا مشاعر بعض)
اتمنى لك التوفيق والسعادة في حياتك
تقبل مروري واتمنى مايضايقك كلامي
لعنت الله عليها من مرة تكرم خواتهاولا تكرمني
الله يعينك يا مسكين ,,, بس مثل ما قال اخوي سيف الملوك …. وديها مره بالشهر تجيب المقاضي وخلاص
احسن ما كل يوم راح جاي ..