جالس الولد بامان الله بغرفته يذاكر مثل خلق الله ….
يعني من زووود الفلاحه يعني ….
المهم يدور راضا الوالدين بشتى الطرق ولا يعصي لهم امر ….
في يوم من الايام المشرقه المشمسه عليه
المغيمه الممطره والمرعده على ابوه
نااااده ابوه وقال له :
الأبو : يا ولد
الابن و بكل براءة : نعم
الأبو : نعامة ترفسك تعال
الابن : ليه وش سويت ؟
الأبو : سواك ضريب يخلع رقبتك
الابن : وش فيه طال عمرك ؟
الام : شاوي يشوي عضمك رد على ابوك زي العالم المحترمه
الابن : هوه انا قلت والا حكيت شي؟
الأبو : حكحكوا جنابك بالعصايه اوقف عدل يا حيوان .
الابن: حاضر
الأم: يحضروا على قبرك لما ابوك يتكلم انت تنطرم .
الابن: انطرم؟
الأبو: ايه يا مالك للطرم .
الابن: ماشي
الأم: يمالك المشش بركبك ماتقوم .
الابن: وش يطلع بعد ذاا المشش؟؟
الأبو : اما انك قليل حيا صدق ترد على امك هاتالعصا وتعال
الابن: انا رديت على امي ؟ يماااا ما تقولين لك كلمه .
الأم: انا ما قلت لك انطرم .
الولد انغلب على امره وسكت ….
الأبو : أما جيل قليل حيا… ما تتكلم وش فيك بلعت لسانك .؟
الابن: وش اقول … ان تكلمت ما سلمت .
الأبو : ليش عمي شايفنا و لا حول؟
الابن: لا اله الا الله
الأم: الله ياخدك ياليتني جبت ولد جيراننا اللي ينضرب فيه المثل ولا جبتك .
الأب: انا مدري هالولد متى وده يصير رجال دايما فاضحني وين ما أروح
الابن: طيب وش تبيني اسوي علشان تشوفني رجال؟
الأب: ان شاللهعمرك ما صرت رجال انطرم اهااا
الابن: يا ربيييييييييي خلاص عاد ممكن اروح غرفتي؟ ليش ناديتوني؟
الأم: اي والله صدق حنا ليش منادينه ؟
الأب: تصدقين يا مره….نسيت مانيب داري
خلاص ارجع لما اتذكر بناديك رجع الماي بحنجورك قول آمين .
ويروح المسكين بعد ماتمرمط مع هالشيبان …..
وبعد سااااعه سمع ……
يااااااااااااااااا ولد
الا ابوه يناديه
——————
تحيااااااتي عزوزززز
حلوة ياولد
وحياااك ومشكور على المتااابعة
يسلمووووووووووووووووو
مرسي لإلك كتير ناااااااايس
