ابوي كبير في السن وتعامل امي

  • بواسطة
السلام عليكم ورحمة الله وبركاتة عندي ام استغفرالله غريبة جدا جدا مع ابوي طبعا ابوي كبير بالسن عمره 93 سنة وامي عمرها 87 سنة احكي لكم القصة الحين وساعدوني فيها

انا بنته والله العظيم ما عمري شفته الا هادي ومبتسم ويحاول يهدي الاوضاع باي صورة .
امي مدري وش فيها من اصلها عصبية وسليطة لسان والفاظها متبرية منها تسبنا وتشتمنا وتطقنا قدامه
يوم كانت محتاجة ما قصر معها يمشي لها على كيفها
قبل عشر سنوات اضيب بشلل ومن اول يوم وهي طالبة منه الطلاق .. لكن تحملها وستر على بيته وعياله
يوم طاب رجعت تطالبه كل مابغت شيء ازعجته لين يروح ويتسلف لها او يشحذ احد من ربعه
المهم الان من 5 سنوات جاه ضمور بسيط في المخ ووظائف الكلى
وجاه سلس بول
اول شيء طردته من غرفة نومه وغيرت المفتاح –
خلته ينام بالصالة واذا مرت عليه طفت المكيف عليه تقول يصرف كهرب – رغم ان ابوي هو اللي يدفع الفاتورة –
اذا جا بيجلس في اي مكان وهي موجودة سبته بصوت عالي حتى قدام حريم عياله وسبت والديه وقامت من عنده
ما يمر عليها في البيت احد الا سبته وسبت والديه واتهمته بأنه فاقد الذاكرة وانه بيجيه غيبوبة !!!! وقدامه وهو قاعد تقول ليت الله ياخذه ويريحني ويريح عياله منه فضحنا في الناس وثقل علينا وعكلنا عن السفر .
وهو كل حيلته يروح للشارع ويقعد يبكي .
عقدته في حياته وخلت الناس ينظرون له نظرة تزيده تعب وتشككه بعمره
تسبه قدام عياله وتقسي قلوبهم عليه لدرجة الان ما يجلس معه احد من عياله
اليوم اخر شيء قامت تسبه بصوت عالي وتسب امه – فانفجرت ماقدرت اتحمل وهو ساكت وقلت لها انتي وش فيك ؟؟؟ وش تبين منه ؟؟ فكينا من شرك
لا تكلمت مع اخواني قالوا وش تبينا نسوي .؟ كأنهم ماهم في وعيهم
كلن ياخذ حرمته ويوديها يمشيها من ديرة لديرة وابوهم له 5 سنوات يبي يعتمر ما قدر ولا لقى احد يوديه
الصلاة يروح للمسجد مشي وهو صايم في عو الظهر والعصر
رحت وتسلفت من وحدة من البنات 5 الاف واستاجرت سواق وسيارة – وتجي اميو تاخذ السسارة والسواق وتمر على جيرانها قريباتها توديهن معها للمسجد ، وتخلي ابوي يجي بهالليل يمشي ما يدل ولا يشوف زين . يوم كلمتها وقلت لها مستاجرته لبوي قالت الله يلعنك انتي وابوك ولا يوفقك لا دنيا ولا اخرة يا بنت الكلب وبنت الحرام .
انا من زمان شاكة ان فيها سحر . بس كيف وهي حافظة القران وتقراه ليل ونهار وداخلة دار ذكر ؟؟؟ وش هالسحر اللي ماراح بكثرة القران ؟
استاجرت بيت لمدة سنة بمنة فلان وعلان وانحشت فيه مع تهديد اخواني وسبهم وفضحتينا في الناس واتهامهم لي بالزنا
وحبيت رجله قلت خلنا نطلع من هالنار اللي عايشين فيها
بكى وقال الناس بتفضحنا ومابي افرج عليهم الاعداء ومابقى في العمر الا شوي باتحمل – وهذا بيتي بنيته من لحمي وعزمي ماني طالع منه .
بسبب سلس البول ما يلبس ملابس داخلليه – اذا جلس بالمجلس طردوه عياله زي الكلب يقولون رح البس والا لا تقعد مع الرجال …
وانا اناظر كل هذا ومغبونة ومقهورة
ولاني حرمة لا شرطة تستقبلني ولا امارة تسمح لي بالكلام من غير ( محرم ) ؟؟؟ طيب المحارم مجرمين وحرامية وش اسوي انا ؟؟
صرت ما اطيق امي
اكرهها كرهي للعمى
ما اناظر في وجهها وارفع وصتي عليها من كثر القهر اللي فيني – وعلاقتي باخواني صارت زفت سبيتهم وسبيت حريمهم وما عاد عندي شيء اخسره –
دام ابوي حي باحاول لاخر قطرة – لكن لو صار له شيء باكتب القصة وبارسلها تنشر وبانتحر عندهم في بيتهم
مدري وش اسوي ؟؟
فوت قطار الزواج احاول احمي ابوي من اليهود اللي حوله – لا انا تزوجت وانجبت اطفال وافتكيت من هالمشاكل ولا انا اللي تحملت وبريت هاالام اللي فيها بلا ولا انا اللي انقذت ابوي من مصيبته اللي هو فيها …
مدري وش اسوي

آلله يعينك و يعين والدك ..
و ربي يفرج عليكم و يهدي امك و خوانك و حريمهم و يسخرهم لكم ..

ما ادري وش اقول و وش انصحك….
بصراحة حزنانة ؏ـلى والدك و ؏ـلى عمرك ..
ٱﻧـYOUـتي اشكي همومك لربك و ادعي لوالدك ..

آلله كريم و رحيم بعباده ..والله يفرج لك

و اذا عن السحر تراه يحتاج رقية مشروعية و علاجات خاصة و لازم يكون راقي
و ترى الكل بيقرأ القران بـßĀŠـس ما يعرفو اذا هم مسحورين و لا لا و اذا راحو عند الراقي وقتها يعرفي سبب المعاناة ..

ٱﻧـYOUـتي حاولي تأخذي امك لراقي و قولي لها عشان يرقون عليكي مو هي ..لانها اكيد اذا ؏ــرڤت عشانها ما راح تروح ..

و أذا عن الانتحار فكري بربك و بالاخرة ..

كلنا نعاني بـßĀŠـس لنا رب واحد

ฬﺁﺣــــــﺎﺳﻴﺲ ﺩﺍﻓﺌـﮧ

والله يختي اضاهر امك رجعة مراهقه على كبر تشوف نفسها مضلومه لانها متحمله مرض ابوكي وفقدت الحنان الله يشفيها طيب اذ شفتي امك كذى راكبها عفريت ابوكي ذكريها قولي يمامه يا حبيبتي ترى الي في ابوي ممكن يجيكي وتصيري مبوذه محد يحبكي ارحمي ضعفه عشان الله يرحمكي شوفي انا صار لي قصه عن عمي ياطويلة العمر عمي هذى الله ابتلى زوجته بسرطان هو اولشي وقف معها بس بنات عمي كانن يقولون ابوي يقعد يعاير امي يقول مكن في البيت مره وكان يتخيل اذى ماتت بياخذ اختها كانت مطلقه يعني خالت بنات عمي وكان يغلط ينادي امهن بسم اختها بس سبحان الله العظيم مرت عمي تشافت وعمي جاه سرطان بدم واخذكم شهر ومات كان يبكي عليها بس سبحان الله مات قدامها وشوفيها متغيره كنها بنت صغيره مكنها طقة الخمسين الله يهدي امك ويسخرها لبوكي وانت الله يرزقكي من فضله

السلام عليكم ورحمة الله وبركاته

لاحول ولاقوة إلا بالله العلي العظيم
الله يهدي امك ويعينك
من جد مااعرف بشو انصحك بس الشي الوحيد

الي اقدر اقوله انتبهي تعصين ربك وتنتحرين
كذا خسرتي حياتك في الدنياء والآخره
الصبر ربج كريم

احسدك على كمية الصبر الي فيكي لا اله الا الله والله يختي وانا اقرا الكلام حسيت قلبي يحرقني يعني تقريبا فيكي تقولين مريت بهتجربه وحسيت فيكي لكن والله حرقني الكلام الي قلتيه يعلم الله قد ايش ابوكي صبور عليها وامك الي تسويه والله والله ححرام انا ماني خايفه عليها الا لا جات تقابل ربها يعني باقي سنه سنتين خمس وتروح من هالدنيا الواحد باخر العمر ينام على سجادته ويصحى عليها , يارب حققلهم مرادك ويسر امورهم وافتح لهم ابواب الفرج ياررب عاجلا غير اجلا يارحمن
من آلآفضل تروح وآلدتگ لآخصآئيهـ نفسيهـ ..
آگيد هي من آلدآخل بتتآلم بس بتعبر عن دآخلهآ وغضبهآ بطريقة خآطئهـ …
مآآعتقد فيهآ سحر ..
سلوگيآتهآ هذه ممگن عندهآ آگتئآب ..
آذآ آخذتيهآ لآخصآئيهـ ممگن تعطيهآ دوآء سبرآليگس ..
فلو آستخدمتهـ نصيحهـ خليگ معآهآ وآصبري على آذآها 7 آسآبيع وبيتحسن وضعهآ لآزم صبر ..
یا اختی جمیله..هذا الذی قلتیه..علته معلومه وعلاجه ایضا" کذلک
فما دام ابوکی مخلی امک علی کیفها وتسرح وتمرح وتسب وکل شیئ فلیتحمل عواقبه..ولماذا یتحمل هذه المعامله الجاسره من امک ما دام هو المعیل للبیت وهوالذی یدفع الفواتیر..فلماذا هذا التذلل امامها
برایی ان یستجمع قواه الجسدیه والمادیه ویعلم امک شغل وکلام السنع وراح کل شیئ یتغیر للاحسن…ان شاءالله تعالی
وخل عنک فکره الانتحار…تراه حرام
مهما کان لاتصرخی علی أمک ولا تهینیها عشان ماتشارکیها ها الجریمة. أنت من أحباء الله لأنو ابتلاک ولاتنسی إن مع العسر یسرا..
الله رحیم لهذا لا تفکری فی الإنتحار لأنه طریق إلی عذاب أشد بکثیر من عذاب الدنیا تصیری تدعی الله یرجعک للدنیا وتوبی…
بس مایصیر
حبیبتی نصیحة لوجه الله لاتعادی امک ولو هی غلطانة هاذ المعاداة تزید طین بلا..
انت ثبتی
أمانة راح ادعیلک
لا حول ولا قوة الا بالله
هاي الكلمه الي راح احكي ودعواتنا معك اختي وياربي يحميكم وينصركم انت وابوك

تم الإرسال بواسطة iPhone بإستخدام مدونة عبير

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.