تخطى إلى المحتوى

ابي حل لمشكلتي مع زوجي

  • بواسطة
السلام عليكم
انا بنت عمري 22 متزوجه وحآليآ طآلبه الطلاق من زوجي ..انا بخبركم القصه كامله وابيكم بنهايه تتفهموني..هو يكون ولد خالي جاء خطبني وانا ماكنت ابيه الحقيقه كنت اكرهه واكره امه تعرفون امه من النوع الي مايدخل القلب من اول بالعكس هي من النوع الي تشوف الشر بعيونه .. المهم انا وافقت بعد راي امي واخواني وخالي قلت صعبه ارفض والكل يبيني اوافق قلت اوك بوافق عليه مع العلم انو خطبني وهو مو متوظف بس وعدوني انه يتوظف قلت اوك انا الحقيقه ماكنت ابيه وكنت اكرهه ولا احبه ولا احب اشوفه بس كنت اسكت ةاصبر واتحمل ..انا انسانه حيل صبوره وكتومه وماآطلع الي بصدري..المهم سكت ع الوضع وهو ايام الخطوبه كان مهملني ولا قد جاب لي هديه او يكلمني او يشحن لي او يعطيني فلوس ولا شي ماكان يحسسني اني مخطوبه ولا حسسني بالحب بس كل الي يبيه انه متى يسوي الزواج بس كنت ارفض لحد مايتوظف المهم توظف وتزوجنا وكنت ليله زواجي ابكي من القهر لاني بروح لشخص انا عجزت اتقبله ..كنت ابي افضفض لاحد كنت ابي ارفضه بس ماقدرت خفت من كلام الناس وخفت خالي وامي يزعلون .. سكت وكتمت بصدري المهم تعدت ايام وشهور والوضع مثل ماهو كل يوم اكرهه زياده وكنت خايفه اتكلم او اقول ماآبيه .. حنا ساكنين في بيت ابوه ابوه انتقل لقريه وضلينا في بيت ابوه ويوم كانوا اهله يجون عندنا كانوا يعاملوني كني الخدامه عندهم محد يساعدني بالبيت مع انهم كثثار جيش ..كنت اسكت واتحمل امه تكرهني دايم تحرشه علي واسكت امه تتدخل بكل شي في اكلنا وشربنا ولبسنا وحياتنا وهو مايقول لامه لا يعني بالعربي ولد امه ماعنده شخصيه ضعييف مره وانا هالاسلوب الي فيه خلاني اكرهه واكره امه صرت اكره ماآشوف هالاثنين بس اكتم ةاسكت واتحمل امه اتهمتني بالسرقه وسكت واتهمتني ان فيني وفيني بس كنت اسكت ولا اخبر اهلي وهو بخييل مره لا يشحن ولا يوديني السوق ولا يطلعني نتمشى بس الشي الوحيد الي مو مقصر فيه البيت كل شي موجود فيه بس هذا الشي الوحيد الي فالح فيه .. الشحن النت امي هي تشحن لي اطلبه يرفض هو طبعآ يمشي ع تعليمات امه بس كنت اسكت ولا اخبر اهلي واهله دايم كل مايجلسون مع بعض يروحون يجلسون بالمقلط ويخلوني داخل لحالي ولا احد يسولف معي انا اقول ي ربي وش سويت لهم مع اني انسانه وربي في حالي ولااهتم لاكلام الناس ولا افكر بالنفاق ولا شي انا هاديه كتومه هم لا عكسي مايخلون شخص ماينافقون فيه لاجتمعت العيله ومايخلون احد في حاله وام زوجي انقهرت مني عشاني انسانه مو من مودها وكرهتني ..اهلي وربي مايوديني لهم الآا بالهواش واخواته وربي هو منه وفيه يقول نروح لهم احيانا اروح واحيانا ارفض انعزلت عن العالم بسببه اهلي ماآشوفهم حفلات اخواتي يسوونها ماآجي انقهرت ماقدرت اتحمل اهلي يسالوني ناقصك شي فيك شي قصر معك قوليلنا اقول لهم لا مافي شي ماناقصني شي بس قلبي يقول كلام ثاني المهم يوم اختي طلعت من المشفى وسوينا لها حفله ورحت لاحفله وكانت اخته معي اخته تكون زوجه اخوي رحنا للحفله بنتها الصغيره ماآعرف شلون فتحت باب الشارع وطلعت وكانت بتندعس بس ربي ستر ولحقناها راحت هيا دقت ع اخوها الي هو زوجي قالت تعال خذني علطول هو جاء قالت يلا ي مريم معنا انا رفضت قلت لسى بدري الحفله مابدت الحين شلون بينا نمشي قالت عاد زوجك برا ينتظرنا قلت لا حبيبتي امشي لحالك انا هنا الحفله لسى مابدت هو دق علي معصب قال يلا اطلعي انا خليت امي تكلمه قال خلاث خليك وتعالي مع اهلك المهم بعد مارجعن بيتي لقيته ينتظرني معصب علي ولا يرد علي اكلمه واحاول اضحك معه مايرد علي انا مانمت ذاك اليوم انقهرت قلت لازم اطلع بقلبي لمتى وانا عايشه بهم وغم ولا اذوق طعم السعاده وخبرته اني ماآبيه ولا احبه وابي الطلاق قال علامك فيه احد حرشك البارح بالحفله قلت والله مافيه بس العيشه معك معد تنطاق المهم كلمت اخوي الكبير وقال خليه يجيبك البيت قلت ودني بيت اهلي قال ماني موديك خلي اخوانك يجون لك قلت مثل ماآخذتني من بيت اهلي رجعني لبيت اهلي مالقيتني لقيطه بالشارع وترا بروح لاخواني بسياره اجره واذا اخواني شافوني جايتهم بسياره اجره بيكون اخر يوو بحياتك قال خلاص بوديك بيت اهلك وداني وطلبت الطلاق وجا خالي وزوجته يطلبون مني ارجع رفضت وامه يوم شافت مافي مني رجعه جلست تسب ي كلبه ومن هالكلام وطردهم اخوي برا البيت وللان يحاولون فيني ارجع بس انا رافضه هالشي وحلفت لهم لو يطلع ابوي من القبر الله يرحمه مارجعت له توبه ارجع لذيك الناس الي دمرت حياتي وسعادتي وربكم يوم رجعت عند اهلي حسيت بالحياه حسيت اني انسانه وعايشه تحملته هو واهله وبالاخص امه سنه ونص تحملتهم بما فيه الكفايه وكل همهم يبوني اخلف لهم والعيب في ولدهم مب فيني بس مايبوا يصدقوا هالشي لا ولدنا مافيه شي وهو الي مايخلف مب انا المهم انا حاليا عند اهلي وعطيتهم الرد النهائي ابي الطلاق الحمدالله اخواني معي وهم من اول يقولون مب بالعينه ولد امه ذا امه تجيبه وتوديه ماله بعلوم الرجال شي ..بس امي واخواتي يقولون لاتدمري بيتك بيتك ارجعي وفكينا من المشاكل وانا رافضه قلت لامي واخواتي تبون سعادتي قالوا اكيد قلت سعادتي ابعد عنه هو.واهله احس معهم عايشه بجحيم ولسى الحياه قدامي الحياه ماتوقف ع شخص واحد وانا تحملت بما فيه الكفايه الانسان له طاقه ويتفنجر انا انفجرت طاقتي وخلاص معد بتحمل اكثثر ..كل الي ابيه سعادتي وسعادتي انو اتطلق منه.. ابي رايكم بموضوعي .. اتمنى تتقبلوا مروري ..سبحانك اللهم بحمدك سبحان الله العظيم..

وعليكم السلام ورحمة الله وبركاته ~

لا إله إلا أنت سبحانك أني كنت من الظالمين , قصتك تماما تشابه قصة صديقتي , سبحان الله ..
أعلمي عزيزتي أن زواجك منه هو نصيب وذي الجلال والأكرام كاتب هالشي لأنه خيره لك ! لا تتعجبي ..
قد يكون الخيره فيما بعد طلاقك ,

زواجك هو نصيب والطلاق هو قرار ..
أن الله عز وجل لم ينزل المودة والرحمة بينكما , وإن وجدتي أن سلبياته أكثر من إيجابياته , فا
أستخيري غاليتي وأعزمي بطلاقك ..
وتوكلي على العزيز الحكيم وفوضي أمرك له , ولو هو عند أي مسؤؤليات كان عرف كل حاجة من فترة خطوبته بيك ..
فالزواج ليس علاقة جسد , أسمحي لي بهذه المسمـى , بل هي محبة وأحترام ومسؤؤلية وعطاء , قله للأسف من يفهم معنى الحقيقي لزواج !

إن رفض طلب طلاقك غاليتي , أجلسي عند أسرتك وألزمي الأستغفار وأدعيه وأنتي يقينه أنه حا يفرجها عليك , لابد تحسني الظن بالواحد القهار ,

بالواقـع قصتك لا تحتاج لمشوره أبدا لأمثالنا , بل ألتجائي للواحد الأحد ..
لا تحزني كثيرا غاليتي على ما سيكون من الماضي , فقط هي مسألة وقت وسا تنسيه هو مع أسرته ..

أنصحك بهذا الوقت أن تشغلي نفسك با أمور تفيدك وتميلي لها , ولا تفكري با أي أمـر , وأستعدي لكلام كثير وكبير وهو كذب !
فا
الله لن يضيعك أبدا ..

الله يوفقك يارب , وأتمنى أني أفدتك ببعض النقاط , وأعتذر أن كان ردي غير منسق غاليتي ..

بوركتــي |

سلام
أختي انا مش متزوجة يعني يمكن ما اقدر أساعدك كتير بس انتي غلطتي لما تزوجتي شخص تكرهيه واحمدي الله انك ماجبتي ولد لانه الباين أنكم مو متفاهمين والولد لما يكبر
رح يتأثر الأحسن تطلقي

تم الإرسال بواسطة iPod touch بإستخدام مدونة عبير

اجل انا ايش اقول زوجي تغير علي مرات شفت رساله علي جواله من بنت تواعده تطلب منه فلوس تقول بروح اهلي خليني اكره حيل الجيريا:banghead:
الحين يطلب اروح اهلي اجلس ثلاثه ايام موضوع فيه ان الجيريا
كيف اغصب نفسي عليه مشكله عندي طفل منه :banghead:
وينكم
الله يعينك

تم الإرسال بواسطة iPod touch بإستخدام مدونة عبير

المشاركة الأصلية كتبت بواسطة noOrea2

الحين يطلب اروح اهلي اجلس ثلاثه ايام موضوع فيه ان الجيريا

لا تروحي بيت ابوكي جولى مو جاي علا بالى

تم الإرسال بواسطة iPod touch بإستخدام مدونة عبير

السلام عليكم ورحمة الله وبركاته صاحبة الموضوع أقولك فيه إيه في سورة البقرة في ما معناها عسى أن تكرهو شئ وهوخيرا لكم وعسى أن تحبو شئ وهو شرا لكم غلبني أنا أول متزوجة مدى ضاربي يحولون يصطرون علي وزوجي الله يهديه كل شوي مودينا يم أهله بس أذى قلت الروح يم احد من أهلي شوي وينجلط وإذ وداني يحدد ساعه ولا ساعتين واجي أخذك بس هو طيب يعني مقد آذاني بشي وتحمله وشق يني الحين معاد نروح يم أهله زي قبل والمضحك أني أنا الي اطلبه الحين يؤديان يمهم ويرفض ههههههه انتي حبيبتي شوفي أذى كانت هذي بس مشكلته أهله صدقيني مع الزمن راح يتغير والحين ونا أختك معاد فيه وجال مثل قبل يعني ارضي بقردك ليجيكي اقرد منه والله يوفقني إلى ميحبه ويرضاه ولا تنسين الاستخاره وشكرا

السلام عليكم ورحمة الله وبركاته

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.