السلام عليكم ورحمه الله وبركااته
عندي مشكله وهي انو الدهون عندي متراكمه في الاسفل مع اني مو متينه 🙁
وهالشيء عقدني كثير ، التنانير تخرب عاللبس
المهم مره كنت باسوي رياضه عالسيكل الرياضي بعدها وربي انها ثلاث ايام وانا ارجولي توجعني جاها شد م اقدر امشي زين :$
واصلا الرياضه ماراح تنفع > تعرفون الكسل عاد x’D
اعرف بنت في المدرسه ماشاء الله مره سمينه بس بعد الاجازه نحفت ١٣ كيلو
سالتها كيف قالت من شاهي اسمو شاي الضيافه ( اسمو الثاني : شاي الرشاقه )
بس مشكلته انه يجيب اسهال ٢٤ ساعه الله يكرمكم
ف حبيت اسأل عنه اذا احد يعرف احد جربه ونفع معاه ؟!
– بليز لا احد يقول لي خل تفاح ، هاذا يضر :/
عندي مناسبه ولازم انحف قبل الصيفيه (*:
امم قصدك متراكمة في منطقة الحوض واسفلها .؟؟؟
انا عندي سيكل وأسوي رياضة عليه
أولا يبي لك تبدأين بالتدريج …مثلا أول يوم تمشين مدة 10 دقايق حتى تحمى العضلات
بعدها على السيكل 10 دقايق او ربع ساعة ….بعدها سوي تمارين التمدد
تمرين او ثنين يكفون
وشوي شوي زيدي المدة …وكذا تتعود عضلاتك على الرياضة ولا تتأذين منها
بالنسبة لشاي الرشاقة أعرف الياباني
كرتونه أصفر …جربته وطلعت روحي …اذا ناوية تجربينه لازم تعتزلين المدرسة
وتحطين لك كرسي عند التواليت الله يعزك 
وما أنصحك فيه …ينزل وزنك من الأسهال وتخسرين سوائل جسمك وبس تتركينه ترجعين مثل قبل وأزود ….وله أضرار على المدى الطويل
أتمنى أكون فدتك 
وانصحك بالمشي والتخفيف من الدهون
وترى كلنا مثلك اساس جسم المراه اول مايسمن من تحت
والله يكون بعونك شدي حيلك بالمشي وخففي من الشوكولاتات والشيبسات
وربي اكلي قليل
طيب سجود وش هي اضراره ؟؟!
اما عن شربه باشربه في الاجازات اكيد 
طيب و هالتمارين كم تنقص بالشهر اذا سويت مثل الي تقولينه بالضبط ؟
يوم جربته كانت لمده ٦ دقايق و طبعا فيه وقفات حسيت اني بامووووت !!
يعطيك العافيه م قصرتي
طيب السسير اوالسسيكل زي مآقالت سسجودة ودرجي بالمششي لآن المشي بحمآس من البدآية
يتعب الرجل والجسسم بششكل عآم
يعني الرياضه تطول و تتعب و ما انقص الا كيلو واحد في الاسبوع
انا م اتحمس لشيء بعيده جائزته .. ابي تحميس
ومافي وقت للرياضه > عاد انا امرأه اعمال
هالشاهي دااخل مزاااجي !! بس ابي اعرف اضراره
هو مو مهم طولت مفعوله ترا المناسبه شهر وتنتهي ثم يبدا الاهمال xD
اقولش شيئ بلا شاهي بلا بطيخ
انصحش في ماي زعتر يقولون حيل حلو واختي شريته بجربه ان شاء الله
وكله اشربي الماي يعني باليوم 8 مرات حتى لو ماتعطشي اشربي وبعد امشي اذا عندش ايبود او جوال اسمعي اناشيد وانتي ماشية ترى تنسي نفسش وبعديت تخف الدهون اسألين مجربة 
……………..
ومو لآقيهـ هذآ شاي رشاقتكك
أجـل روحـي منـآسبتكك بكرشتك
أحسسن>>خخخ أمزح يـ بنت لآ تبكي
يـ بنت أسمعي جمبكم بححر روحي أخذي
أحـد من قـرآآيبكك وفحطي هنـآآكك مع قريبكك
بسس مو تروؤحون تتأملون فيهـ وترجعون
أو طلعي كـل أسسبوع أيي مكان عساهـ سوق
أبو ريلين ومششي فيهـ يمككن تخخفيي خخخخ
سسلآموآآ
لو كانت هناك طرق " سحرية " تخلص الجسم من شحومه لما مارس أحد الرياضة و لما تورط أحد في الأنظمة الغذائية القاسية 🙂
عليك أن تمارسي الرياضة الخاصة بالجزء السفلي للجسد ( Legs / Thighs / Butt workout ) و أن تنتبهي إلى ما تأكلين .
هناك من نصحك بالتقليل من التشيبس و الكولا .. أنا أنصحك بالتوقف عنها نهائيا.
و لا شيء مستحيل مع الرياضة و طعام صحي , لأنك ستلاحظين الفرق في الأسابيع الأولى 🙂
تبين الجد انا سيم سيم انتى ما احب الرياضة بس الرياضة شي
لابد منها
الحمدالله انا مو متينة ولا افكر اصير 
بس ما عندى فكرة عن موضوعك سورى 