دثرت العمر بترابك وظليت
اعيش اجروحك واوياك متعذب
ابنك ياوطن عشت انه الالام
لاتسال حكيم واسال مجرب
مااعرف قضيتك صرت محتار
وكل اسباب علتك بيه مستغرب
اوراق السلام اتبدلت بارهاب
واصبح ورق بس يستنكر ويشجب
البلبل لويغرد مااله مسموع
بس صوت انفجار العدنه ظل يطرب
نشتل وي وردنه الفشك والبارود
وارواح البشر مثل الغنم نكصب
تبدل ماي دجله وصار احمر لون
ومن دم الشعب شلال كام يصب
يالكاعك تضم حيدر علي شبيك
موبس هالاسم يا هالبلد يرهب
مااكدر افيدك وانه هم مكرود؟
ولااكدر ازيحن غيمك اليحجب
بس عندي قلم وافضحلك الباعوك
واسويلك محاكم من ورق وانصب
اكتب,,,,,,,,
اكتب خلي ابري الذمه وجدان
ولااخاف من امسن يزعل ويعتب
وادريبه يفز ولوكلت يختاض
لان يعرف حقيقة صفحة المذنب
البعبه صخل ؟؟ كالوا يمعمع دوم
العنده موصخل؟؟؟؟ اصخول ويعبعب
مو انه غشيم واعرف المضموم
مايخدمني جاي ويبجي عالمنصب
دويره … ودعابل؟؟؟ موطني سووك
ولاواحد البينه …… بلعبته ( مطنب)
منقول
على هالكلمااااااات الحلووووووووووووووة
تسلم يمينك والله على النقل العذب
نتمنى منك المزيييييييييد
تحيااااااتي لكككككك
وتسلم يمينك
دمتي بحفظ الرحمن