انقهر من اللي يقولون خلي علاقتك بااهل زوجك رسميه!!! 2024

السلام عليكم ورحمة الله وبركاته

اشلونكم ياحريمات ويابنات
منورين موضوعوي والله
عساني ما انحرم طلتكمالجيريا

<<<مصدقه ان في تفاعل بموضوعهاالجيريا

لا صديقاتي بقسم الحياة الزوجيه اعرفهم ويعرفوني داااااايم اتفاعل معاهمالجيريا

المهم دااااايم اقرا حريم يقولون للي عندهم مشاكل مع اهالي ازواجهم خليك رسميه معاهمالجيريا
نفسي اعرف كيف اكون رسميه معهم؟؟؟
وانا بعيش حياتي كلهآآآ معهم
معقول اضل طول حياتي رسميه
ومع مين مع الناس اللي اختاروني نقوه لولدهم؟؟؟
هذي جزاتهم
انا بقولكم صح موكل اهل الازواج طيبين بس المفروض من البدايه
احنا نكسبهم لصفنا بالاحترام والكلام الحلو والهدايا ومعسول الكلام لانهم بمقام اهلنا واهل الغالي..
وكثر ماكنت اعز زوجي واقدره اكيد بقدر اهله واعزهم من غلاته..

وبعدين بسالكم في وحده ترضاها لامها؟؟
يعني تجي زوجة اخوها تعامل امها واهلها رسمي ترضينها لامك؟؟؟؟؟
ما اتوقع وحده بتقول ايه ارضاها لامي!!!
اجل وشله ترضينها لام زوجك ؟؟
ماهي أم سهرت وربت وتعبت طول حياتها وكبرت ولدهاا بالاخير ذا جزاها!!!

مهما كانت نكديه وراعية مشاكل تقدري تكسبيها بالاسلوب الحلو
والتغاضي عن اغلاطها وبين كل فتره وفتره قدمي لها هديه هي بمقام امك

تكفوووووووون معد ابي اسمع هالكلمه بمنتدانا لانها بالحيييييل كبيره بحقوق امهاتنا
مهما غلطوا نظل احنا الصح مونزيد الطين بله..

انا مثلا بكلمكم عن نفسي تزوجت من فتره قريبه وجيت من البدايه مع اهل زوجي بالطيب والصراحه والضحك والسواليف وقعدتنا بجد ماتنمل
نطبخ سوا نغسل سوا..
ويسوون عني اشغالي وانا العكس
يعني خواته كنهم خواتي وامه فديتها زي مامي…
وربي صرت انبسط عندهم اكثر من عند اهلي لان بيت اهلي فاااااضي اخواتي تزوجوا
ودااايم اهل زوجي يدقون علي يقولون تعالينا اشتقنالك
وتحسين علاقتنا قوييييييه الحمدلله
لدرجة اوقات اسحب على زوجي وانام عندهم…

وربي احس زوجي مبسووووط مني ودايم يمتدحلي هالشي ويقول طول عمرك كبيره بعيني..
حتى لوسمعت الزله ابلعها واسكت ولا كن شي صار ولا اقول لزوجي وتعدي الامور طبيعي
بس لوقعدنا ننبش بالامور ونخبر الزوج بكل شي مستحيل نرتااااح

اتمنى رسالتي تكون وصلت للجميع خصوصاااا العرايس لانهم يقرو مواضيعنا ويستفيدوا مايصير نحط الرسمي في بالهم من الحين؟؟؟؟…

ويالله ابي تفاعلكم من مؤيد ومعاااارض

فديتكم والله…

تكفون نبي الكلام الصح اللي ان شاء الله ينكتب بموازين اعمالنا مو الكلام اللي يخرب ويدمر بيوت…

سبحان الله وبحمده سبحان الله العظيم

__________________
صباح الخير

كلامك ذوق بسم الله عليك شكلك من اهل القصيم

انا اايد كلامك والله انا حاشمتن حمولتي واحبهم ويحبوني <<<<<<<وحده واثقه

بس جد اذا عاملتيهم بحترام ولا بعد اتدخلين بخصوصياتهم راح تكونين غاليه

بس اعلمك ترى الحمايل مو وحده بعضهم الرسميات هي الي تنفع معهم

واشكرك على موضوعك ياعسل

الله يسعدك ياقلبي والله كلامك صحيح ليش نعامل اهل الزوج معامله رسميه
والله ماأرضاها لنفسي اذا تزوج ولدي ليش ارضاها لغيري
وياليت كل بعض الحريم الله يهديهم يعرفون هذا الشي ويعرفون ان كما تدين تدان
مشكورة على الطرح المميز وننتظر جديدك
كلامك صح

بس انا وحده لو اقول اشكثر مظلمومه تبكون

مع انها خالتي وقريبه واجد بس حرموني من كل شي

والبخل ذابحهم ولامره رفعو السماعه وسالو عني بس تتصل على ولدها

بنتي تنومت معها بالمستشفى كذا مره ولارفعت السماعه

وانا ماجلست عندهم من زواجي لانهم يبون الفكه والبخل ذابحهم

و يبون الزين لبنتهم ومايبون لغيرهم

وانا اذا رحت لهم جلس معاي اذا ولدها موجود بس يطلع يروح عند ربعه طلعت

واذا زارتنا اذا موجود تجلس واذا طلع من الشقه انسدحت سوت نفسها نايمه

واذا زارتني والله افرح واترجاها تنام معانا

واذا رحت لهم اقوم وانظف وهو يوم بالاسبوع ومرت ولدهم لثانيه كانه اميره ناس يعزونهم وناس يذلونهم

شوفي حبيبتي المثل يقول اصبع ايدك مو زي بعض

انا بحكيلك تجربتي الشخصيه
ام زوجي يوم لك ويوم عليك يعني اذاكان اليوم علي الله يعيني مافيه شي يعجبها لا اثاث بيتي لا طبخي لااكلي لا لبسي
ودور علي الزله يوم عيد اذا لقت علي خطاء شوفي التهزيات والله حتى الشغتاه ماتكلمها بطريقتي
والي يقهر انا ابلعها واسكت واحيانا كثيره ابكي من القهر بس يجي ولدها ع طول شوف مرتك طولت لسانها اليوم علي وتقلب كلامها علي انقهر وش اقول تكذب وهي حرمه كبيره وبحسبة امي والله اسكت ولا اقول حسبي الله ونعم الوكيل

هذا كوم وخواته كوم ثاني والله 3 سنوات وانا معهم ع الحلوه والمره واقول مالهم ذنب بكلم امهم
بس المصيبه بعد العشره ذي والله ماقصرات عليهم بشي ومعتبرتهم زي خوات وعيالهم زي اخواني
اخر شي يتكلمون بظهري وجابولي مشاكل مع قرايبي ونقل كلام وكذب ونفاق
ولا وحده منهم رفعت اسماعه تعتذر وأخر شي تدق وحده وتقول اسمعي مانبيكي تختلطين بناتنا وعيالنا
وش قصدها؟؟؟
وبعدين يبون المياه ترجع لمجاريها بساهل ويوم رضو قالو حنا لحم ودم ومايسير نزعل من بعض الحمد لله ع السلامه توا تصحى

والله حبيبتي اذا انتي مع اهله سمن ع عسل الله يوفقكم ةلا يفرق بينكم
بس لاتحكمين ع الناس الثانيه

اللـه يخليكـ لاتعمميـن

انا اقوولكـ المفروووض انها تكون علاقه رسميه

لنهم والله ثم والله ما يستااهلوووووووووووووووووووووووون

تعرفين ليه

لن في بعض الاحياانـ يصرون اهل الزوج حميررر

وعلى فكره الحماار يهوون منهم والله احيانا

يعتبروون زوجت الولد .ذبانه

كل ما بغوو منها اي شي حبووها واذا خلاص ما يبغوون شي منها قالو لولدهم تزووج

حسبي الله عليهم

حسبي الله عليهم

الله يسعدكي صج انا مو متزوجة بس كلامج صح يعني هم بمقام اهلنا لازم نحترمهم عشان بكرة اولادنايقدرونا بالكبر المهم يسلمو على كلامج صراحة اهل زوجكي مهنيين فيج الله يكثر من امثالج يارب
اختي فروولة شكلج ماتعرفين تجاملي جاملي حبيبتي سوي طيب وقطي بحر الله يسعدج
وعليكم السلام ورحمة الله وبركاته
لونا متغير من ورى كلامك ………الله لايحرمنا منك ولا من مواضيعك
حبيبتي ما ادري كيف ارد؟؟؟؟؟؟واذا موهم اللي نقوني؟؟؟؟؟؟؟……….ولدهم نقاني وما عترضوا عليه بس هم ما يبوني
والله تعبت احترام وطيبة وتعاملت معاهم بالكلام المعسول والطيبة والتعاون اكثر من خواتي حتى ………اعزهم واحترمهم علشان زوجي ما يتفشل يم اهله او احد يتكلم عليه بالشينة اويتكلمون عن تربية أمي بالسوء
اما عن نفسك تقولين توك متزوجة من فترة قريبة يعني جديدة الله يسعدك ويهنيك ولا يغير عليك النعمة اللي انتي فيها ف لا تقارنين حياتك بحياة الأخريات اللي لهم تجارب فترة زواج طويلة مثل الأخت أم نورة لها 10 سنوات متزوجة وتجربتها مثال وطبعي جنن غيري تجربة ثانية تقولك مو كل أصابعك سوى انتبهي فروولة تجربة ثالثة وغيرهم كثير
حبيبتي قاعدتك ما تنطبق على الكل وسامحيني على الإطالة بس اقتضى التنبيه أصابعك ليست سواسية
ابوس راسك علا الكلأام ألطييب

يقهررني لماا اسمع خللك رسميه معااهم

ليش طيب ?

ادري راح تقولون اصابعك مو سوا ‏

بسسس وربي بالكلمه الحلووه تكسبوون رضااهم ‏

اناا شخصياااا فلتهااا مع اهل خطيبي ‏‏<ولد عمي ‏

امه كاانهاا امي واخواته كااانهم خوواتي

وقاااطه المياااانه لهدرجه بسس مطحيه عندهم واناام بعد ‏

وششش كسبنا من الررسمياااات غيرر الغثاا ‏

اذا مااعشناا حيااتناا بسااطه ‏

وانصح كل بنت تتزووج تعيش مع اهل زوجهاا ‏

كاانهم اهلهااا ‏‏< حتي زوجك الي اختااارك من كل البناات ‏

ينبسط لاشاااف علاقتك بعلاقه اهلهااا اكثر من ممتاااازززه ‏

الحمد الله اناا مرتاااحه بسسس الحيه خالته مضاايقتني

ببسس معطيتهااا طاااااف ‏
والاشكاال ‏
هااذي ‏
استخمووا ‏


الرسميااات معهاااااا ‏

اتمني لكم حياااه سعيده ملينه برررااحه البال والحب

مع خاالص حبي ‏

ريمااا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.