ساعدووووووووني ؟؟؟؟؟ 2024

والله يوفقك ان شاء الله لما فية الخير

وازا ارتحتي

لازم تتفقي مع العريس الجديد على كل شي قبل الزواج
واهم شي انو ما يسألك ولا سؤال عن زواجك السابق او عن زوجك او كيف كنتو عايشين وشو كنتو بتعملو لانو
كل هاي الامور بتعملىمشاكل كبيره
وكمان انتي ما تسألي نفس الاسئله عن زوجته وكيف كانو عايشين او مين بحب اكتر او هاي الامور
بالرغم من انو هو اكيد رح يجيب سيرة زوجته السابقه لانو في بينهم طفله
واهم شي تعاملي الطفله معامله جيده حتى تحبك وربنا يوفقك وحتى ما تصير امها تعبي في راسها وتصير تكرهك
ويصير مشاكل بينك وبين زوجك
وحاولي انك تخلي البنت كمان تحب امها و عادي ازا حكت عنها حتى ولو قدام زوجك
لانو هيك رح تحبك ولو امها عبت في راسها عليكي رح تحس البنت كيف انك منيحه بتخليها تحكي عن امها وتحبها وكيف امها بتخليها تكرهك وهيك اكيد رح تحبك ورح تخلص هاي المشكله
اما المشكله التانيه لازم ما تحسسي الرجال ازا تزوجتي انك ميته على الزواج ومو مصدقه انو حد قبل فيكي لانك مطلقه حتى ولو انك مرأه بس هو كمان مطلق وزياده عنده بنت رح تربيها
وما تحسسي بألمك كع زوجك الاول لانو يمكن يألمك متله ويحكيلي عالقليله معاملتي احسن ومن هالحكي

وما تحكي ولا شي مو منيح عن زوجك الاول وانو ضربك ليلة الدخله وكان يضربك دايما
لانو هيك لما يهينك ما رح يحس انو هانك او زعلك ورح يحكي عالقليله انا ما بضربك احمدي ربك ومن هالحكي
يعني ما تحسسيه انك عمرك انضربتي حتى عند اهلك

اسفه اني طولت عليكي بس بصراحه انا ازا حبيت اعطي نصيحه لحد بعطيها بأمانه حتى ما اتحاسب على الي حكيتو يوم القيامه وربنا شاهد علي
وفي كتير امور بدي انصحك فيها بس ما بدي اطول عليكي
والله يوفقك يا رب وتعيشي حياه حلوه ويكون زوجك احسن واحن انسان بالعالم
واهم شي ما تنسي تعاملي بنته منيح حتى هو يحبك كمان وازا صار عندك اولاد عامليه كمان احسن مهم