قالوا تحب العام فلان وفلان
*****واليوم في حبك شخص جديدي
تمشي مع العالم وأصبحت فنان
*****ماتقتنع في حب شخص وحيدي
قلت العفو ياناس ماصار ماكان
*****ولاظنتي قلبتي في حبه بعيدي
أنا خذيت الحب ذكرى وعنوان
*****درست به عشرين عام بقيدي
انا دخلت الحب من غير برهان
*****حبي رماني فيه هم يزيدي
دخلت به اضحك ماأعرف الأحزان
*****واجهل سواد الليل يفرح بعيدي
دخلت به انسان يبحث عن انسان
*****دخلت به احساس قلبي بيدي
ومشيت به مشتاق بالحيل ولهان
*****واخلصت في حب ذاك العنيدي
ولأجله جرحت القلب جرح بالأزمان
*****ماينسى لو صار قلبي جليدي
والله ثم والله ماغيره انسان
*****حبيت في ذاك الأمس ولاكان بيدي
وخذيت من حبه طيف وحرمان
*****وقلب طواه الهم طوي الجريدي
ذاك الحبيب اليوم في غرب الأوطان
*****مدفون له سنين عني بعيدي
ادعي ولي العرش يسقيه غفران
*****ويجعل ثرى قبر يضمه جليدي
والله عطانا العقل وعطاه النسيان
*****وانا بأحاول جعل عمري سعيدي
بأدفن شقى عمري مع جرح خلان
*****وابدأ انا مع ذا درب جديدي
واليوم صرت انسان مملوك لأنسان
*****تحسب عليه خطاه لو هو بعيدي
منقووول
ويعطيك العافيه عالنقل الطيب
والاختيار الرائع
ولاتنسى كتابة منقوول مرة ثانيه لاهنت
دمت بخير
نقل جميل
تحياتي
صح لسان الشاعر
وسلمت يمينك