كيف يتصالح الازواج اذا كان بينهم زعل

**كيف يتصالح الازواج اذا كان بينهم زعل**

طبعا إذا تزاعلوا الزوجين فهم واحد من هذي الاحتمالات

1/ يا أما الزوج هو اللي مزعل زوجته

2/ يا أما الزوجه هي اللي مزعله زوجها

3/ يا أما أثنينهم زعلانين من بعض

( بتقولون أخلصي وبلا فلسفه)

المهم في الحاله الاولى

تكون الزوجه مبرطمه طول الوقت (يعني زعلانه) والزوج في البدايه يطنشها وما عليه فيها

ثاني يوم يسوي نفسه ناسي الموضوع

ثالث يوم يقعد يتريق معاها ويخف دمه (على أمل أنه ترضى لوحدها)

رابع يوم فقد الأمل وراح جاب لها هديه وعزمها عالعشاء في مطعم وإذا كان بيوديها السوق ضمن في هالحاله رضاها

(يستاهل حد قاله يزعلها )

ويرجعون ناسيين السالفه

في الحاله الثانيه

طبعا الزوج معبس طول الوقت ومافي شي عاجبه والزوجه أول يوم ولا هامها شي

ثاني يوم تسوي نفسها ما كأن شي صار ولا كأنها زعلته

ثالث يوم تبدأ تحس بتأنيب الضمير تقوم تسوي له ذيك الطبخه السنعه اللي يحبها (تحاول ترضيه من خلال بطنه) لعل وعسى يرضى ويرتاح ضميرها

رابع يوم تتزبط وتتكشخ بنت أبوها وتلبس ذاك القميص الاحمر

(لأن أكثر الرجال يغريهم اللون الاحمر) وتتروش بذاك العطر اللي يشم ريحته زوجها قبل مايفتح الباب وتبدأ بالدلع والاغراء قدام زوجها (إن كيدهن عظيم) وهو يسوي نفسه ثقيل أول ربع ساعه لكن بعد كذا مايقدر يتحمل ويطيح في شباكها ويصبح الصبح الحبيب ناسي السالفه

الحاله الثالثه

كل واحد من الزوجين ماد البوز ومعبس

أول يوم كل واحد ماسك له غرفه ولا كأنهم يعرفون بعض وإذا بغى أحد منهم شي من الثاني إذا عندهم أطفال شغلوهم مراسلين وإذا ما عندهم يرسلون لبعض رسائل بالجوال

ثاني يوم يقعدون ياكلون مع بعض بس مافي غير صوت الملاعق تدق بالصحون وكل واحد يكلم نفسه في راسه وإذا تكلموا مع بعض في شي ضروري مايقولون ولا جمله كامله كلها أختصارات

ثالث يوم يسوي نفسه الزوج ناسي الموضوع والزوجه تكون ثقيله شوي

رابع يوم طفشوا من الزعل ورجعوا يمارسوا حياتهم الطبيعيه ولا كأن شي صار وعند أقرب فرصه للصراحه يفتحوا موضوع الزعل ويتناقشوا فيه وكل واحد يصفي قلبه على الثاني وتمشي سفينة الحياه

وفي النهايه أحب أقول أن الخلافات بين الأزواج هي ملح الحياه الزوجيه فإذا كان الملح مزبوط صار للطبخه طعم لكن إذا كان الملح زايد عز الله خربت الطبخه وصارت ماتنأكل
(مو كأني قلبت مطبخ منال العالم)
انتظر ردودكم ياحلووووين

المشاركة الأصلية كتبت بواسطة

أول يوم كل واحد ماسك له غرفه ولا كأنهم يعرفون بعض وإذا بغى أحد منهم شي من الثاني إذا عندهم أطفال شغلوهم مراسلين وإذا ما عندهم يرسلون لبعض رسائل بالجوال

هههههههه فعلا هذا الي يصير
الله الهادي
تسلمين حبيبتي عالموضوع الرائع

ههههههههههههههههههه
موضوع واقعى جدا يسلمووو
روعه وموضوع اروع
يعطيك الف عافيه
وفعلا هذا حال جميع المتزوجين تقريبا
فديتك
ضحكتيني من قلب

المشاركة الأصلية كتبت بواسطة ‏ஜالإمبراطورهஜ

هههههههه فعلا هذا الي يصير
الله الهادي
تسلمين حبيبتي عالموضوع الرائع

الله يسلمك حبيبتي

نورتي متصفحي بمرورك

المشاركة الأصلية كتبت بواسطة وردة الحب

ههههههههههههههههههه
موضوع واقعى جدا يسلمو


الله يسلمك حبيبتي

نورتي

المشاركة الأصلية كتبت بواسطة ♥ أميرة الورد ♥

روعه وموضوع اروع
يعطيك الف عافيه
وفعلا هذا حال جميع المتزوجين تقريبا
فديتك
ضحكتيني من قلب


الله يعافيكي امورة

فديت هالضحكة انا

الله يسدك يارب

هع موضوع رائع
وانا وحده احب الهواش يسوي اثارره واكشن بالحياة
مايخليها روتينيه حبي وحياتي وعمري وقلبي طول الوقت الواحد يمل يحب يغيرر شوي خخخخخخخخخخخخخخخخخ
يسلموؤوؤؤوؤ
مشكووووووورة مجنونة على مرورك

منورة

هههههههههههههههههههههههههههههههههه
يسلمو غلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.