صباحكم / مساءكم ورد
احنا كل سنة نسوي حفلة نجاح
وأهم شرط من شروط الحفلة انو الأطباق من عمل ايدينا
طبعا كل وحده من خواتي تسوي طبقين
وكل سنة يروح وقتنا بالمطبخ علشان الاطباق وما نتهنا بالحفلة
هالمرة قلنا بنقلل الأطباق وننوعها >> أهم شيء يكون طبخ بيت
والحمد لله أول مرة نجلس وننبسط ونتهنا بالحفلة
عاااااااااد قلت بنزلكم صور السفرة ولو انها قليلة وصورتها على السريع
مقلوبة
سمبوسة
تبوله
مصقعه
ورق عنب >> اهم شيء
سلطة المكرونة
صينية البطاطا
محشي فلفل بارد وكوسة
ايش رأيكم بالصحن؟
احنا طالعين بأستراحة ومالقينا صحون مقعره فمشينا الحال بالصحون هذي
لا يغركم شكلها بالصحن ترا طعمها لذيييذ
شوربة عدس
مصوره الخبز معاه >> تسوي دعاية لمخابز السلمان
وهذي صورة لسفرتنا كاملة
وهذي أقرب شوي
على فكرة لا تسألوني ايش سويتي!!
لأني ما سويت شيء
وعدت خواتي بحلى معتبر وشرطت عليهم محد يجيب حلى غيري >> لأنه دسم ويشبع
ولما وصلت للأستراحة تذكرت اني بسوي حلى >> وجلسنا يوم الحفلة بدون حلى
لحظة لحظة ما خلصنا
وريتكم سفرتنا باقي سفرة الأطفال
للأمانة السفرة هم اللي مرتبينا >> كانوا متحمسين مرة
والمناديل والاكواب والملاعق هم اللي مشترينها على ذوقهم
احنا بس حطينا التورتات
وبالصدفة اكتشفنا أنها كلها قلوب love
أنتظروني بنزل مقادير وطريقة عمل بعض الأطباق…
فتاة لست إلا
والله أبدااااع
وياحليلكم من بريده <<شاف خبز السلمان هع
يعطيك الف عافية وأبدااااع لامتناهي<<من زمان وأنا ودي أقول الكلمة ذي ههههه
تحيآتي
جوعتيني
صينية البطاطس
الطبقة الأولى:
5 بطاطس مهروس
2 ملعقة قشطة
ملح حسب الرغبة
تخلطينهم مع بعض وتحطينها بصينية بايروكس متوسطة الحجم
الطبقة الثانية:
بصل
2 صدر دجاج
3 ملاعق كتشب
ملعقتين صلصة الصويا
فلفل بارد
نصف علبة فطر >> تقدري تستغني عنه ‘ذا ما ترغبيه
باقي علبة قشطة اللي استخدمناها بالطبقة الأولى
بهارات
نكشن البصل في الزيت ونقطع صدور الدجاج مربعات ونضيفها للبصل لين ينضج الدجاج
نضيف الفطر والفلفل البارد بعد ما نقطعه مكعبات صغيرة والكاتشب والصويا والبهارات ونخليها على النار فترة
قبل ما نسكر النار نضيف باقي القشطة ونخلطها معاه على السريع ونسكر النار
بعدين نحطها فوق الطبقة الأولى ونرش فوقها جبنة مبشوره وندخلها الفرن لين يذوب الجبن
*************
سلطة المكرونة
تقطعي خيار طماطم بقدونس وتضيفي لها مكرونة مسلوقة
تخلطيها وتضيفي لها زيت زيتون وعصير ليمونة وتحطيها بطبق التقديم
بعدين نسوي خلطة عبارة عن
علبة زبادي
2 ملعقة مايونيز
بصلة صغيرة
بقدونس >> لا تكثري
نص فلفل بارد
خمس ورق نعناع
ملح
ثوم
فلفل اسود
نص فنجال زيت زيتون
تحطيها كلها بالخلاط وتخلطيها بعدين تسكبيها فوق السلطة بالشكل اللي تحبيه
وصحتين وهناء,,,
هذي الأطباق اللي اتوقع ما تعرفوا مقاديرها
أما الباقي اتوقع معروفه ولو حبيتوا تعرفوا طريقة أي طبق ما عندي مشكلة قولوا لي وأنزلها
إن شاء الله تعجبكم وتطبقوها………….
فتاة لست إلا
روووووووووعه
ما شاء الله
تسسسسسسسسسسلم ايدينكم
وأكثر شيء عجبني
ورق العنب
وبما انك فتحتي شهيتنا
اختاري أحد الأثنين
ترسلين لي ورق عنب
ولا تعزمونن على حفلتكم الجايه
الله يديم افراحكم
ليتني كنت معاكم
,,,
الف مبروك لوانها متأخره
تحياتي
كشفتني عاااد مخابز السلمان علامة الجودة عندنا
الله يعافيك أخوي والأبداع مروورك وردك لا تحرمنا طلتك
أسعدني مرووورك,,,
حياك اقلطي
لا تحرمينا طلتك
أسعدني مرووورك,,,