السلام عليكم ورحمة الله وبركاته
هذه أول مصافحة لي معكم
أتمنى أن تنال استحسانكم ورضاكم
الجرح غاير والسنين اتعبتني
سايرتها رغم الهموم الأليمه
ابكي حوال الناس لو ما بكتني
عندي من الأحزان دوله عظيمه
هي غربة الأيام ما ساعدتني
ما شفت بالدنيا قلوب رحيمه
عشت الحياة وكنها عيشتني
بين الجحيم وبين نار الهزيمه
اقرا عيون الناس لو ما قرتني
عين تصوبني وعين كريمه
الحال مايل والظروف ارهقتني
والدمع سيل سال من دون غيمه
الخد حافي والليالي وطتني
وعزي لمن سود الليالي تظيمه
عشت الحياه ودنيتي عذبتني
والله يعين اللي حياته سقيمه
لو جيت ابا اشرح قصتي عورتني
الصمت في بعض المعاني غنيمه
ولولا هموم القلب يوم احرقتني
ما قلت كلمه والنوايا سليمه
يا بوي وين امي عسى ما جفتني
ما شفتها يا بوي وش هالظليمه
طلقتها وتقول لا ما اعجبتني
وش يعجبك يابوي ماني غشيمه
راحت وكانت ودها لو شرتني
ضاع الحنان مع الندم والنديمه
ذكرتها واليوم هي ما نستني
يمه تعالي لك معزه وقيمه
يمه ترى الدنيا بعدكم رمتني
في بيت ابوي ولا عرفت الحشيمه
تدرين يمه والعيون اسهرتني
ما ذقت طعم النوم ذقت الحريمه
الناس وعيون العواذل بلتني
ولولا الحيا لسوي اكبر جريمه
يمه شربت المر حتى سقتني
ايام بقعاء مرها والصريمه
لو جيت ابا اضحك بالألم عاقبتني
عشت الليالي مثل عيش اليتيمه
سبحت في بحر الألم واغرقتني
طبع القسى فيها تبيني وليمه
رمح الغدر شفته وفيه اطعنتني
وزادت جروح القلب واصبح هشيمه
يمه وشوفي كيف بقعاء احضنتني
بدل حنانك ذقت غل وحميمه
واليوم والله حالتي محزنتني
قمت اتذكر لي جروح قديمه
ذكرى جروح مع شقاها غزتني
ما عاد به رحمه ولا فيه شيمه
هذا وانا ذكرى السنين اتعبتني
جاريتها رغم الضغوط الأليمه
منقووول
هلا والله فيك ومسهلا وزارتنا البركة وحيااااك الله بين اهلك واخوانك
نورتينا وعطرتينا..وشرفتينا بالمنتدى عامة وبقسم الشعر خاصة
نقل جميل تسلم يمينك
قصيدة رااااااااااااائعة وجميلة ويعطيك الف عافية عليها
كلمات في قمة الابدااااااااااااااااع
وانشالله نشوف منك اكثر وننتظر اابداعك
اختي حنا هنا لازم نكتب صاحب القصيدة او نكتب منقوووول ..للأمانة الأدبية …اتمنى التمسك بهذا الشيء .
وجزاك الله الف خير
تحياااااااااتي لكككككككككك
وتسلم يمينك عاالنقل
لاتنسين كتابة منقول الله يسعدك
دمت بخير
نورتي المدونة
مشكوره على النقل الرااائع
عاشت يمينك
ماشاء الله عليك
ابداع من اولها
تقبلي مروري
تحياتي
واهلين اختي فيكي منورة المدونة والله
والقصيدة من جد روعة
صح لسان الشاعر
وسلمت يمين الناقل
تحياااااااااتي لكي
قصيدة جميلة
يسلمووو على الطرح
الله يعطيك العافيه
تحيتي لكم
ومرحبا فيكي منوره
المدونة كله وبالاخص مدونة الشعر
تسلم يدينك
