من حب لو مره..بيعرف كلامي
ما يعرف الأشواق..نذل وكذاب
الحب دنيا..من المعاني عظامي
لو شفت راعي الحب..والله قد ذاب
من زود همه..ساهر ما ينامي
العمر جنه..والمحبه ترى باب
والسعد فالدنيا ..بلحظة سلامي
قالوا زمنا أنتهى فيه الأحباب
والحب ميت وأندفن بالظلامي
هذي شريعة وقتنا دايم أغراب
حتى المشاعر عندهم فنعدامي
مسكين ياللي عايش بغير عراب
فيده قراب الما وهو دوم ضامي
حنا انولدنا بحب وبحب شياب
جيل عرف قدر المحبه وسامي
فينا عقول عارفه وطبع أعراب
ونغلي حبايبنا بسلم وخصامي
ما نرخص اللي حبنا لوهم أجناب
جيل توارث هالوفا ألف عامي
الحب قبله..والوفا دوم محراب
واحنا دعاته جيل والله عصامي
خلك مع اللي للوفا دوم طلاب
يسعدك بأفعاله وماهي كلامي
وإن كان ضنك فالعرب أنتهى وخاب
دور على قلب يعيش بهيامي
لاجيت ضميان بيرويك برضاب
مثل الشهد طعمه ويبري السقامي
دور على اللي للمعاليق نهاب
راعي الخفوق الغض غاية مرامي
صوته يطفي داخلي جمر شباب
وضحكه يذوب مابقى من هيامي
الوقت معها ما أمله ولو غاب
تضيق بي دنياي كني بزحامي
أنشد عن اللي لابسه من الحلا ثياب
طبع حبيب..وفكرها بالتمامي
لاجيت اسولف ضمني بين الاهداب
ولا سلهمت عيني بصدره أنامي
ولا صابني هم تسابق ذا الاصحاب
وفي قربها جرحي سريع التئامي
خلت حياتي همها وماهي تهاب
قول تردد من عديمي الذمامي
الوقت ما يكذب ..وفي الناس كذاب
ناس تضيع عمرها بالملامي
منقووول
يسلمووو عاالنقل
ياليت ماتنسين تكتبين منقوول
قصيدة جميلة
يسلمووو على الطرح
الله يعطيج العافيه
تحيتي لكم
المشاركة الأصلية كتبت بواسطة *مزون شمر*
قصيدة جميله
يسلمووو عاالنقل
ياليت ماتنسين تكتبين منقوول
يسلمووو عاالنقل
ياليت ماتنسين تكتبين منقوول
حاضر معلش انا اسف
المشاركة الأصلية كتبت بواسطة بنت زآيد
صح لسان الشاعر
قصيدة جميلة
يسلمووو على الطرح
الله يعطيج العافيه
تحيتي لكم
تحيتى لك على ردك شكرااااااااااا
