][ الحزن العميق ][
لا غشاك الليل واسرف بك الحزن العميق
جنب وجيه البشر واسجد لخلاقها
ادخل بغيبوبه من الهدوء .. ولا تفيق !!
وراود دموعك على عينها واحداقها
خل روحك تدرج !! من زفير اليا شهيق
دمعة لحضورها .. دمعة لفراقها
كن دمعك وقتها يغسلك ويبل ريق :
وجه الارض !! وينتزع روحك من ارهاقها
رتب انفاسك !! ودور على نفسك طريق
واسترح بين الحنايا وفل ارواقها
راجع ذنوبك على اقل من مهلك .. وويق :
شوف وتفقد معاليقك وخفاقها
الحزن : دافع قوي للرجال .. ولا يعيق
غير ناس تخلق وذلها فاعناقها !!
الشقيق يدعم الذل في اخوه الشقيق
والبضايع تختلف باختلاف اسواقها
وانت حاضرك يتفاخر بماضيك العريق
شجرة عجز الزمن لا يحت اوراقها
كنه شمس من الذهب والجواهر والعقيق
كل صبح يلامس المجد نور اشراقها
وكان عزمك ما رقى قمة الضلع المويق
ما انت لاقي ( عز ) في جلالها ودقاقها
نوخ ركابك .. وشكل من اشكالك فريق
الرخامه في تزايد عدد عشاقها !!
الاسامي حمل !! واللي حمل ما لايطيق :
شاه ودك للصفاه الضحى تستاقها !!
العرب ما تبغي الفخفخه ولا البريق
تبغي امطار السحب ماتبي براقها
لا تحسب المرجله : زول ولسان طليق
الرجال رجال : بافعالها واخلاقها
افرد اجناحك مدام السما تبغى عشيق
اغتسل من غيمها وفج كبد افاقها !!
خل اخوك الصبر !! واعجابك بنفسك صديق !!
واعتنز بالله كفيل البشر وارزاقها
لا تفكر في هل الهرج لو شبوا حريق
الكلاب مربطه لا تحل وثاقها !!
وكان صدرك من خبالين خلق الله يضيق
والله ان تبطي ضلوعك بضيق خناقها !!
وان تغنيت بشعر في فعولك ما يليق
نقع جزال القصايد وبل اوراقها !!
لا تكلف نفسك ( بزوبعة جال المضيق )
( المحيطات أربعه ) والدرر باعماقها
مادرى الشاطي عن الخوف بعيون الغريق
ولا لعب في حسبة الناس غير اشواقها
فان دعاك الشوق للورد وانفاس الرحيق
اذكر اجمل سيدات الترف واعناقها
المهاه .. الفارع .. أسطورة الحس الرقيق
ما ذبحك الا غلاها وطول فراقها !!
][ محمد جار الله السهلي ][
>>>صح لسانك في كل بيت
أتمنى تعجبكم
تبغي امطار السحب ماتبي براقها
لا تحسب المرجله : زول ولسان طليق
الرجال رجال : بافعالها واخلاقها
,, صح لسان الشاعر ابو جار الله ,,
وسلمت يدك الكريمة على هالنقل الجميل
الله يعطيك الف عافيه
,, تشكراتي ,,
,,
كل بيت يساوي قصيدة
يسلم ذووووقك وتسلم يداتك
الف ثانكس لك
ولاهنتي ع النقل الراائع
تحيتي
^_^
لاهنت
الرجال رجال : بافعالها واخلاقها
افرد اجناحك مدام السما تبغى عشيق
اغتسل من غيمها وفج كبد افاقها !!
صح منطووووووووووووووووووقج ..
انا اشهد ان هالشاعر مبدع وقنبله ..
تسسسسسسسلم يمنااااااااج يالغاليه ,,
قصيده رووووووووعه واللي اختارتها لنا اروووووع..~
أبيات فيقمةالرووووعة
تسلم يمناك
تقبلي مروووري
لاهنتي غلاي ع النقل ..
منورين ..
تسلم يد ناقلها…
يسلمووووووووووووو
