الشعر ما هو مجرد مدح والا ذم
وإلا مجرد أغاني في حياة الناس
الشعر أسمى وأكبر من كذا واعظم
الشعر صوت العرب والفكر والإحساس
إن كان بحر الطبيعه له حدود ويم
فالشعر كله بحور ومالها مقياس
من قاعها يخرج العذب الكلام الجم
كأنه الدر والياقوت والألماس
أصدق من السحر في قيفانه الطلسم
واقطع من السيف في حده فنا الانفاس
فيه النقيضين والضدين والمعجم
والحكمه اللي بها يتميز الرماس
واسرار تاريخ بأحداث الأمم مفعم
كنز المعارف علوم تزين الأطراس
ماضي واحاضر على مر الزمن منجم
للشاعر اللي عظيم الفكر والهوجاس
اللي يصوغ القوافي در يتكلم
كنه يصب المشاعر في عروق ايباس
من رقة الوصف والتصوير لي محكم
إذا نظرها الأصم يسمع صداها إحساس
وإذا سمعها كفيف العين يترنم
كنه رأى الشمس ترفل في جبين أغلاس
يا كم قبيله بشاعرها غدت معلم
وكم فارس( ن ) زاد به شعره شموخ وباس
كن الشعر به كمال أهل المناقب تم
إن كان من صادق النيه وطيب ساس
اللي مع الناس يتفاعل بجود وحزم
أما بشحذ الهمم والا فرح واوناس
لانه لسان العرب في حرب والا سلم
فطره من الله واهداها لبعض الناس
حتى قليل الفهم بالشعر يتفهم
كنه معلم بلا سبوره وقرطاس
واهل العشق فيه تتهادى وتتنسم
عذب القوافي تعانق أعذب الألعاس
كنه حلا الشهد بعد المر والعلقم
أو رشفة البن لى تعدل مزاج الراس
سلوى المفارق ونجوى العاشق المغرم
والشعره الفاصله بين الأمل والياس
هذا هو الشعر والشعار فيه أعلم
مثل البحر .. والبحر .. سره مع الغطاس
شعر : عبدالله صالح العمري
الشعر صوت العرب والفكر والإحساس
إن كان بحر الطبيعه له حدود ويم
فالشعر كله بحور ومالها مقياس
صح لسانك
ولا هنت ع هالقصيده المبدعه حدا
أهنئك ونطلب منك المزيد من هالأبداع
لا تحرمنا منه
تقبل مروري
وبدع جماله لكل نومااس..
…………………………
اشكرك علا ابداعك
وتقبل مروري
إن كان من صادق النيه وطيب ساس
اللي مع الناس يتفاعل بجود وحزم
أما بشحذ الهمم والا فرح واوناس
صح لسانك
جميله الابيات ورائعه
اعجبني ماسبق
وإلا مجرد أغاني في حياة الناس
صح لسانـكـ قصيده قمة الروعه من اول بيت لاخربيت
