شلونكم ياسنعات 
ابد ماتقلد فجورتها 
قبل يومين سوينا عزيمة لاختي وزوجها فطلبت مني اسوي لها الكول سلو ..
عاد وبما اني احب المقبلات كثير قلت لها ابشري من عيوني 
قلت بالمرة اصوره واشوفكم هو .. 
المقادير ..
ملفوف
جزر
5 ملاعق كبار زيت الذرة
4 كبار ملاعق خل
5 ملاعق كبار مايونيز
3 ملاعق كبار سكر
الملفوف والجزر لو تسوون نفس مافي الصورة تحطون نفس المقادير الي ذكرتها ..
اما اكثر او اقل بعد تتحكمون بباقي المقادير
انا تقريبا سويت 6 ورقات ملفوف و 6 جزرات ..
طريقة العمل ..
نقطع الملفوف لمربعات صغيرة مثل ماشفتو بالصورة اعلاه
ونبرش الجزر بس بالمبرش الخشن مايكون برش ناعم ..
ونخلطهم مع بعض ..
ونخلط على حدا ..
زيت الذرة ومايونيز لحتى يتجانسون ..
وسكر وخل ونتركه على حدا كما بالصورة ..
نضيف المايونيز والزيت للخليط قبل نص ساعة من تقديم الكول سلو ونخلطهم مع بعض حتى يتجانس كويس ..
وقبل التقديم ب 5 دقايق نضيف السكر والخل للخليط ونخلطهم مرة بعد ونقدمه مباشرة ..
وصحه وعافية ..
هلا بالغالية
الصراحة اكل الشيخة مرة طيب
يعني بس سوتها ما اكلت شي غيرها
يعني تقريبا خلصت عليها عاد من ايد الشيخة شلون ما تكون طيبة
تسلم ايديج شيوختي
8
8
وشهد شاهد من اهله ^_^
تسلم ايديك يالشيخة …ماشاء الله عليك دوم تتحفينا بانتاجك 🙂
صحة وهنا على قلوبكم يارب
ماننحرمش ^^
و الله شغل مرتب ماشاء الله,,~
ربي يسعدك اختي الشيخه,,~
ودي,,~
دائما ذواقه باختياراتج
لتنسين تسويها النه بوحده من عزوماتنه
يعطيك آلف عآفيه
ننتظر جديدك ..~~
تسلم يدينك ماشاء الله باين سلطة لذيذة
نتشوق لجديدك
