لو مهما حاول الزعل
يغريك فيه
لا تزعلين!
أو بالغلط..
صوتي وصل لك ممتلي
بعضه .. رماد
لاتسمعين!
الليله بس أحلفك..
لا تزعلين!
الليله ولعت الشموع،
وزهبت لك..
بياض شعور..
بيرد لك من ياسمينك..
ياسمين.
الليله عطرت الطريق..
اللي بيجيبك
من ربيع
لحظة فرح
شابت
مشاوير ..وحنين!
الليله ياشمسي..
أنا..
جنحت لك ..قلب الظلام،
قبل تجين!
وكبرت لك..حجم
السما
قبل لا إنتي..تشرقين!
وبشرت بك..
نوارسي..
وحزن مواني بارده
ماتت صبر
وهي ..تنتظر
ريحة حبايب من قبل
لا يسافرون…
مسافرين!
قلت للأماني اليابسه..
في سدرة أيامي.. تعيش.
قبل لا إنتي تمطرين
وزينتها
من حلوى عيد الذكريات
ولبستها
ثوب من شذى..
كل الزهور..اللي بقت..
رغم السنين!
تصدقين؟!!
قبل تجين.. أنا انصدمت!
حسيت ما عندي..
.. ثياب!!
ولا عطور!
والليله ماعندي ..حبر!
ولا بحر!
ولا سما.. ولا مسا!
ولا مكان .. يليق بك،
ولا.. أكسجين!!!!
الليله
خليت الشبابيك العتيقه.. موحيه،
لا هي اللي مفتوحه: ندا!
ولا هي مردوده:سكوت!
وكل ما تلت
عينك على قلبي سور
سبحت.. وقال كلي:
آمين!
الليله قلت ..
لرموشي.. وعيوني رجا:
تكفين لا.. لا ترمشين!
جمعت أصابع كفي لك
لونتها
وسميتها…!!
هذا ..جمر
هذا.. شتا
هذا .. صحو
هذا.. مزون
والخنصر هذا .. سميته:
مناديل الرضى
كل ما نويتي ..تدمعين!
الليله بس..
الليله بس إرضي علي
خلي الزمان.. اللي لقى
صبح القصايد
يكتبك
جنون مصابيح وصور…!
يملى المخابي بالفرج
و..سنا أغاني..
غنتها ليال الصابرين!
أحلفك
باللي ملاني فيك.. حب
وجملك
قسوه..ولين
لا تزعلين
الليله بس..
لا تزعلين..
بتزعلين؟؟؟!!!
ويعطيكي العافيه على نقلها لنا
في سدرة أيامي.. تعيش.
قبل لا إنتي تمطرين
وزينتها
من حلوى عيد الذكريات
ولبستها
ثوب من شذى..
كل الزهور..اللي بقت..
رغم السنين!
الله الله الله ابدعتب ابدعتب كثير كثير
مودتي
انتظر جديدك
رووووووووووووووووووووووعه
يعطيك العافيه
ما أعذب الشعر حين يكتسي بملامح الطبيعة ..
يشعرك بشعور جامح.. يعتري كل ما بك من سكون..
ليحوله إلى نسيم عذب.. مختلط بعبق الجنة..
بنت مطير.. لن يزيد إطرائي على ابداعك شيئا..
فهو ابداع تعدى الكلمات..
تقبلي شكري و تقدير قلبي..
مشهد مؤثر .. ولوحه فاتنه.
"بنت مطير " تسلمين ولاهنتي .. نقل ولا أروع
قصيده جميله واخذتني كلمااتها لعالم لا حدود له في معاانيهاااا اخترتي.. وابدعتي
اهنييج من اعمااق تحياتي وتقديري اختكم.. $$ لحظه شموخ $$
