سر ياقلم و اكتب كلامي بعد ماطال السكوت
كلمة وفى و ابغاك يا راعي الوفى تفطن لها ..
الناس فـ الدنيا تعيش !! و فـ آخر العمر بـ تموت
كالشجره الي مرها العبد وجلس في ظلها ..
الكل يفنى ماعلى الدنيا مقام و لا ثبوت
و بعض المناوي يتعب الرجال ما يآصل لها ..
أهون بيوت الخلق عند الله بيت العنكبوت
و أعظم بيوت الله ليا قدر هدمها كلها ..
تب قبل ماتطوى السنين و موعد التوبه يفوت
صم .. زك .. حج .. و جاهد و كل الفرايض صلها ..
أذكر نهار يصير " قبرك " بيت من ضمن البيوت
و أهل " القبور " الله يعلم دوم وش يحصل لها ..
ينزل عليك من السما مرسول لا وصلك تموت
و الروح من بين الضلوع الضيقات يتلها ..
في ساعتن و الصدر مابين التضايق و الكبوت
و كل العلوم الي ترى في القلب فمك يهلها ..
يالله تجعل قوتنا يوم القيامه خير قوت
يامن تعز بعزتك قوم(ن) و قوم تذلها ..
هذي نصيحه قلتها مير السموحه فـ البيوت
اخذ النصيحه و انتفع و أما القصيده خلها ..
نصيحة(ن) برفع بها صوتي و أزيد الصوت صوت
أقولها و اللي عقد روس الحبال يحلها ..
حازت على إعجابي
شكرا لك
وغفر لكم ووالديكم
