ابكتب من هاجوس فكري قصايد
ماني وانا ابن حميد فالشعر محتار
لصخر بيوتن بالوفاء والفوايد
وببتدي في ناس بعقول وافكار
ناس لها فالوقت حب المكايد
ناس تودي هرج وتجيب الاخبار
وتحب قول الزور ناقص وزايد
ناس لها بالكذب خبره ومشوار
وتشتم كبار الناس والقلب جايد
ثرثار في مجلس النميمات ثرثا ر
خبيث مع ربعه ولا له فوايد
ولا حقود وله مع الحقد مقهار
من علتن فالقلب فيها سوايد
يونس على قلبه بشعله من النار
لاشاف راع الصيت راع الشدايد
يبغى سواته مار ماهو لها كار
ماياصل المرقاب طير الزهايد
راع الكرم والعرف وافي بالاشبار
كساب جود ومجد وبالطيب زايد
طبعه كريم ان جاه فالدار زوار
يلقى بشاشة وجه وللعز قايد
ياهل الوفاء والقول والجاه والدار
ياهل النفوس الطيبه والصمايد
أنتم هل الطلات يانسل الاحرار
ياللي لكم تاريخ عز الروايد
وختامها الله ثم زيدم بالاذكار
الله رحوم اللي على الدين صايد
وصلو على من كان مرحوم فالغار
محمد اللي لدين الاسلام سايد
هذه القصيده من قصايد جريح الغدر ان شاء الله تعجبكم
وهل هيه حقيقيه في معانيها
اخوكم
جريح الغدر
وتمنى المزيد منك
تحياتي
ومشكور على المرور الكريم
