بنات البدو>>>>بنات الجنز!!!!
يابنت قولي بس وش لك وللجنز
الجنز ماهو طبعنا يابنيه
طبع البدو ماهوب هز الوسط هز
طبع البدو يابنت ماهو كذيه
بنت البدو اليا مشت تمشي بعز
محشومة عن كل فعله شنيه
ماترخي الهامه ولو الفضا اهتز
ولا ترخص النفس لو تعيش مرميه
لو خيروني بين فيلا مع بنز
ومن بنات الجنز لو كان ميه
وإلا ابدويه تطحن وتعجن الخبز
وتكرم الضيفان وتورد الميه
تقوم مع فجة الضو وتفز
ذيك التي ينقال عنها سنافيه
عفيفة ماتعشق الهمز واللمز
ماتعشق إلا البر روحه وجيه
مهره وفي عيني تساوي لها كنز
والله ماارضى غيرها لي مطيه
وإلا بنات الجنتله والكاب والجنز
ماني لهم وسم ن ولاهم ب ليه………
تحياتي لكم
وهنا ترقص الطيور وتتمايل الأزهار طربا ..
كلمات جميله واحاسيس عفيفه ..
قدمتها لنا على طبق من الزمرد ,,
فلك كل الشكر والتقدير .. على ما خطته لنا أناملك المبدعه ..
تقبل تحيات ..أختك شوق
كان لاشفنا فتنة ولا علوم ردية
يعطيك العافية على النقل المتميز والمجهود الجميل
