تحت المجهر ؟!!! 2024

عصر الكرامه راح .. يابنت الاكرام
***** لا تطلبي مني .. بطولات عنتر

حنا بزمان إتغيرت فيه الافهام
***** وصار الوفا .. في بعض الاحوال منكر

تصوري .. في حضرة الوالد ايتام !
***** وتصوري .. في حضرة الخلفه ابتر!

تناقضات من العجب تكسر عظام
***** وتنقاضات من العجب تجبر أكسر!

تصوري .. واحد .. وضيع وضرغام !
***** وتصوري .. ضرغام في وضع محقر!

وتصوري .. كل البطوله في الاعلام !
***** واكبر بطل ياللي على الكذبه اقدر!

اللي يوصف شي .. ما صار مقدام
***** واللي يوصف .. ما رات عينه اعور!

حطوا ورق .. في خاصرة بعض الاقلام ؟!
***** وفي بعضها حطوا رصاصه وخنجر ؟!

والعولمه ورده .. يلوح بها سام ؟!
***** تغري عيون اللي ثقافته مظهر

تاخذ حقوق وتعطي اوهام ووهام
***** وترسم على خد البراءات مهجر !

وعن مجلس الفيتو.. به العدل منضام ؟!
***** والظلم باجساد المساكين ينخر!

على حسب تقسيمة السنت والخام ؟!
***** دم الضحايا في البلادين يهدر !!

هذي ( فلسطين ) الغصيبه من اعوام ؟!
***** تعمر واهلها في الملاجي تهجر !!

وإلا ( الاسد ) .. شوفي .. عن الحل كم صام ؟!
***** واليوم جاع .. ومن لحم شعبه أفطر !

واشياء كثيره .. للاسف كلها اجرام !
***** معظم بلادين العرب تحت مجهر ؟!

لو تفتحي صدر الزمن كله أحلام
***** صارت على حساب العروبه تعبر ؟!

ما هو لشي .. إلا عداوه للسلام ؟1
***** ما تنتهي لو كل منا تنصر ؟!

حتى من ابنا جلدنا بعض الازلام ؟!
***** كل من سعى لشر بسمه تستر ؟!

والغرب ما صدق لقي عذر الاقزام ؟!
***** يصرخ مع المجني .. ويطعن مع الشر ؟!!