تهديني الورد
تهديني الورد .. وانت الورد وزهوره
وتقلي انساك وانت الذاكره فيني
هذا دلالك كثر واستفقد اشعوره ؟!
أو غايتك بالهوى تبعد وتجفيني!!
والا بوصفك مزايا الحسن مغروره
ودك بها يالغلا تسعد وتشقيني
رحماك رحماك نفسي فيك مأسوره
ما اشوف داعي بدنيا الحب تضنيني
وشلون يسلاك قلبي .. وانته اسروره
وانته لعيني عيون .. وشمعة اسنيني
إذا القمر يختلس من طلعتك نوره
وش عاد عن بسمتك والشوف يغنيني ؟
إرجع كما كنت نهج الحب دستوره
تواضعك يخجل البسمه ويغريني
ما دام وردك يفوح الكون بعطوره
والري تحنان ينبع من شراييني
خل الغرور .. وتعال انجسد الصوره
أنا أحبك شعور .. وتكملة ديني
شعر : عبدالله صالح العمري
يسلمو شاعرن
ودي وتقديري
والحروف تقبل ودي وتقديري
