{البارت الاول}
بستأذنك!! وانا ادري البعد كافر
ماهو بكيفي يوم اسافر واخليك
انا بسافر قصدي جسمي مسافر
لكن/ روحي بعد ربي!!بياديك
كانت تجمع أغراضها،وعيونها غرقانه دموع
ابو مازن:لينا خلصتي ؟
ليناوهي تمسح دموعها:اي بابا خلصت
ابو مازن:زين حبيبتي نادي مازن عشان يطلع الاغراض للسياره
لينا:بابا يعني لازم نرجع للسعوديه مابي اروح انا
ابو مازن: اتوقع خلصنا من هذا الموضوع
لينا : طيب يا بابا بس نص ساعه اسلم على اصدقائي
ابو مازن : طيب بسرعه لان عمك ابوفهد بيجي هو و اهله عشان يسلمون علينا
لينا : اوكي
-بدلت ملابسها بسرعه و راحت تودع اصدقائها-
كلوي : الن تعودي ابدا الى هنا
لينا : انا لا اعلم لكن سأقنع ابي ان آتي كل صيف
ويليام: سأشتاق لكي
-نظرت اليه و هي تذرف الدموع-
لينا : و انا اكثر
ويليام : لا لا تبكي ارجوكي لا احب ان ارى دموعكي
لينا : ويليام اريد ان اخبرك شيئا قبل ان اذهب
ويليام : ماذا اخبريني ؟
لينا : انا احبك -بكت بشده –
ويليام -يمسح دموعها -: و انا احبكي انتي اختي الصغيره و من اعز اصدقائي
-نظرت اليه و بكت اكثر-تقول في نفسها: لا انا احبك احبك احبك الا تفهم
ويليام: لينا توقفي عن البكاء ارجوكي
كلوي تضمها و تبكي : سأفتقدك يا اختي و صديقتي
ويليام : لا تقاطعينا اتصلي بنا دائما
لينا : لن انساكم ابدا انتم اصدقائي
-رن هاتف لينا –
لينا : انه ابي سنذهب الان
-تضمهم و تبكي –
لينا : سأشتاق لكم
-تعود الى المنزل-
مازن : وش فيك تبكين
لينا بعصبيه : لان ما ابي اروح ما ابي السعوديه ابي اقعد هنا
ابو مازن بصراخ : لينا وش اتفقنا عليه
لينا : قصدك انت وش قررت ما صارلها امي خمس ايام متوفيه و تبيني ارجع السعوديه انا ما اعرف احد هناك ما قد رحت لها
ابو مازن : كل اهلك هناك و السعوديه ديرتك انا قبل كنت لما اطلب منك تروحين معي و ترفضين كنت اقول صغيره ما تفهم الحين انتي كبرتي و لازم تشوفين ديرتك و تشوفين اهلك عمانك و عماتك و جدك و جدتك ما احد شافك دايم يسألوني عنك
لينا وهي منزله راسها:بس انا انولدت هنا وتربيت هنا و صعبه في يوم و ليله تقولي بنترك هالمكان افهمني يا بابا افهمني وش معنا يوم توفت امي بتخلينا نروح
ابو مازن : لان ما فيه شي اقعد عشانه خلاص يكفي غربه برجع لاهلي
لينا : ما فيه شي تقعد عشانه طيب و شركتك
مازن بصراخ : ليناااا خلااااص
ابو مازن : هدي يا ما زن لينا اقدر ادير شركتي و انا بالسعوديه
لينا تبكي : طيب اوعدني انا نجي هنا كل صيف ما اقدر اترك اصدقائي و اهلي
مازن : اكيد بنرجع هنا ما راح نقطع جدتي
ابو مازن : وعد ان شاءالله
لينا تضم ابوها : جد يا بابا جد كل صيف
ابو مازن : ايه انا و عدتك مو بس انتي حتى جدتك قالت اجيبكم كل صيف عندها
لينا : حبيبتي جدتي و الله بشتاق لها
مازن : يبا متى نودعها
ابو مازن : اشوي بيجي عمك ابو فهد ثم نروح لها ثم عالمطار
-يدق الجرس –
مازن : شكله عمي
-فتح الباب-
ابو فهد : السلام عليكم
مازن : و عليكم السلام
فهد ضم مازن : يا الخاين ما دريت انكم بتشدون الا من ابوي
مازن : و الله كل شي جا فجآه
ابو فهد : ابوك وين ؟
مازن : فالمجلس
ساره تبكي : ليش تروحون
فهد : حتى ما علمت احد و لا ودعت احد
مازن : تدري كل اخوياي ما علمتهم ما احب اودع يا خي حتى ما كنت ابيكم تدرون
ساره تبكي زياده : ليش ما بتعلمنا يعني بتروحون خلاص ما بترجعون
ام فهد : اكيد بيرجعون جدتهم هنا
مازن : ماله داعي كل هالبكي بتشوفونا ترى بنجي دايم
ساره : ي خي ما تحسون وجع ابي لينا وينها
مازن: داخل عند ابوي
-تدخل ساره و امها-
فهد : و الله بشتاق لك يا كلب
مازن : و انا اكثر يا حيوان
فهد يضمه : ي خي ما ادري كيف بتعود على غيابك انت اخوي من يوم عرفت الدنيا و انا معك
مازن يضمه بقوه : حتى انا و الله مو قلت ما احب التوديع
فهد : خل ندخل عشان اسلم على عمي و لينا
–
ساره تضم لينا و تبكي : بشتاقلك و الله ما قد تصورت في حياتي كلها اننا نفترق و الله
لينا تبكي : حتى انا كذا في يوم و ليله ابوي قرر ساره : ربي يوفقك حبيبتي و لا تنسيني ابد
لينا : وشلون انساك انتي اختي
ام فهد تضم لينا: اتمنى لا احتجتي لشي تدقين علي باي وقت انا حسبت امك
لينا تضمها بقوه : ان شاالله يا عمه
ابوفهد : هدوا اللي يشوفكم يقول ما بتشوفون بعض
لينا تبكي : لا بس بتوحشوني
ابو فهد يضمها : حتى انا بشتاقلكم
فهد : يا عمي ليش كذا فجآه قررت ترجع
ابو مازن : خلاص يا ولدي اهلي يبغوني و انا مليت من الغربه حتى لينا ما قد راحت للسعوديه و لا تعرف اهلها
لينا: بس كان قلت لنا من قبل و نقعد شهر مو كذا فجآه
ابو مازن : لينا خلاص ما تفهمي
لينا تسكت و تنزل راسها
ابو فهد : لينا لازم تسمعي كلام ابوكي
ام فهد : ايوا حبيبتي ابوكي يبغا مصلحتك و بعدين هو متغرب طول عمره و تارك اهله عشانكم و الحين جا دوركم تتخلون عن اشياء علشانه
مازن : ايوا صحيح
ابو مازن : يالله استودعكم الله بنروح نسلم على جدتهم ثم نمشي للمطار
ابو فهد يضمه : يالله مع السلامه يا اخوي توصل بالسلامه
ابو مازن : مع السلامه
– ودعوهم ثم راحوا ودعوا جدتهم اللي بكت كثير –
يعطيج العافيه
تم الإرسال بواسطة iPod touch بإستخدام مدونة عبير
المهم جبت لكم البارت الثاني أتمنى يكون فيه تفاعل و كذا 🙁
{البارت الثاني}
تجمعنا الدنيا احيانا بأشخاص لانعرفهم ولانشعر بأي احاسيس اتجاههم,وفجأه,وبدون مقدمات,يصبحون هم ال(جزء)الأهم في حياتنا
-بالسعوديه-
ابو مازن : يالله وصلنا انزلوا
لينا : هذا بيت مين
مازن : بيت جدي و عمي ناصر
-ابو مازن طق الجرس و سعود فتح الباب-
سعود يحب راس عمه : هلا و الله بعمي سالم تو ما نورت السعوديه
ابو مازن : هلا بك منوره بأهلها
-سلم على مازن سلام بارد و ناظر ب لينا نظرات استحقار –
لينا استغربت منه
-دخلوا-
الجده : هلا و الله بالغالي
ابو مازن يحب راسها : كيفك يالغاليه
الجده : انا بخير ما دامكم كلكم عندي
ابو مازن : خلاص يمه ابكون عندكم
الجده : ما تصدق قد ايش فرحت
ابو مازن : تعالوا سلموا على جدتكم
مازن سلم على راسها : كيف حالك ي جدتي
الجده : بخير يا حبيبي
ابو مازن : يمه هذي بنتي لينه تعالي لينا
لينا تمشي و هي منزله راسها و تسلم على راس جدتها و جدتها تمسكها من يدها : هلا ببنتي و اخيرا شفناك
لينا : هلا فيك جدتي
دخل الجد و معه ابو سعود و ريم
ابو مازن راح يسلم على راس ابوه و اخوه الكبير
الجد بفرحه : يالله انك تحييه هلا بولدي
ابو مازن : الله يحييك يبه
الجد : عظم الله اجرك بزوجتك
ابو مازن : الله يجزاك خير
ابو سعود : عظم الله اجرك
ريم تسلم على راس اخوها: عظم الله اجرك يا اخوي
ابو مازن : اجرنا و اجركم
مازن و لينا يسلمون على جدهم و عمهم
الجد : ما شالله هذي بنتك
ابو مازن : ايه يبا
الجد: كم عمرها
ابو مازن : عمرها ١٧
مازن يضم ريم : كيفك يا عمتي الصغيره
ريم : و الله تمام و مبسوطه كثير
مازن : لينا تعالي هذي عمتك ريم اصغر عماتك
لينا تسلم عليها : هلا و الله عمه
ريم : و اخيرا شفناك
لينا تبتسم و تنزل راسها
-جلسوا و تقهوا و سوالف و سعود يناظرهم بنظرات مستفزه –
لينا طفشت من الوضع و من نظرات سعود
لينا : بابا
ابو مازن : نعم
لينا : ودي اروح انام
الجده : الحين سعود يعلمك وين الغرف
سعود -يا ذا الليل ما فيه الا انا – : ان شالله يما
لينا -يعني انا بروح عشان نظراته اخر شي هو اللي بيوديني –
-و توقف و تمشي وراه كان يمشي بسرعه –
لينا : هدي حنى مو بسباق
سعود : امشي بسرعه لاني مو طايقك
لينا انصدمت : لحظه وش سويت لك انا توني شايفتك ما اذكر اني غلطت عليك بشي ؟؟
سعود يقرب منها : كذا من الله اكرهك انتي و اخوك
لينا تضك بإستفزاز : الله تكرهنا مره وحده ههههههه شكلنا سوينا شي كبير عشان تكرهنا
سعود بعصبيه : امشي يا كلبه
لينا بعصبيه : ما كلب الا انت هيه اسمع ترا انا لساني طويل اقدر ارد عليك
سعود يضحك بإستفزاز : ادري لسانك طويل ربات الامريكيه
لينا بعصبيه : وش فيها الامريكيه هاه
سعود : لا بس من اللي اشوفه و نعم التربيه
لينا بصراخ : متربيه و احسن منك بعد
سعود : تخسين ما بقى الا انتي
لينا : و نعم التربيه امك مربيتك تتهاوش مع الحريم – و تضحك بقوه –
سعود عصب و ثار و قرب منها و مسكها من قميصها و رفعه : امي لا تجيبين طاريها على لسانك يا وصخه
لينا : و انت لا تجيب طاري امي و تركني اتركنيييي
-دفها و طاحت بالارض بقوه –
لينا تصرخ بقوه
-جو كلهم يركضون من الاصراخ و تجمعوا حولهم-
ابو مازن : سعود وش فيها لينا
-ويشوف لينا طايحه و يركض لها –
ابو مازن : لينا حبيبتي وش فيك
سعود -ما علي منهم حتى اذا علمت-
مازن مسك سعود من قميصه : وش مسوي بإختي
ابو مازن : مازن اترك ولد عمك ما سوا فيها شي اتركه يكفي المشاكل قبل
مازن : لينا وش صار قوليلي
لينا ما تبي المشاكل : ما سوا شي بس كان يمشي بسرعه و كنت الحقه و طحت
ابو مازن يضمها : ما تعورتي
لينا : لا يا بابا
مازن يقومها : تعالي انا اوديك للغرفه حتى انا بنام
ابو مازن : بجي معكم
يسعود مستغرب -ليش ما علمت –
فالغرفه –
ابو مازن : لينا عجبتك السعوديه
لينا و عيونها ملينانه دموع و تأشر براسها لا : مو حلوه يا بابا
ابو مازن مستغرب : وش فيك ؟؟
لينا تبكي زياده : ما فيني شي
ابو مازن يضمها و تبكي زياده : حبيبتي خلاص لا تبكين
مسحت دموعها : خلاص بنام
ابو مازن : يلا اخليك
لينا : لا بابا خلك عندي
–
-مازن-
منسدح بغرفته
احس ان سعود قايلها شي بس ليش ما علمت انا مو فاهم سعود ابد ما ادري ليش هالكره ليا يعني ادري اني غلطت ذاك اليوم بس ما كنت ادري
و صار يتذكر ذاك اليوم
كان يمشي و يسمع صوت بكي
مازن بإستغراب : مين اللي يبكي
-وراح لجهة الصوت شاف غاده جالسه عالارض تبكي شكلها طاحت على الارض او ما ادري –
راح لها يركض : غاده ايش فيك
ناظرت فيه و تبكي زياده –
مسكها من يدها ووقفها و هي ضمته بقوه
مازن استغرب : غاده ايش فيك
غاده تبكي : ما فيني شي بس لا تتركني
سعود دخل عليهم منصدم من منظرهم
سعود بصراخ : ماااازن ياااا كلب
مازن التفت عليه و توتر : سعود
غاده تركته و طاحت عالارض من جديد تبكي
سعود : وش فيك منصدم وش كنت تسوي مع بنت عمك يا كلب هذي بنت عمك مو من الامريكيات الل تطلع معهم
مازن بعصبيه : سعوووود احترم نفسك انت فاهم الموضوووع غلط
سعود يمسكه من بلوزته : وش تبيني افهم من هالمنظر
مازن يلتفت على غاده : تكلمي قوليله
غاده تقول لسعود : انا احبه وش تبي تعرف اكثر من كذا
سعود يجي عندها و يعطيها كف : اخر وحده توقعتها تسوي هالحركات انتي ما كنت متوقعك كذا
و التفت على مازن اللي مصدوم من كلامها : كله منك من يوم جيت و انت مخرب كل شي تبي تخلي الناس صايعه مثلك الله يعلم يمكن ما وقفت على ضم و بس
مازن يعطي سعود كف : احترم نفسك و انا قلت فاهم الموضوع غلط و التفت على غاده اللي تبكي :صدق انك كلبه
عصب سعود و ضربه : يعني بعد ما شبعت منها قلت كلبه بعد ما خليتها تحبك و الله انك واطي
التفت على غاده : ادخلي داخل لا اكسر راسك
-غاده تركض و تدخل –
و سعود و مازن تضاربوا لين ما جو اهلهم و فكوهم من بعض بس ما احد يدري بموضوع هوشتهم
–
مازن : لما اقوم بسألها
-و نام –
–
سعود –
انا احب عمي سالم و فرحت لانه جا بس عياله اكرهم صح لينا توني اشوفها بس اتوقع زي اخوها اصلن واضح الحين غاده مبسوطه حبيبي القلب رجع و لا بيسكن هنا دايم خيره لاني كشفتهم و الا كنت بكون مخدوع في غاده صح كنت احبها و انصدمت كثير بس احسن من اني اتزوجها و احبها و تلعب بذيلها وراي اصلا للو ان مازن ما جا ما كان صار كذا هو اللي قالها تحبه و فهمها انه فري و بيتزوجها و خرابيط الحب كله من ربات الامريكيه لو انه مازن ما جا كان غاده تحبني انا -شد شعره بيده – كانت بتحبني و ما كنت راح اسويلها نفس الواطي
–
غاده : ماما متى نروح بيت جدو
ام طارق : غدو ما رح نروح الا بالليل
غاده بوزت : ليه يا ماما ليه ما نروح الحين
ام طارق : وين نروح الحين الظهر الناس توهم راجعين من السفر و تلقينهم نايمين
غاده : عادي بجلس عند عمتي ريم
ام طارق : و تبيني اجي بالليل لوحدي
غاده تضم امها : لا خلاص بجلس معك
طارق و محمد يدخلون
طارق : يمه جوعان متى تحطون الغدا
غاده : و عليكم السلام
طارق يخزها
غاده : اذكرك بس وش فيك تناظر
ام طارق : شوي بيجهز الا دريتوا
طارق و محمد : ايش
غاده بصراخ : عمووو سالم رجع و بيستقر هنا
ام طارق : تو ابوكم قالي
طارق و محمد فرحوا
طارق : و الله فرحت كثير الحمدلله بيستقرون
محمد : بس كيف مازن بعد وفاة امه
-غاده خفق قلبها –
غاده : يا عمري تلاقوه محزن
طارق يخزها : يا عمري و حركات
غاده ببراءه : ايش فيها ولد عمي
ام طارق : بنت عمكم جت معه
محمد : بنت و عمي عنده بنت
طارق : ايه بس اللي سمعته انها صغيره
غاده : جد ماما ايش اسمها
ام طارق : لينا
غاده : طيب كم عمرها
ام طارق : ١٧
غاده : صغيره
محمد : خفي علي يا الكبيره تراك اكبر منها بسنه
غاده : قلتها اكبر منها
طارق : تتوقعون تشبه اخوها مازن
محمد : اتوقع احلى المهم يمه احجزيها لي ههههههههه
غاده : خلص جامعه بعدها تزوج يا بزر
محمد : اذا انا بزر انتي رضيع هههه
غاده : يا سامج
ام طارق : جهزوا الغدا يالله غاده نادي ابوك
غاده : طيب
–
كمليها ويعطيك العافيه ^.^
لا اله الا الله محمد رسول الله
انتظر البارت الجاي
يعطيج العافيه
تم الإرسال بواسطة iPod touch بإستخدام مدونة عبير
مشكوره على مرورك و تعليقك
و الحين بنزل البارت الثالث
{البارت الثالث}
كفى بالمرء حمقا أن يصدق كل ما يسمعه.
-بالليل –
ابو مازن دخل غرفة لينا كانت ببجامتها توها قايمه: لينا توك نقومين
لينا : ايوا يا بابا
ابو مازن : حبيبتي تجهزي بسرعه
لينا بإستغراب : ليه
مازن دخل و كان كاشخ باثوب : انتي توك ما خلصتي
لينا ناظرتهم بإستغراب : اخلص من ايش و بعدين ليش انتم لابسين كذا
ابو مازن : اليوم الاهل كلهم مجتمعين لان جدتك مسويه عشا بمناسبه جيتنا
لينا : اهاا
ابو مازن : ايش فيك مفهيه يالله بسرعه تجهزي
لينا : هههههههه طيب طيب
–
ابو سعود : سعود
سعود : هلا يبه
ابو سعود : روح ناد عمك سالم و مازن
سعود : ان شالله يبا
–
الجده : ريم خلصتي
ريم : لا يمه
الجده : و الله لو انه عرس
ريم تدخل : وش دعوا عرس ترى توني البس من اليوم انظم العزيمه
الجده : متى ما شفتك ؟
ريم بققت عيونها : لا يمه اجحدي
الجده : هههههههه حبيبتي ما قصرتي
ريم تحب راسها : تسلمين يمه
-ريم كانت لابسه فستان اخضر لنص الساق ضيق من فوق ثم من تحت الخصر نفاشي شوي و مسويه شعرها ستريت و حاطه مكياج ناعم كحل و مسكارا و روج احمر –
الجده : شوفي لينا وراها تأخرت
ريم : ان شالله
–
لينا طلعت بتروح لأبوها و سعود يمر من قدامها
لينا : هيه انت
سعود لف لها : خير ان شالله
ريم جت بس وقفت بعيد تشوف وش السالفه
لينا قربت منه : اسمع ترى انا ما سكت خوفا منك انا ما علمت ابوي على اللي صار لاني ما ابي مشاكل
سعود يناظرها ببرود : ما همني وش سببك و اذا تبين علمي ما همني ترى – و مشى –
لينا عصبت : حقيييير
جت ريم بسرعه : لينا وش فيه
لينا تهدى و تقول بهدوء : ما فيه شي يا عمه
ريم : لينا انا شفت كل شي
لينا ببرود : اجل ليش تسألي – و تدخل الغرفه –
ريم تدخل و بعصبيه : ايش قلة الادب هذي اكلمك و تروحين
لينا بنفس برودها المستفز : طيب و اذا ؟؟
ريم بهدوء : انا مقدره وضعك عشان كذا بتغاضى عن بعض الحركات
لينا ببرودتها : اها طيب
ريم تحاول تهدى : طيب يا لينا امي تقول اناديك عشان الاهل بيجون الحين و انتي لسا ما خلصتي
لينا : قوليلها اجي متى ما اجي لو نص الليل
ريم بعصبيه : لييينااا
لينا بعصبيه : ترى من اولا تصارخي عليا و انا ساكتتلك
على صراخهم دخل مازن مستغرب : وش فيكم ؟؟
ريم بعصبيه : شوف اختك ترى من اليوم ما سكه اعصابي عنها
مازن : لينا وش مسويه انتي
لينا بصدمه : انا هيا اللي تصارخ عليا و انا ساكتتلها
ريم : خلاص سكري الموضوع امي تبغاكي الحين يالله تجهزي
مازن : يالله يا لينا الي ساعه انا و ابوي مصحينك
لينا و عيونها مليانه دموع : خلاص بطلت اروح
مازن يضمها : ليه البكي الحين يلا تجهزي ما رح تنزلي الا معي
لينا : طيب
ريم : يلا استناكم -و طلعت-
–
ابو طارق : و الله توها منوره السعوديه
ابو مازن : بأهلها يا فهد
ابو خالد : الا وينه ولدك
ابو مازن : ما ادري و الله سعود روح ناده
سعود : طيب يا عمي
و راح –
–
مرام : يا خاله وين لينا
ريم : فوق بتجي شوي
غاده : متحمسه اشوفها
نوره : حتى انا
عبير : الا يا عمه هي تشبه اخوها
ريم : ايه بس هي احلى
مرام : جد كيف شكلها
ريم : يا ربي يا بنات شوي تشوفونها
غاده تقوم
ريم : على وين
غاده : عالحمام
–
لينا
-كانت لابسه تنوره فوشيه ماسكه للركبه و عليه بلوزه ابيض و مسويه شعرها ستريت و كعب ابيض و بس حاطه روج فوشي –
مازن : الله ايش هالقمر
لينا تضمه : انت القمر
مازن : يالله تأخرنا
و طلعوا من الغرفه و مشوا و لقوا غاده قدامهم
مازن صد
غاده : اهلين مازن
مازن : هلا غاده
غاده تطالع لينا : انتي لينا صح
لينا تهز راسها بإيه و تضمها غاده : انا غاده بنت عمك فهد
لينا : اهلين
غاده تكذب عليها : ترى جدتي تناديك تقول تجين الحين
لينا : طيب و ناظرت في اخوها عشان يروح معها شافته لاف وجهه استغربت بس فكرت انه ما يبي يروح و مشت لقت بطريقها سعود
سعود منبهر بشكلها بس ما بين و ببرود : وين اخوك
لينا بنفس البرود : فوق عند غاده
سعود بصدمه : اييش
و يروح بسرعه
لينا استغربت من صدمته بس ما همها و راحت
–
مازن : غاده وش تبين ما تصلح وقفتنا كذا
غاده و الدموع بعيونها : ليش ما اشتقت لي و الله فرحت كثير بجيتك
مازن بصراخ : غاده يكفي اللي سويتيه خربتي بيني و بين سعود اللي كنا زي الاخوان وش ذنبي انا
– سعود جا ووقف بعيد بيشوف يمكن انه فاهمه غلط –
غاده بإستغراب : وش ذنبك وش اللي وش ذنبك علمتني فاتن كل شي
مازن : وش علمتك ؟
غاده : انك تحبني
مازن : غاده انتي غبيه اي واحد يكذب عليك تصدقينه وش علاقتي بفاتن الحين
غاده : اخوها بدر قالها
مازن : تكذب عليك
غاده تقرب منه : و ادري انك تحسبني احب سعود عشان كذا ما صارحتني بس و الله ما احبه انت اول انسان احبه في حياتي ترى مازن انا مو كذا و الله بس حبك غيرني
مازن : ايش هالكلام اللي تقولينه غاده انا ما اعتبرك الا زي اختي و الله فاتن تكذب عليك انا ما ادري ليش تصدقيها و اسف يا غاده على اللي صار لك بس انا ما لي ذنب
غاده بعصبيه : وشلون مالك ذنب انا حبيتك
سعود جا و جلس يصفق و يضحك بستفزاز : برافو على هالمسرحيه الهنديه اللي تصير قدامي
راحت غاده تتخبى ورى مازن
سعود يضحك ؛ ليش انا حرام اشوفك و هو حلال
مازن ؛ هذا اللي ناقص سعود خلاص لا تزودها عليها
سعود بعصبيه : ليش خايف على مشاعرها
مازن : هي مالها ذنب فاتن كذبت عليها
سعود : حتى لو فاتن كذبت عليها هي عندها عقل تعرف الصح و الخطا
مازن : هي غلطت و ما راح تعيدها
غاده : انا اسفه على كل شي سويته و راحت تركض و تبكي
سعود بصوت واطي : ما ينفع الاسف الحين
– نهاية البارت –
يلا قولولي توقعاتكم بالبارت الجاي و اذا شفت حماس بنزل البارت الرابع :))
وحبت لينا وأخوها وسعود
ما عندي توقعات بس يمكن سعود راح يحب لينا وبس
وبنتظار البـــارت الجاي ^.^
لا اله الا الله محمد رسول الله
يعطيج العافيه
تم الإرسال بواسطة iPod touch بإستخدام مدونة عبير
