صاحب السمو الأمير الشاعر/ خالــد بن سعــود الكبيــر آل سعـــود
الشاعر في سطور :
خالد بن سعود الكبير بن عبد العزيز بن الامام سعود بن الامام فيصل بن الامام تركي (مؤسس الدولة السعودية الثانية) بن عبد الله بن الامام محمد (مؤسس الدولة السعودية الاولى) بن سعـــود جده السادس لوالدته الشيخ (محمد بن عبدالوهاب).
مؤهلاته العلمية :
بكالوريوس آداب قسم تاريخ من جامعة الملك سعود ، وماجستير في الإدارة العامة من جامعة جنوب كاليفورنيا ( USC )،إضافة إلى دورة في الأعمال البنكية لمدة سنة بنيويورك . في – تشيس منهاتن بنك –
عملــه :
عمل في صندوق التنمية الصناعية لمدة خمس سنوات ثم تفرغ لإدارة أعماله الخاصة .
إنتاجه الشعـري :
له العديد من الأعمال الوطنية المنشدة أهمها : أوبريت الجنادرية التاسع عشر ( عرين الأسـد ) ، وأوبريت ( طائف الصيف الجميل ) ، وأوبريت (عروس البحر جده ) .. والكثير من الأناشيد الوطنية التي تغنى بها كبار الفنانين إضافة إلى الأعمال العاطفية .
إصداراتـه :
أصدر أربع دواوين صوتية : 1 / شعر 2 /ترانيم 3 / المجد 4 / خيال وحقيقة – ….إضافة إلى الديوان المقروء ( طــويق ) ..
أمسياته الشعريـة :
أقام العديد من الأمسيات أولها في مدينة الخبر ثم الجبيل وعنيزة والطائف وبيشة والرياض والبحرين والكويت وعمان والأردن والفجيرة..
.. هـــذه نبــذة مختصــرة عن صاحب السمو الامير خالد بن سعـــود الكبير –
تاج الادب –
كما لقبته صحافـــة الشعر في المملكــة العربية السعوديــة ..
للامان المصدر موقع الشاعر ..
لاتنشغـل عنهـا بدنيـاك تنجيـك
تنجيك بأمر الـرب مـن ملهياتـك
إبليس والنفـس الخبيثـة وتحميـك
بعد الشهادة هـي سعـادة حياتـك
وإن مت للجنـة عساهـا توديـك
أخلـص بهـا لله وادفـع زكاتـك
وأتبع بها صومك وحجك لواليـك
أركـان خمسـه سيـدة واجباتـك
للمنعـم الوهـاب ربـك ومنشيـك
هذا ومعهـا ستـه إن كـان فاتـك
في قلبـك إعقدهـا عقيـده تقديـك
آمن بربك صـدق تامـن عداتـك
وآمن بيوم البعـث ربـك بيحيـك
وآمن بكل الكتب والرسل ..جاتـك
في المصحف اللي تفتحه بين اياديك
وآمن ترى للـرب جنـد فواتـك
لو شفتهم بالعين بان الخلـل فيـك
وأقدار ربي حق خلقـت سواتـك
آمن بها من دون ريب وتشكيـك
أركان سته حطهـا جـوف ذاتـك
عقيـدة التوحيـد للحـق تهـديـك
آمن بها من قبـل ساعـة وفاتـك
قبل إنسلال الروح من بيـن فكيـك
وختامها الإحسان كنـز حسناتـك
أد العبـادة كنـك تشـوف باريـك
لى جاك نمام (ن) على الكذب ناشي
ترى الثرى فيه العقارب مخاشيـش
والنور يجذب ساريـات الخشاشـي
قلبك نظيف وطبعك أنعم من الريش
مـن جـاك صدقتـه بليـا نقاشـي
ياهيش مابيني وبينـك مـن العيـش
أكبر من النمات مـن كـل واشـي
بعض الملا حاسد وراعي محاريش
لى شاف شي (ن) زين جاه انكماشي
ضاري على نهشه للأكبـاد تنهيـش
يارد على التحريش ورد العطاشـي
ياهيش طنش عاذل الحـب تطنيـش
خله يروح بغـل ضايـق وغاشـي
بيني وبينك عهد من عادنـا طيـش
ماينقضه هرج القلـوب الغشاشـي
خلك فطين وخـل عنـك التفاتيـش
ترى البنا من صلب ماهو هشاشـي
قلته وانا داري عن الكيف والليـش
أقرا كلام العيـن لـو بـه غباشـي
راح الذي لى قام يشفـي الغلايـل
راح الذي ينقل ثقيـلات الاحمـال
اللي يعدل الميـل لـى جـاه مايـل
فهد فهد ياطيـب راسـه والافعـال
لى حال دون الناس والطيب حايـل
حر عريب الجـد والعـم والخـال
متسلسل مـن روس بكـر ووايـل
ماهو غريب الطيب من نسل الابطال
ماشي على درب القـروم الاوايـل
في نظرته بعد وفي محتـده عـال
الاصـل هايـل والفعايـل هوايـل
ما للبخل والشح في قلبـه احـوال
وما للحسـد والحقـد يمـه دلايـل
عنده ملاييـن النقـد كنهـا ريـال
لى جاه محتاج من الناس سايـل
في منزله راحـه وغيـث ومقيـال
للجايعيـن وناشفـيـن البـلايـل
بابه مشرع ، دايم الـدوم مدهـال
مدهوك من روس العرب والحمايـل
لى قام راح الكرب والضيق ينجـال
هو جابر العثرات راعـي الجمايـل
قلبه بياض وبسمته تشـرح البـال
في هرجته حكمه ولطـف وفضايـل
أحلى من الشهد المصفى إلى سـال
واعذب من أمطار الوسم والمخايـل
ياما ضربنا به مع النـاس الامثـال
وياما فخرنا به علـى كـل طايـل
مهما كتبنا فيه من شعـر واقـوال
نعجز نعـدد فيـه حلـو الخصايـل
فيه العزا ياكيـف يانـاس ينطـال
والحزن بحلـوق المحبيـن غايـل
في رحمة الرحمن راحـل ونـزال
وفي جنة الفـردوس خالـد ونايـل
حبـك مطـر هتـان مـن مـزن ديـمـه
والحب ما خذته من الناس بالغصب
الـحـب جـالـك بالفـعـول الحكـيـمـة
والحب مالـه طـب يـا سيـد الشعـب
إلا الـولاء مــن كــل نـفـس سليـمـه
كلمتـك للشـورى مـن القلـب للقلـب
لفته عظيمـه .. صادقـه .. مستقيمـه
لي قيل أبو متعب صفا كل مشـرب
تجـسـد الإخــلاص طـبـع وشـيـمـه
هذا الحكيم اللي علـى الحكـم يتعـب
أنـا أشهـد إنــه يــا عربـنـا صتيـمـه
وافيـض الضيقـات معهـا وأغنـي.
لموت مـن كثـر الأسـى والكآبـه..
واون لـيـن الــدار مثـلـي تـونــي.
واعلـم السالـيـن نــوح الصبـابـه..
حتـى خلـي الـبـال مثـلـي يحـنـي.
كلـه لجـل غـرو نهبنـي نهـابـه..
طفـل أسرنـي بالجمـال وفتـنـي.
هذا وأنا يا أهل الهوى ليث غابه..
رمشه رماني في الصميم ومكني.
غض طري العود باول شبابـه..
رابي وعايـش فـي النعيـم متهنـي.
زينـه عطـاه الحـب ويـا المهابـه..
وأعطاه قلبي والعقل غصب عني.
الله يجيـبـه سـالـم مــن غـيـابـه..
أفرح بشوفـه واهتنـي وارجهنـي
هلا باللي إلى جانـي يـروق لجيتـه بالـي
جفول لى حضرني وانحرج من زحمة الأزوال
أقوم لخاطره مـن مجلسـي واروح بلحالـي
أشبه جيته مثل الحبيب اللـي فراقـه طـال
نطحني وابتسم عقب الزعل في مدهل خالـي
إلي رد السلام وقال وشلونك وكيـف الحـال
حسبت أن السعادة كلها مـا خلقـت إلا لـي
أرحبه تراحيـب الثـرى للصيـب الهمـال
ألى هل وهطل واجزل وبارك غيثـه الوالـي
يجيني والحمـول ثقـال لاتتـرك ولاتنشـال
ويسري والخفوق المبتلى من همهـا سالـي
وانا لولا الخواطر والقلم والشعر والترحـال
تسليني عن همومي تلقيـت الخـلا الخالـي
انا شاعر ولا احب المشاعر في الضمير تغال
وراعي الذوق ما يخفى عليه المر والحالـي
أفاضلهـا وأميـز بيـن مايتـرك وماينقـال
واعرف ان السكوت احيان والصدات اجدالي
تمهل يانديمـي طالبـك لا تجـرح الآمـال
ترى بعض الهموم الغاليه محـذور تنقالـي
تحملها لعلـي بالحـوادث والزمـان احتـال
ترى صرختك في جوفي سببها صاحب غالي
وانا لولا الغلا واخشى يراعي يسحر العـذال
حرام إني لا ألبي طلبتـك واطـف مكيالـي
وانا اشوف القوافي شرفت مع هاير منهـال
وقفلتها على ذا البيت اولى له واولـى لـي
عسى حجاتنا فـي تالـي الاعمـار مبـروره
عسى ذنب الجهل والعمد والغفله يجي مغفـور
الى عرضت صحايفنا على الاشهاد منشـوره
الا يانفسي الجهلا ترى الدنيـا متـاع غـرور
ترى الايام لو طالت على الآجـال مقصـوره
ترى عقب الترف والعز والراحه وظل قصور
يـزورك هـادم اللـذات والاقـدار مامـوره
ترى نشوة ربيع العمر ما تبقى زمـن ودهـور
تمر ايامها عجلـه وتذبـل نضـرة الصـوره
مثل حلم الكرى لو طاف بالنايم وشـق بحـور
يعود به ومن عـادت حلـوم الليـل مبتـوره
خصيب القاع لو عجت زماليقه بريح زهـور
وغريف وانثنى عشبه وغنـت فوقـه طيـوره
يزول ويندثر ريفه وعمره مـا تعـدى شهـور
يروح وتنجرد خده وهي مـن قبـل معمـوره
الا يالله ياعالـم خفيـات الـدجـي والـنـور
تروف بحال من نفسه على الايمـان مفطـوره
شفـة فتـاة ربهـا اللـي قبلهـا
بنت صغيرة تاخذ العقل والقلـب
تلعب مع فرخ الحمامـه وتلهـا
جاها الغريب وقال يا مطعم الحب
أطعم غيور غيرته مـا احتملهـا
واقفت لاهلها تلعن الطير وتسب
ما ادري زعل ولا غلبها زعلهـا
هذا وأنا لاني متيـم ولا صـب
لاشك روحي غردت من عملهـا
والروح لا طربة ترى مالها طب
غير القصيد اللـي يـروح مللها
والقلب لا شاف التعاجيب يعجب
والنفـس عيـت لا تخلـي زللها
والعين صدتها عن الزين تصعب
وأنا ادري انه ياملا مـن جهلهـا
ياهل الجماله خبرو حلوة النـب
اللي حمام الورق يهوى غزلهـا
قولو لها ليه العرب مالهـم رب
لا داعبوهـا تشتكيهـم لاهلـهـا
سريتي وسهرتـي عيونـي علـى الفاضـي
سريتـي علـي وشـان ليلـي علـي وطــال
وأنا ودي أعرض مير ماجالي اعراضي
تعبت ونويت العب على هاجسي واحتال
واقـول الزمـن حـلال والوقـت عـواضـي
لاشك كيف احتـال فـي الهاجـس الختـال
رضابي وأنـا مانيـب مـن فعلتـه راضـي
لحـوح علـى بالـي خطيـر علـي بهـبـال
ولاهـوب تاركنـي ولاقاضـي اغـراضـي
الا ياعطـيـب اللـحـظ يامنتـهـى الآمـــال
تلطف ترى الهاجوس باسباب الالحاظي
رمتنـي عيونـك بالسـبـب والنـظـر قـتـال
ذبحني سهم نظرتـك ياخصمـي القاضـي
وانـا يامـلاك الحسـن يامضـرب الأمثـال
عـزيـز لـحـبـك ذل والـــذل عـضـاضـي
لعـلـك تــرد الــروح لوسـاعـة بـوصــال
اداوي بـهـا جـفـن مــن الـدمـع فـيـاضـي
وانا راضـي بحكمـك علـى ماتبـي نـزال
ولو تحكم بذبحـي تـرى حكمـك الماضـي
