صبآحكم مسآئكم شعر
ندخل بالقصائد على طول
قال خلف بن مشعان ( وابياته اشعلت الفتيل )..
رح ردها عني وأنا بكبر عواقبها كفيل
كان طلعت كذبه فأنا بين العرب كذابها
إن الشجاعه تغلب الكثره وأنا أعطيك الدليل
الذيب يدرع بالغنم ولا يحسب حسابها ..
ورد محمد بن فطيس على قصيده مشعان بهاذي الابيات..
واليوم لا والله شفت القاف شاب
صار الشعر كوره وكل له فريق
وضاع الهدد بين الحديا والغراب
وضاع الصهيل مكرمين من النهيق
إلا الرجال اللي قصايدهم عذاب
اللي بها معنى وبها حس رقيق
لا تشعل الفتنه ولا تطرد ( سراب )
ولا يرقع ما نقصها ( بالزعيق )
بس العرب ما عاد تدري بالصواب
ما ميزو ويش الزفير من الشهيق
من جاب (ضيعه) قيل شوفوا ويش جاب
أنا أشهد إنه جاب له معنى عميق
الذيب كانه ذيب… يدرع بالذياب
يخلي الخرفان للضبع العويق
فرد على قصيده ابن فطيس خلف بن مشعان وابراهيم العنزي..
رد خلف بن مشعان..
من الذي ياتي على شان يدرون
انا اللذي يدرون به قبل ياتي
نجمي سطع من غير بيرق ومليون
قليل في جيلي يسوي سواتي
حسن النوايا شفتها بكل مجنون
وسوء النوايا جعلها للمماتي
ماجيت اهايط بس لا زم تعرفون
مازعزعت بعض السوالف ثباتي
لو شلت في قلبي مثل مايشيلون
ماكانت الطيبة من ابرز صفاتي
يامحمد ابن فطيس وش فيك مشحون
مااخطيت يوم اني حسبتك لقاتي
ابي اطفي الفتنه وابي انشدك وشلون
اسلم من الضيعه واجمع شتاتي
الناس معها عقل ولسان وعيون
وقدامهم كزيت…. يمك ………وصاتي
ماجيتك ببيت مع الشعر مدفون
جيتك علىوضح النقا …..ياغناتي
ماني من اللي في قفا الناس يحكون
عيب على ألحق خويي حصاتي
اللي لياقفيت عنهم……. يهدون
ماهم بكفو لرجعتي والتفاتي
سكرت اذاني عن وكالة يقولون
وذكرت لي بيت يفسر سكاتي
الله يجيبك من بعيد ن اليا دون
والله يحطك باللقا من تلاتي
رد ابراهيم العنزي(ابو ريماس)..
ارسلت لبن فطيس صوط من عذاب
وسميتها لعيون نوت المنجنيق
ماني وانا ابراهيم دكاك الصعاب
ان مارشقتك في قطرك ولا تفيق
هذا مع اني مكنسل بيوت العقاب
ادري تليق اشياء واشياء ماتليق
اخطيت في بيتك وجنبت الصواب
اثرك طلعت بشنق من جنب الطريق
والذيب ماعمره درع وابك بذياب
كحلتها واعميتها ورب العتيق
ياقشر لاطاح الرجل طيح الذباب
يستبدل اللي تكرمون عن الرحيق
والله لو ماخفت من يوم الحساب
لاعطيك بيت يورث بقلبك حريق
النبح يابن فطيس ماضر السحاب
وايه الفلز يغار من قدر العقيق
يكفيك يابن فطيس سوط من عذاب
سميتها لعيون نوت المنجنيق
أتمنى أن الأبيات رآقت لكم
دمتم بخير
الذيب يدرع بالغنم ولا يحسب حسابها ..
صح لسان خلف … رغم ان المثل يقول… (الكثرة تغلب الشجاعة ).. بس هذا اذا قال انه واجة كثرة وانتصر عليهم لا يصدقه احد
ويضربون له هذا المثل ..الكثرة تغلب الشجاعة ..!!
ويقصد الشاعر خلف ..هنا….. إن الشجاعه تغلب الكثره وأنا أعطيك الدليل
الذيب يدرع بالغنم ولا يحسب حسابها ..
اي ان الرجل مهما كان شجاعا اذا اجتمع علية اكثر من واحد هزموه وكسروة .. كما قيل .. ناطح اثنين كذاب .. بس الشجاع مهما هزمتة الكثرة لاتقلل من شجاعتة .. والشاعر يتكلم عن الشجاعة ويشبه الرجل الشجاع بالذيب .. ويشبه كثرة الرجال على رجل واحد بالغنم ..وهنا اتضح المعنى .. ان الرجل الشجاع
يواجه كثرة الرجال ويراهم مثل الغنم لا تهمه شجاعتهم وكثرتهم .. يواجههم وهو يعلم بالاخر انة مهزززوم ..
هذا اللي انا فهمت لقصد الشاعر …وتختلف الآراء والمفاهيم ..لكن يبقى المعنى في بطن الشاعر ….
المهم يعطيك الف عافية على هالنقل المثير ومشكور وما قصرت … تقبل مرووري
على النقل الروووعه
لاعدمنا وجودك
دمت بود
يسلمووووووو
