السلام عليكم ورحمة الله وبركاته
اولآ ,, هذا أول موضوع لي معكم كل مشاركاتي ردود فقط وأتمنى تردون علي وترشدوني أنا في حيره وبالي مشغوول
أنا ساكنه في شقة إيجار ولي فيها تقريبا 5 سنين وعلاقتي بجيراني جدآآ سطحيه وزياراتنا لبعض في النادر مادري هو انا مو إجتماعيه بحكم المدارس والعيال وشغل البيت وإلا الدنيا صارت كذا كل واحد مقفل على نفسه الباب ولا له حس والله من يوم سكنت محد جا ء من أهل العماره وطق بابي الا مره او مرتتين وانا نفس الشي الكل مشغول بنفسه
المهم جتنا مستأجره جديده أحس انها اجتماعيه وتروح وتجي وتعرفت علي ودخلت في على طول زيارات وسهرات واول زياره لها عندي جلست عندي للساعه 3 الفجر وانا بصراحه مو متعوده بس قلت يالله صارت دايم تدق علي وتسأل عن كل شي وانا والله ماجاني منها إلا كل خير وماقد ضرتني بشي بس زوجي مو مرتاح لها ودايم يحذرني منها وأختي نفس الشي بحكم انها منفصله عن زوجها وعمرها أكبر من عمري بكثير وعندها عيال كبار وبنات بس أنا قلت لا الحرمه ماجاني منها الا الخير ولا سوت شي حتى ابتعد عنها المهم ^^^ كثرت المهم عندي
في يوم من الايام والساعه 6 الصباح دق جوالي بصراحه خفت محد بيدق الوقت هذا إلا وفيه شي مهم وكان وقتها عيالي بيروحون المدرسه أخذت الجوال والا جارتي اللي قاعده تدق رفعت وسلمت علي واعتذرت انها داقه الوقت هذا وقالت لي بأطلب منك طلب غريب شوي وقلت آمري قالت أبغى (شمــــاغ لزوجك) أستغربت طلبها صراحه وفي نفس الوقت خفت مرررررررره وقلت لها ليييش ؟؟ قالت ولدي بيروح مشوار وماعنده شماغ
هنا جاء في راسي ألف سؤال وسؤال
وقالت زوجك لايدرري قلت طيب اشوف لك شماغ وقفلت وانا ماعندي اي تفسير صراحه لطلبها جلست افكر ياربي هي من جد تبغاه لولدها والا عشان شي ثاني ؟ وش معنى أنا اللي طلبتني ليش ماطلبت غيري من أهل العماره ؟وجلست اوسوس وانا مابغى احط ذنبها في رقبتي أخاف أظلمها أو أظن فيها ظن السؤ …..
رجعت دقيت عليها وقلت لها آآسفه أشمغة زوجي كلها في المغسله وكنت أتمنى أساعدك قالت لا عادي بس زوجك دري بالموضوع قلت لالا وقفلت وأنا من يومها وأنا أفكر وصرت خايفه مدري ليه من اللي أسمع فيه من قصص وخيانات وإن الخير صار نادر في الدنيا وقلت للدرجه هاذي تمون وأمون عليها عشان تطلب مني هذا الطلب وأنا أصلا يادوب متعرفه عليها ….وماكتبت موضوعي إلا عشان تساعدوني وتعطوني رأيكم بالموضوع بصراحه أعتبركم زي أخواتي ورأيكم يهمني وشكرا لكم
عزيزتي
تصرفك صح لان الحياه مافيها امان
ولا حد يثق بشخص من اول معرفه بسيطه
انصحك تنتبهي وتخلي علاقتك بها محدوده و قليله
ومع الايام تعرفينها اكثر
وان شاءالله انها وحه طيبه ..
دعواتي لك
ينقل للقسم الانسب
لانو يمكن تسويلك سحر على حسب اعتقادي
لانو اتني قلتي هيه منفصلة عن زوجها
و لانو قالتلك لاتقولي لزوجك علشان الشماغ
هذا استنتاجي والله اعلم
واذا ماقدردي تقطعي العلاقة بها
قليلي من زياراتها لعندك علشان لا تسويلك سحر في بيتك
و دائما خلي القران شغال في بيتك حتى في ليل و حتى اذا خرجتو و ما كان في احد بالبيت
وهذات كل ما عندي علشان اقوله لكي
اتمنى اني اكون ساعدك
تحياتي
بس خليك حذره منها
وانتي انتبهي منها والله الدنيا هذه صار فيها الامان قليل ولازم الواحد ياخذ حذره
وزوجك واختك اكيد قالو لك انتبهي منها واتركيها لانهم يمكن يشوفون اشياء انتي ماتشوفينها
والله يحفظك ويحميك ويحمي كل بنات المسلمين من كل شر
لانو يمكن تسويلك سحر على حسب اعتقادي
لانو اتني قلتي هيه منفصلة عن زوجها
و لانو قالتلك لاتقولي لزوجك علشان الشماغ
هذا استنتاجي والله اعلم
وانا عن نفسي اجتماعيه واحب الناس واختلاط بناس كثيره وبيننا ميانه مره بس وموصلت لشماغ ولاغرض الشخصيه جدا
فيه ناس تطلب فستان ولاونهم في هادا الزمن ماضن بس ابعدي عنها واستخير الله فيها لانو اعرف مني ومنك وابعدي عنها افضل
انا من راي انك مو تقطعي العلاقه فيها
بس لا تخلي علاقتك فيها قويه …
والجيران دايم يساعدوا بعض بس هذه طلبت زوجك لا يعرف
وحرصت ان زوجك مايعرف ,,,,
وهنا الشيء الغريب,,,,
انا ما ابي اظلمها واحط في النية شيء
بس من جد لو تبيه لولدها ؟؟؟؟؟
ايش يدخل زوجك يعرف ولا لا !!!!!!!!!!!!!!!!!111
المهم ,,,,,,,
انتبهي في علاقتك مع جيرانك ومو حلو تقطعي اي علاقه
من شخص ماشقتي منو مضرة بس ….
تعاملي معها بحذر ,,,,,,,
حبيبتي الدنيا معد فيها امان
انتبهي منها واذا دخلت بيتك قفلي غرفة نومك ولاتخلينها تاخذ راحتها في البيت
لاتظلمينها بس انتبهي منها ومن غيرها
هذا نصيحه مني
والله يبعدك عن بنات الحرام الي مايخافون الله ويخليلك زوجك وعيالك
